親愛的讀者朋友
可能大家最近見到《辦公室日報》嘅post有啲轉變，以前係一幅圖就咁一段文字，而家就要click一click幅圖再跳去網頁睇，係咪麻煩咗呢？喺度講聲唔好意思，因為迫不得已。
一直都有其他media轉載我哋嘅post，大部分都好專業同埋有禮貌，會查詢完再獲得同意先至轉載，當然都有一啲媒體或者內容農場係未得到同意就拎咗去用，但如果對方有標明文章出處，我都認為唔需要計較咁多，同行互相幫忙係一件好事。好可惜，早排有兩段讀者投稿包括《未知全貌 不予置評》（內容為丈夫照顧妻子停工一年，再求職被質疑曾經坐監），同埋另一篇《辛辛苦苦儲到13萬，被迫拎出嚟幫阿哥還債》，我發覺情況開始失控，其中一個以親子做牌頭嘅page唔單止未得到同意下轉載，仲要係完全唔標明出處，除咗擺喺佢哋fb之外，更加將我哋嘅文章搬埋去佢哋嘅網頁賺取點擊率，一樣隻字不提出處。
我個人嘅文章可以唔計較，問題係投稿人向我表示，唔鍾意佢個故事被嗰間親子傳媒轉載，然後我就contact嗰間傳媒要求抽起，不過苦苦聯繫幾日都冇回音，最後我要email去佢哋負責接廣告嘅sales team先得到回覆，前後花咗一個星期嘅時間，先至成功將被盗用嘅文章下架。
首先，我之前幫蘋果日報同埋JobsDB寫專欄，其實都係有稿費，即使我呢邊嘅讀者投稿，獲刊登後一樣會收到《辦公室日報》嘅稿費，因為我哋都信奉「文字有價」，唔該都冇聲就拎去轉載，即係食免費午餐，長此下去好多文字工作者都會失業，係破壞緊成個體制同市場。
其次，作為一間傳媒，仲要用親子作招徠，但原來連「尊重」兩個字都唔識，未徵求過同意，更加刻意唔標明出處，呢種行為實在令人反感，枉佢哋自稱係media。
或者你會強烈要求我開名，我本身都打算開名，但係同事提醒咗一件事，Facebook個system係～～～只要見你search過，系統就會以為你好有興趣，以後不斷派佢哋嘅post畀你睇，情況就好似你喺google搜尋完「背囊」，睇fb就會見到好多背囊廣告一樣，所以我開名只會令呢間垃圾傳媒點擊率更高，間接助攻幫佢哋宣傳。我唔希望綁架我嘅讀者去攻擊別人，我只係想呢個垃圾親子page寂寂無聞。
大家呢期見到《辦公室日報》嘅文章附上我哋嘅website連結，原因就係益呢啲垃圾傳媒，我不如益自己個網站，就算對方依然厚顏無恥去copy & paste，至少都要click入去幫我增加點擊率。
文字作品一直都缺乏保護同埋保障，所以我好理解有唔少page同埋作家已經開咗Patreon，個人立場係十分支持佢哋，亦喜見各方認同文字有價，但由於《辦公室日報》主力講職場，當中除咗故事，亦有唔少見工經歷分享、信件sample、教學，實在唔願意加重求職者喺金錢上嘅負擔，所以我想堅持所有文章唔需要收費就可以睇到，我要賺錢會靠賣廣告㗎喇，大家唔使擔心，平時睇下同like下廣告已經好幫到手，你哋留返啲錢去支持其他有質素嘅作者啦！
唯一要麻煩到咁多位讀者嘅係，以後可能會多咗文章需要你哋click開個網頁連結先睇得晒，希望大家體諒，所作嘅決定係迫不得已，但保證內容唔會收費。
雖然外面烽煙四起，但仍然想同你哋講聲：
中秋節快樂！
聶瞳 上
烽煙意思 在 per se - 共勉之。 《烽煙若說》 即便是靜默靜坐靜待亦被冷 ... 的推薦與評價
共勉之。 《烽煙若說》 即便是靜默靜坐靜待亦被冷待都喝彩星月在睡著望著伴著低窪之中都撐著烽煙若說散去抱著花蕊總會疲累退信是那日子會重聚這裡躺下 ... ... <看更多>