🇲🇴三口八胃論區行嚐美食企劃🇲🇴
「三口八胃論區行嚐」路線：《創意展現．活化藝城》
梳乎厘鬆餅近年忽然上晒位，成為甜品界嘅班霸，喺甜品界打滾嘅朋友們，應該都能夠feel到呢股輕盈嘅風潮最近喺澳門街有幾火紅！
話說呢間位於普濟禪院（即大家熟悉嘅觀音堂）對面嘅「一竜拉麵珈琲店Ichiryu Cafe 」，算係本地整梳乎厘鬆餅最耍家嘅cafe之一！除咗有最純情嘅基本款原味梳乎厘鬆餅，店家亦延伸咗唔少花巧嘅口味嚟攻憾你嘅少女芳心。
咪住！陪你食飯嗰位與糖份對立？而你又對呢份蛋香同空氣感欲求不滿，冇問題，皆因呢個場加映埋風味十足嘅魚介拉麵同北海道湯咖哩飯，一於你走你嘅鹹香道，我過我嘅甜蜜橋，帶住味蕾通往幸福嘅道路，帶住肚腩直達減肥生涯嘅終點。
一竜拉麵珈琲店Ichiryu Cafe
🚶🏻♂️地址：高士德高地烏街51號富麗苑地下A號舖。
🚩同區景點及好去處：普濟禪院（觀音堂）、二龍喉公園、國父紀念館。
🤤是次餐點：海鹽焦糖梳乎厘鬆餅、京都抹茶梳乎厘鬆餅、北海道湯咖哩牛肉飯、鰹の醬油拉麵 配 葡國沙甸魚。
🍽行嚐焦點： 京都抹茶梳乎厘鬆餅 - 鬆餅一如既往咁好，輕盈柔軟又富蛋香，就咁食已經好夠照，不甘平凡嘅話可以配埋由多種京都抹茶粉調和而成嘅抹茶奇妙醬同香甜嘅北海道紅豆，配角般出現嘅雪糕同蕨餅都唔可以睇少，兩樣都係店家自製嘅，尤其係個沾滿晒熊本黃豆粉嘅蕨餅；香氣逼人，軟糯中又彈彈地牙，絕對想捧佢做一線主角呀！
#macaufood #macaufoodie #macao #macau #澳門 #澳門obxxob #instafood #foodporn #foodpic #macaofood #マカオ #wowmacao
