掉低咗個幾星期，終於的起心肝出post講下我喺澳洲搵工嘅經驗。
點解咁遲先出post？唔係我懶，只係之前我寫完之後，覺得太放負，所以delete咗佢，又再重新寫過。
首先，我要強調自己好幸運，因為我到埗無耐，就有朋友介紹我入去佢公司做customer service。雖然唔係長工，但起碼有份工，個心定啲之餘，亦接觸下人，等自己可以快啲融入社會。
咁期間我都繼續努力搵工，而喺我未出發去澳洲之前，其實已經有上求職網站Seek搵工，但發覺岩嘅工種真係唔多。做幕前嘅話兩文三語要好好（自問自己絕對唔係），做文職嘅話，外國人公司可能會揀native，內地人公司就多數請返內地人，夾咗喺中間嘅我就變得唔上唔落。
有人會問：點解唔試下去做cafe、做待應？咁當然可以，不過呢個未必係我嘅首選，因為我拎住working visa過嚟，未知前路係點，隨時都有返香港嘅可能性，擔心拎住cafe嘅工作經驗返香港，要再搵返份文職做嘅話，唔係咁容易。
除咗語文能力之外，仲有另一個問題，就係張visa！無錯，working visa證明你有資格喺澳洲做嘢，但其實係唔夠，因為當有好多應徵者可以揀嘅時候，啲公司都會偏向請PR或者citizen，雖然佢地未必寫到明，但當佢打嚟做phone interview嘅時候，就會問你係咪永久居民或者公民，當你答唔係，只係拎住working visa嘅時候，佢地就會話sorry，今次份工未必岩你。
我諗我前前後後send咗三、四十覆求職信，有回音嘅五隻手指都數得晒，所以有一段時間覺得好不安同迷惘，好似搵唔到方向，跟住就會反覆自己：「到底拋低咗咁多嘢去澳洲，係咪一個正確決定？明明香港有份穩定工作，有家人，有朋友，嚟到就咩都要靠自己。」當然，我明白工作未必係人生嘅全部，但無疑工作可以令人加快融入社會，亦都更容易搵到自己嘅價值。我諗不安咗兩、三個月左右，最終有公司請我，佢係一間澳洲TVB嘅代理商，會有啲自家製節目，所以我閒時都會出下鏡。
我成日覺得因為我無咩專長，所以喺搵工呢方面好難入手；相反我老公做IT，四年前working holiday嚟澳洲，到埗兩、三日已經搵到工。如果大家真係嚟澳洲，我建議就做多少少準備，學定啲手藝同技能，起碼俾多幾條路自己行。
#人在異鄉的日子
澳洲working holiday工種 在 Kongaroo 香港袋鼠台- 澳洲Working Holiday今年有望重啟 ... 的推薦與評價
澳洲Working Holiday 今年有望重啟？！(內含工作假期簽證申請) | Kongaroo 相信澳洲係一眾backpackers首選或者熱捧嘅working holiday destination。 ... ... <看更多>