【🇯🇵識食和牛篇 Part 1 ：產地｜教你認識日本三大和牛🏆】
去日本超市凍櫃望到一排好似雪花咁靚嘅和牛，眼花撩亂唔知揀邊份靚牛肉好🤯！霜降？三大和牛？銘柄？步留？望住依堆字頭都大，咩嚟架？！跟住落嚟等我地一連幾星期同大家逐一拆解啦！
☝️第一樣一定要知 -日本國產牛≠和牛-
🇯🇵國產牛只要係日本國內出生和飼養，及在日飼養期間比在國外長嘅進口牛隻，都算係日本國產牛。但要稱得上「和牛」依個名，只有認定血統純化嘅四種日本原生種牛隻。
「黑毛和種」、「紅毛褐種」、「日本短角和種」及「無角和種」
市面上流通嘅和牛，有9成係黒毛和牛。除咗日本，仲有其他國家出產和牛，如澳洲。
🌟嚟到認識和牛最強產地 !
銘柄(Meigara ）指和牛產地，日本有三大最強和牛產地分別係：神戶、松阪、近江。
究竟三大產地牛有咩分別？
🐂神戶牛：
兵庫縣內但馬牛血統進行持續交配嘅後代，要指定未生過牛仔嘅母牛同被閹割嘅公牛，並符合兵庫縣「神戸肉流通推進協議會」所制定嘅嚴格標準，先可叫神戶牛。必須由兵庫縣內指定的生產者繁殖育肥。食稻草等乾牧草，加入有營養的混合飼料喂飼，絕不會喂鮮草，其脂肪熔點亦較一般牛低。
🐂松阪牛：
被日本人評級為國寶級和牛，譽為「肉的藝術品」。紅肉及油花分佈均勻，所以又被稱為「霜降牛肉」。只有未交配過嘅雌性兵庫縣但馬牛，並於松阪成長，方可稱為松阪牛。為咗令牛隻血液循環良好，脂肪分布更均匀，會幫牛隻進行按摩，或是促進牛隻食慾而配飲啤酒去培育。
🐂近江牛：
滋賀縣內生產嘅黑毛和種，比起另外兩者擁有壓倒性約400年漫長歷史！飼養者會嚴格挑選牛犢，放到滋賀縣自然環境中精心飼養。肉質霜降程度好高，香味醇厚，油脂柔軟，係唔少法國餐廳愛用牛品牌。
✨除了三大之外，米澤牛、飛驒牛都係聞名於世嘅靚牛，仲有我地近日全新推出嘅燒肉套餐選用嘅牛匠岩手牛。
🐂牛匠岩手牛：
於岩手縣出產，因當地得天獨厚嘅水質，所以盛產農作物及和牛。能成為牛匠岩手牛只有最頂級嘅黑毛和種! 由於日本東北部盛產優質威士忌，所以牧場係牛匠岩手牛嘅日常飼料中，會加入威士忌粕，令油脂帶有濃郁香味，所以牛匠岩手牛又稱「威士忌和牛」。而且牛匠岩手牛極之罕有，每年只生產 1000 隻。香港都係2020 年尾先開始引入的，而我地日日煮已即刻選用佢俾大家嚐鮮！
🥩牛匠岩手牛燒肉套餐嚐鮮嚟依到👉：https://bit.ly/3yalRtk
鐘意食和牛嘅你，記得要繼續留意之後嘅和牛小知識啦！好快會再同大家見～
澳洲 但馬 和牛 在 澳洲和牛M8 等級肋眼原肉客制全修清修筋油，厚切牛排 的推薦與評價
澳洲和牛 Tajima 的牛隻血統起源於日本兵庫縣最著名的和牛血統~ 但馬牛. TAJIMA 但馬牛生長速度慢，至少經過350天以上的穀飼肥育，大理石油花紋的表現出色! ... <看更多>