讀者投稿《攞漏JJ奶奶篇》
話說我老公一向同父母住，結婚前一年62過左身，老公話唔想留99自己一個老人家住，要同住，咁正當既理由我同意喇。
結婚之前，我都知99個衛生標準好低，2-3星期都唔會掃一次地。我有晒心理準備，最多自己做，仲催眠自己，99真係唔覺得污糟先唔清潔啫，唔好太在意。
結左婚大左肚，仲返緊工，我都會兩三日就掃地抹地一次。最正係，我老公係屋企，我抹完房地下，準備抹廳個陣，99就會走過黎話：你唔好做la,等我聽日抹。
我心諗：我都攞晒野出黎做左一半，宜家執番再等你⋯玩咩⋯
我就話：唔使喇，都做左一半，唔爭在。
但老公唔係屋企，我抹地，99就會話： 阿靚女，個度污糟呀！/你同我抹埋呢度個度呀！我真係火都黎，但忍住，只係心諗：妖！ 你全日係屋企，又唔係7老8十，你覺得污糟你唔清潔？ 等我陀住7，8個月仲要放工番黎做？
從此我對佢只會木無表情，當佢透明，老公之後有問我做咩唔俾好面色99睇，99都幾錫我丫，咁懶都會主動話幫我手抹地。我就話：你媽係你面前做戲啫，你buy 但我唔buy。
仲有兩件事想分享：
奶奶係潮州人， 重男輕女都預左，但佢把口真係⋯🙉
話說我個女同老公係一個餅印，阿女大概三個月大時有一晚晚飯時，我老公話：阿女真係好似我，但你係女仔黎架，點搞呀😩
我話：大大下長頭髮就會女仔番，冇問題啦。
99即刻答咀：佢投胎個陣攞漏左野呀ma, 咪做唔到男仔囉。邊個叫佢咁急啫，攞漏條JJ。
我黑面加反眼，老公立即話99:你咪9唔搭8啦，都唔係講呢樣!
第二日，老公返工我放假係屋企，奶奶抱起我個女，面對面同我個女講：你老豆琴晚話你投胎太趕呀，趕到唔記得攞野，你有冇搞錯呀，攞漏條jj都有既，搞到冇撚用。個女即刻喊（平時唔到肚餓都唔喊既⋯），我聽到火都黎，一手抱番個女，再講：你唔好將你諗既野屈係佢老豆講，全屋得你咁諗咋！😡
個晚我同老公講番件事，佢叫我唔好嬲，99係咁傳統，我話下次99再咁講，我會叫佢自己去投胎攞番佢漏左既JJ,佢宜家都冇就應該收嗲。
過左一星期左右，我同老公係房合力維修一d野， 阿女同99係廳，整到半路，我聽到99講JJ, 我就問我老公：99又講咩呀？
老公： 冇呀 （扮傻）
我：佢又講咩冇賓周wo😡
老公：唔好理佢，我地整完先
我：你忍得，我唔忍得架😡（我想行出去）
老公即刻衝出去鬧99 話佢咁大個人都唔識講野，自己都冇jj做咩要嫌人地，好心就收下把口。
是夜，99係房打電話同姑奶呻，仲專登好大聲咁講「我宜家係間屋度想講野都唔得架，會俾人鬧架，冇自由架」
幾想行入去同佢開片！但老公攬住我，叫我冷靜咋!
最後一件事：
話說琴晚有隻蚊飛左入房，咬左bb個頭幾啖，第二朝99見到好心痛又肉緊咁，到夜晚，99攞支藥膏叫我幫bb搽，我同老公一口拒絕。
事後，我攞番支藥膏黎睇
1. 個支係飛滋膏
2. 支野寫明16歲以下勿用
3. Expiry date 係2016年10月⋯
過左期咁耐，我怕99自己會攞黎搽，所以我去問佢：99，你知唔知你俾我幫bb搽個支係咩黎？
99:我知～飛滋膏囉！ 我上次生飛滋一搽就好番咪叫你俾bb搽囉。
我⋯都唔知好嬲定好笑😅
#退一步海闊天高
#我的極品四大長老
#阿奶奶你都攞漏野🤭
👇設計圖片
潮州人重男輕女 在 周佳榮教授「潮汕歷史文化特色及其近代發展：香港潮人的經歷 ... 的推薦與評價
韓愈是行山還是坐船去潮州？最初的 潮州人 原是住在新界？潮人是否 重男輕女 ？ ... <看更多>