［2億人口嘅印尼卒之有地鐵 !］週末東盟最大嘅新聞，唔係泰國大選，而係……印尼雅加達卒之有地鐵啦！（半島電視台原文 https://bit.ly/2WjzXW0）
雖則只係13個站，但總算搞掂第一期。耐過足金金猴，一等就係三十幾年。真真正正細細個就聽。雅加達塞車出晒名，同好多東南亞國家一樣，都係因為之前基建落後，但之後經濟增長快，而多數吸引職位都在大城市，交通基建跟唔上。以前嘅曼谷吉隆坡如是（其實而家都唔見得好好），而家嘅雅加達河內胡志明市都係咁。
講開又講，印尼下個月就大選，我估都係因為咁所以點都要今個月開得到。佐科維多多又可以拎威了。舊年居然都寫過！（http://bit.ly/2HOZDG9 ［印尼大莊］古靈精怪東南亞，印尼經濟增長五年最勁，但同目標比就算罷啦）
雅加達呢個地鐵，仲有一個劃時代嘅意義：就係令雅加達唔再係「最多人住而冇地鐵嘅城市」。任你點計都好，未有呢條地鐵前，雅加達就係全世界「最多人住而冇地鐵嘅城市」。
咁而家到邊個？就好睇你點定義「人口」「城市」呢啲東西，點計都市圈。計City Proper，Metropolitan定都市。即係廣佛同城咁計一個定兩個，京阪神計一個定三個之類
但照計點計都好，不離以下三個：孟加拉嘅達卡，巴基斯坦嘅卡拉奇，同埋尼日利亞嘅拉哥斯。其中卡拉奇我估應該可以一路保持榜首，因為拉哥斯同達卡已經起緊，預計未來兩三年搞掂—係，實會拖拖拖—但總好過你起都未起！卡拉奇甚至係冇起地鐵嘅計劃，祝君好運。巴基斯坦第一條地鐵（如有），會在拉合爾（Lahoe，唔識）。
另外有個講法話菲律賓馬尼拉個地鐵都係有等於冇，完全解決唔到問題。但有就係有啦。我記得去葡萄牙里斯本當年個地鐵都係相當搵笨實，去唔到想去嘅地方，但有就係有。
另外，雅加達呢條地鐵，當然亦係印尼第一條。印尼從此有地鐵，亦都擺脫咗「最多人口而冇地鐵嘅國家」呢個污名。都市人口有得拗，但國家人口應該少啲爭議。印尼走甩後，你估都估到，上榜嘅梗係巴基斯坦。之後就係尼日利亞同孟加拉。不過聞說拉合爾條地鐵今年就開，咁所以應該年尾就到尼日利亞了
BTW，我冇去過印尼。原本有機會去，原本想去，最後都冇去。我亦冇去過巴基斯坦尼日利亞同孟加拉。埃塞俄比工都冇地鐵，但我都冇去過。如果計我去過最多人口而又冇地鐵嘅地方，就係……早兩星期去嘅越南（其實2017年咪去過一次）！
係喎，胡志明市同河內，都係冇地鐵的。不過越南雖則成億人口，但國土夠長夠窄（又關事？都關），加上歷史原因，兩個大城市。胡志明市同河內都未夠一千萬人口，所以相對地唔算好大嘅城市。就唔會在個別城市冇地鐵榜上榜。
好消息就係河內地鐵好似下個月開，似乎都冇乜走雞了。胡志明市就……又係拖拖拖。話就下年，即係等到2021起碼。
越南後，我去過最多人而冇地鐵嘅國家，就會係…..緬甸。但仰光只係500萬人口，政府又定都奈比多，唔多唔少都會想搬啲友去。所以可能都唔係咁迫切。
河內地鐵 在 [分享] 河內地鐵3號線列車測試影片- 看板MRT 的推薦與評價
前兩週看到有越南人在YouTube上分享3號線的影片
這款列車是阿爾斯通建造，列車容量跟2號線應該是差不多
四節車廂一列，高架車站和曼谷的風格感覺很像
列車外觀造型非常的獨特，這個配色似乎沒看過有其他城市有
https://youtu.be/pPF28GZz_-A
3號線有兩個版本的通車流傳待查，一個是2021一個是2022年
東南亞城市的地鐵和軌道建設正在如火如荼地進行中!!
有空再來寫一系列的收集
-----
Sent from JPTT on my Samsung SM-T590.
--
※ 發信站: 批踢踢實業坊(ptt.cc), 來自: 114.45.71.151 (臺灣)
※ 文章網址: https://www.ptt.cc/bbs/MRT/M.1613460895.A.CAB.html
※ 編輯: coffeemilk (114.45.71.151 臺灣), 02/16/2021 18:29:45
河內的延宕很嚴重，聽說跟工程困難有關
恭喜發財
... <看更多>