【 短評《周遊東京》】
新春假後，翡翠台十點半綫又再推出日本旅遊節目，經過這兩三年這種幾乎倒模式的Scheduling思維，就算再喜歡日本，都會睇到怕，不過既然今次新節目、張志明監製的《周遊東京》有「新面孔」登場，決定花少少時間細看頭兩集再判斷是否看下去。答案：僅僅合格。
周奕瑋 Jarvis Chow，洋名Jarvis，人稱Jav仔，香港理工大學語言及傳意學畢業後，曾到東京修讀日文，大約2008年加入無綫電視，曾先後擔任無綫娛樂新聞台主播，因其語言能力高，任職娛樂主播年代經常到海外採訪，包括東京國際電影節等等，亦曾主持過《激優一族》、《Y Angle》、《3日2夜》等，2017年開始擔任永安旅遊日本綫代言人，而《周遊東京》是仔第一次單飛主持的旅遊節目，而且安排在翡翠台播放，絕對是「考牌之作」，所以說「新面孔」，只是從翡翠台的觀眾層面出發，睇開J2者或者睇開日本旅遊資訊者，Jav仔已屬「芝芯級數」了。
我說，無綫旅遊節目何其多，日本東京尤甚，亦太似，前作分別有杜如風《東京攻略》（2015竹、森美的《森美旅行團》（2017），所以《周遊東京》要討好我，不易，因為我會直接比較，不好看，即轉台。可幸，節目內容尚算紮實，第一集競投和牛、街頭100円搶衫、Tokyo Dome故鄉祭；第二集的寵物初詣、到神舍祈福需知（原來御守有效期為一年呢吓真心長知識！）夠晒Informative，亦增廣見聞，但問題在於Jav仔的主持風格未夠成熟，他以一種娛樂新聞主播的方式去做主持，這一點，我扣很多分，既然睇旅遊節目，就係想睇主持Natural High，跟訪問明星講講八卦是兩種截然不同的事，睇片尾Roller，資料撰稿是馬家豪、伍詠儀，劇本審閱是顏家明，言即，Jav仔雖是日本通但論稿不是出自其手筆（杜如風有份寫稿），就算他怎樣投入怎樣Hyper，都只是跟稿讀，睇得出強裝自然，但出來的效果就是不舒服，沒有我睇完杜如風節目後覺得好爽好Enjoyable沒有浪費30分鐘的感覺，看《周遊東京》就是有種中文老師批改學生謄文或日記後用經筆寫上「閱」，或打份辦公室工作回覆內部電郵說Noted那樣，資訊收到，但Jav仔是誰？面目模糊。
當然，跟J2相比，翡翠台拍節目的規限太多，我絕對明白的，亦深知這個評語不客氣，但因為看見Jarvis用日文跟當地人對談那麼自然）你真心Feel到他開心），但講廣東話就變成《娛樂新聞報道》，而Jarvis本身語言能力高，口齒伶俐，樣貌亦Presentable，所以才覺得很可惜呀！另外有樣嘢睇得唔舒服的，就是每集都會有主觀鏡頭（刷牙、拋雪、巴士站遇雀屎 —— 女友視覺？）拍住Jav仔講幾句，都唔知為乜，又唔係拍得特別有趣，出來效果就極生硬，再扣多10分，加上片頭字體、Name Card字體、片尾扮日本廣告的字體都很求其（唔靚，似新細明體+Powerpoint —— 剪片用靚少少字體不算過份吧？！），再扣10分，原本有80分，結果得60分，所以我才說僅僅合格，即是我不會專誠用myTV SUPER來看，有機會看又剛巧有時間的話，但看無妨，希望Jarvis加油，因為我們總不能只看一兩人做主持，緊記尋找自己的節奏，做那個類別的冠軍（尋找自己的Niche！），而不是阿二，可以參考 梁彥宗 Chris Leung的《背遊中亞》或者是《衝三小喪玩星馬泰》，都是上述佳作，共勉之！
（01032018）
#游大東 #游大東影視筆記 #周遊東京 #周奕瑋 永安旅遊 Wing On Travel 在香港 ‧ 過首爾時間 有台channel D 毒舌式劇評節目 - N分鐘劇毒
