關於 母 嬰 健康院 母乳 ，我們在網路上蒐集到這些相關的討論、資訊與評價

【長文/母乳媽天敵：#乳腺炎】
呢碟係瘦肉蒸蛋
係我坐完月之後最經常食既餸
一個人湊B還要照顧自己一日三餐
實在變不出什麼花樣
幸好餵人奶要食得好清好清
所以這樣瘦肉青菜都夠我B過日子了

言歸正傳 餵人奶真的不能亂吃東西
一份炸雞 一隻豬手 一件蛋糕
再加上少睡一個午覺
就好容易會得乳腺炎
然後就會痛不欲生
我知 我真係知
因為我經歷過了
而且挨過來了
所以我想分享吓

其實我唔係專家
雖然生第二胎
但胎胎唔同玩法
自己體質/體力亦會隨年紀改變
所以我其實都係新手媽媽

唔係想教大家如何預防乳腺炎
係想提醒大家如果決心餵母乳的
一定要睇健康院本母乳指南
同埋自己google如何預防乳腺炎
因為你唔會想連續發燒幾日
靠食止痛退燒藥來支撐身體
痛到不想動卻要湊著哇哇叫的嬰孩

那短短幾天煎熬
是會令你每一秒鐘都想放棄餵人奶
我當時就辛苦到立即叫我媽買奶粉
我同自己講唔會再餵人奶了

但停人奶唔係話停就停
已經乳腺炎了 已經塞奶塞到石頭胸了
愈痛就愈要埋身餵
愈痛就愈要隔兩三個鐘就泵奶
想停人奶都要疏通乳線先

好吧 經過做齊google教的方法
我活過來了
人就是這樣 活過來了就忘了當初
如何誓神劈願說要停人奶
因為發現女兒喜歡喝人奶多於奶粉
於是我又堅持餵人奶了
又再一次跟自己說要餵到6個月以上

無咩事我都係返出去食瘦肉蛋+灼菜
珍惜生命 遠離乳腺炎

【輕鬆做小食👅】
唔經唔覺，粉餅仔已經到左一日食3餐既月份👀1歲之前，俐個BB一日兩餐粥仔🥣4餐200ML母乳🍼一歲嘅時候去母嬰健康院，姑娘話淨係睇體重就已經超高咗生長線(100以上了)，但係度埋身高，就合格，唔洗減肥😹姑娘亦都話，母乳太好吸收🧽要開始加多餐固減餐奶啦🙌🏻

其實粉餅一直都有食開日本🇯🇵和光堂既嬰兒食品包，今次就介紹和光堂既Pancake粉🥞
做法真係超簡單， 啱晒做早餐同下午茶食✨唔識煮嘢食嘅我，都煮得似模似樣咁😹😹😹 和光堂既Pancake粉🥞入面仲添加鈣及鐵，補充BB日常所需營養❤️9個月以上既BB就可以食咖啦😋

🌟做法：
📍將20克 Pancake粉混合15毫升水或牛奶 (一包100克可整五次) 
📍慢火煎約1分半鐘
📍攤凍就食得
.
.
.
➖➖➖➖➖➖➖➖➖➖➖➖➖➖➖➖
工作邀請合作代言拍攝請DM📩
💌Email:yukinyayuki0403@gmail.com
🧸:IG:Yukinya.yuki
👑FB:YUKI WONG
🐾FB PAGE: 雪喵の育成日誌
➖➖➖➖➖➖➖➖➖➖➖➖➖➖➖➖
#和光堂Pancake粉 #和光堂 #嬰兒食品 #和光堂代購 #bb用品 #bb用品代購 #blwhk #babyledweaning #嬰兒自主進食 #蒙特梭利 #蒙特梭利教學法

終於有啲時間同大家分享一下
Jayden B 出世後10日發生咩事
👉無一個阿媽係生完仔就會即刻識揍仔👈
我哋每日都在學習當中成長
#做咗人媽咪內心要強大
#長文慎入

• 產後住院所有事需靠自己
生完之後醫生話有個5蚊銀大嘅傷口需縫針、BB俾姑娘清潔過後就抱過黎肌膚接觸，有約1個鐘嘅時間抱住BB，📷影下相打下視像電話報下母子平安。然後我就比啲姑娘推去產後病房 — 8樓大房，由哩一刻開就分隔。過完床之後姑娘就同我拎晒要用嘅野放喺床頭櫃，由於過咗晚餐提供嘅時間，老公就喺便利店買咗啲野俾我食 (補給補給)，老公拎埋走佬袋👜啲野喺門口交收，佢就可以返屋企休息。食完野嘗試產後第一次小便，㩒鐘叫姑娘佢會俾個尿兜你喺床上痾，痾到半個兜嘅量確保排尿系統無問題，先可以慢慢落地。姑娘將BB👶🏻推返黎身邊，母乳姑娘會過黎教餵母乳嘅姿勢同點先叫正確，初嘗親餵🤱🏻讓阿B埋身食奶；另外開始手擠母乳刺激胸部分泌乳汁，先試用1ml針筒擠出 #黃金初乳，不過姑娘知我地未上奶都會同BB補飲奶粉或水奶。

• 種豆靜脈注射
因為早產咗少少嘅關係，阿仔雙手種唔到豆但比人吉到瘀晒，最後種咗落左腳💉，見到佢日日都要打抗生素、乙肝疫苗第一針及卡介苗、抽血驗肝功能等等… 😢簡直心都痛埋啊～ 到DAY 4 姑娘話今日終於唔洗再打針針可以拆咗粒豆喇！不過仲有好幾個問題要解決：左腳掌有輕微嘅馬蹄足內彎，出院後需要做物理治療一段時間；左耳聽力測試唔合格同埋要睇骨科… 放心！媽咪會同你一齊渡過每一個難關。

• 胎糞及尿液顏色反映身體狀況
第一日見到佢排出嘅胎糞💩由黑綠；於第3、4天後，完全排完胎糞以後，大便顏色會呈橙黃色或是黃色👏 證明你嘅用心，努力餵食係成功嘅！(觀察尿液濃咗，如濃茶或可樂咁嘅色；同埋啲屎屎變成灰白色等症狀，加上留意皮膚泛黃程度，需立刻送醫檢查。)

• 新生嬰兒黃疸
滿心歡喜原先以為哩日(DAY 5)可以出院，點知兒科醫生睇完阿仔話黃疸膽紅素指數偏高需要即時轉去照燈，初為人母嘅我難忍同BB分離，更何況當時姑娘都答唔到我要照幾多日、要分隔幾多日？當佢問我叫我決定今日去或留時真係好掛住老公同屋企啲貓🐈，但又唔想掉底個仔一個喺醫院喎，心情好矛盾… 加上同房對面床開刀生都已經出得院，送佢出門口果下超心酸😔 但最後都選擇就繼續留院，到老公打視像電話黎，見到雞髀同西米係咁嗲個電話就忍唔住果種好想返屋企嘅情緒，喊咗出黎💧 話比自己聽：「我知道我要堅強 ，STAY STRONG，我可以的！」真係唔知可以為佢做啲咩，唯有默默地泵奶送去俾佢食啦～ 其後老公都出黎再補給物資、探我同去探阿B。由於只限1人入去探訪，哩個機會就俾爸爸探吧，始終我都見咗佢咁多日，爸爸就由佢出世果日到而家隔咗成4日先見到… 哩晚無咗室友同BB喺房，望住房個窗外落雨閃電⛈特別寂寞。

• 回家後又再照燈
住院咗6日，終於收到好消息🥰 可以同阿仔一齊出院返屋企喇！好興奮咁換晒出院衫辦出院手續，等埋老公過到黎再去果邊病房接埋Jayden B，返到去公公婆婆爺爺嫲嫲急不及待都即刻上晒黎睇BB (無人係黎睇我架囉…)。第二日陪月正式返工，不過隔日去健康院檢查完，又要即時去屯醫擺底佢照燈😢 到底幾時先可以退黃唔洗再照燈呢？最後留咗一晚，隔日就收到電話話Jayden指數降返可以出院，又要出去接佢出院，連日都奔波勞碌，媽媽心都累埋～

• 夜晚才是作戰狀態
基本上BB出院後返到屋企嘅日子，全部時間都係俾晒BB～ 想擠啲時間黎做自己野真係有啲難道(除非你有工人姐姐)，餵夜奶係新手父母必經之路，日間盡量爭取時間休息，有咩就交比陪月處理，正所謂「佢訓 你就要訓」😴💤 先可以唞足精神準備夜晚嘅作戰！

照顧初生嬰兒係會攰啲，但都係值得嘅～
最緊要有另一半 @donlaukt 同你並肩作戰
各位新手父母 共勉之💪

#新手媽媽 #新手爸媽 #香港媽媽 #孕婦日記 #孕媽媽 #36週1日 #早產 #baby #babyboy #BB來了 #出世 #生產日 #生仔 #母子平安 #生產紀錄 #種豆 #黃疸 #生理性黃疸 #初生b #新生兒 #jaydenb成長記