【盲目迷信法治與程序】
就係學唔識點樣：適量咁運用酌情權
萬寧婆婆厘件事，其實好代表香港社會執行權力僵化嘅實況。响現今香港最需要保留「法治精神」同「法律程序」嘅時候，理智上大家總唔可以話萬寧錯嘅。不過問題就在於，無好好咁適量咁運用管治藝術裡面嘅酌情權，去考慮結果同保持形象呢？
係香港人都知監守自盜點都係唔啱，正所謂偷一蚊同偷一億係犯法。其實响僱員犯上厘啲錯誤嘅時候，儍嘅都知HR有一萬個方法處理。萬寧執行權力嘅主管同HR响件事發現之後，諗都無諗就決定做到最盡報警。理由係揸正黎做，法律上同程序上必然係啱晒。將責任推晒比警察同法庭，自己响職能上就無得輸。
可惜厘種「緊係揸正黎做」嘅無得錯嘅心態，肯定完全無顧全大局同考慮影響形象嘅反效果（婆婆一上庭就全世界都知啦）。啲友好似唔記得，自己係間公司係打開門口sell關懷形象嘅零售商咁嘅？其實現今香港政府至大型機構，有邊個重識運用酌情權去權衡輕重呢？
所謂嘅法治社會，執行法律同既定程序嘅時候一定留有些少酌情權嘅灰色地帶（例子唔講，費時話我戀殖）。厘樣嘢本身係極之需要國民質素同管理（治）智慧嘅支持，做多咗就好容易偏私同縱容。唔做嘅結果，食環處代表政府近年表演咗太多，而萬寧今次就代表私營機構做一次比大家睇。
都唔好講什麼同理心或者同情心，厘啲咁虛幻同煽情嘅嘢。萬寧關公回認都係連最低級政府官員都識講嘅，已經進入司法程序同尊重法治厘啲官話。連基本到無用嘅公關文字都唔識，洗多幾多錢整隻萬寧貓、鄭多燕同古天樂都無用啦！
事實證明，某啲人係學百幾年都唔會識運用權力同管理藝術...
#死嘅法律
#硬嘅程序
#儍嘅都明
#運用技巧
#點都唔識
