[12個迪士尼聖誕打卡秘點]
即日至2019年1月1日，迪士尼換上聖誕主題！跟以往一樣，我入園專為大家找尋打卡秘點。除了排隊同迪士尼朋友合照，以下秘點都唔好錯過呀：
1️⃣ 門口嘅18米高聖誕樹 🎄
今年發現大家自發排隊逐個影相！我地仲幫前面嘅遊客影，佢又幫返我地揸機，好nice。
2️⃣首次主辦嘅「夢想花園冬日市集」☃️
除了可以排隊同迪士尼朋友合照，仲有好多靚位，用iphone Portriat mode就可以成功散景。
3️⃣聖誕主題爆谷桶🍿
一見到就好想擁有！不過被理智戰勝了，下次先。
4️⃣反斗奇兵大本營 神秘位🎁
呢個係朋友教我影嘅，This Way 呢個牌用 Foodie cam 影特別靚，我地一影完即刻有好多遊客跟住影呢個位擺同一pose。
5️⃣米奇與好友聖誕舞會💃
長達20分鐘的歌舞劇，每日三場，十分精彩！如果企到中間就係影相最靚位置，如果企唔到中間可以企近台左，（細細聲話你知）迪士尼朋友會在「公主皇室庭園」那邊行上台！到時就可以近距離捕獲。
6️⃣ 最強聖誕氣氛嘅小鎮大街🇺🇸
平時大家在小鎮大街多數是買飲品或購買紀念品，但一到聖誕，大部分節目都在小鎮大街發生，影相位亦相當多，每一道門每一個窗都影得過，我地當日在大街玩了2小時都未離開 XDDD
7️⃣隨時出現的聖誕主題迪士尼朋友🎨
我地去小小世界之前，見到清潔工在施展「拖把神技」，用咖啡畫 Duffy & Friends。唔好忘記向佢地索取貼紙，米奇90周年特別版貼紙派發中！
8️⃣聖誕飄雪時刻❄️
晚上6:30pm，米奇和迪士尼朋友會許下聖誕心願，祝願飄雪降臨。飄雪後唔好即刻行開，仲有part 2。
9️⃣夢想成真聖誕樹亮燈禮💡
6:45pm，緊接聖誕飄雪時刻，「聖誕歌詠團」會現場演繹動人聖誕樂曲。唱得好好聽，又有懷舊感覺，好似返到20年代嘅美國咁。
🔟聖誕歡送時刻🎼
睇完8:30pm嘅夜間巡遊，可以睇埋聖誕高飛與「聖誕歌詠團」嘅無伴奏合唱至走～
㊙️（神秘位）掛滿迪士尼朋友的聖誕樹🎄
影完門口嘅18米聖誕樹？唔好漏o左在原本城堡位置、「米奇與好友聖誕舞會」台後嘅神秘聖誕樹。樹上有更多迪士尼朋友出現，無敵破壞王都有份！
㊙️（神秘位）Marvel Agents of S.H.I.E.L.D「神盾局特工」報到！
除了每次都指定到明日世界嘅火箭餐廳食炸雞（最近發現炸魚都一樣好食！），在「 鐵甲奇俠飛行之旅」附近，全新主題互動遊樂設施「蟻俠與黃蜂女：擊戰特攻」將於2019年3月推出，而家行過可以影住「神盾局」標誌先～美劇迷一定好興奮！
📷成12個影相位咁多，記得手機及相機都要充電充足而入園呀。樂園裡面一早一夜氣溫相差近10度，記得帶外套、頸巾及摺得嘅羽絨背心，或者即刻買毛毯包住暖身啦。📷
#disneyxmashhk #2018xmas #MerryChristmas #Christmas #DisneyChristmas #festive #LetItGlow #ADisneyChristmas #HKDL #香港迪士尼樂園 #HKDisneyland 香港迪士尼樂園 | Hong Kong Disneyland
