想搵窿捐但搵唔到個窿，唯有低頭打字出個 post。
好樣衰，真係好樣衰，點算。
以前有個前輩教我，叫嘢飲之前，最好睇吓人地個 drink list 先。完全不明白為什麼有先看 drink list 的需要，十年後終於明白。
話說。
約咗人，早到坐低，叫杯酒飲。「Jack Daniels，唔該，straight。」
如果對酒不太熟悉，有必要解釋一下：Jack Daniel's 是一瓶很 cheap 的 whiskey，雖然好 cheap，但我自己覺得入到口。
再加上，出嚟飲嘢，都唔係為咗品酒㗎啦，志在有杯嘢飲揸手啫。
侍應超禮貌回應：「唔好意思先生，我哋冇 Jack Daniel's，不過我哋有 Johnnie Walker 嘅 Black Label。」
你知唔知佢呢句係幾咁有骨？佢嘅意思係，Jack Daniel's 就冇喇，類似嘅 cheap 嘢就係 Black Label，要唔要？
別人能夠侮辱你的先決條件，是首先要你自己非常在乎。
係，我係非常在乎，所以我覺得被極度侮辱。
為了讓自己記住這次教訓，我決定懲罰自己。
有冇 Blue Label？
「有，」侍應微笑點頭。
「要個 double 唔該。」
七舊水嘅酒有幾矜貴？
飲得再細啖，都分唔到七啖飲。
樣衰點算 在 覺得自己好樣衰點算- 港澳日常板 - Dcard 的推薦與評價
等我形容下我自己個樣先面圓又橫又短皮膚偏黑仲要油性皮膚，所以容易油光滿面面上有少量暗粒同暗瘡但有大量暗瘡印髮線唔算高但好橫眉毛稀疏，前半截都 ... ... <看更多>