【#時常在發著惡夢有人搶去你】
無安全感嘅關係係非常痛苦，
而對一個女仔最好嘅安全感就係
我深信我老左肥左醜左，您都唔會嫌棄我。
正如，有日您甩哂頭髮
我都會⋯⋯大聲恥笑您然後繼續愛您
光頭肚腩麥，I am ready.... to laugh~~~~~~~~
/
有啲女人無論幾多歲都時刻保持作戰狀態，去到中年都依然風韻猶存。我身邊都有個女仔，時刻都好落力去保養自己，佢以前有個男朋友曾經偷食後生女，自此佢就確信女人一定要好好保養，如果唔係就會輸畀更青春嘅小女孩。
對於女人唔應該自暴自棄呢點，我係同意嘅。因為眼見好多女仔拍拖之後就放棄打扮，放棄人生，真係聞者傷心，見到都滴汗。不過，打扮最好係為咗自己啦，如果為咗防止一個男人變心，其實都幾無謂。
成日聽到啲男人如果結咗婚之後去偷食，總會有人話「梗係啦！你睇佢屋企個黃臉婆！點頂呀⋯⋯」，好似將偷食呢個責任變咗係個老婆保養不宜嘅錯！唔好合理化偷食啦！係咪屋企個老婆唔靚就可以出去偷食先？
娛樂圈就有一個非常勵志嘅故事：梁家輝老婆成日都畀人話唔靚呀肥呀乜乜乜，仲話佢配唔上梁家輝⋯⋯我心諗：其實梁家輝都唔係咩靚仔，你睇佢後生嗰陣先啦，唔好唔記得當年佢都係咩都無。不過面對大家嘅批評，梁家輝話佢老婆係最靚嘅⋯⋯可能係一個藝人包裝咗自己嘅說話，但事實你見梁家輝出街都係依然拖到老婆實一實⋯⋯
我相信真正嘅愛情的確會係咁。你每一刻都喺度變老，永遠都會有比你更青春更靚嘅少女出現，你點防？女人的確唔可以因為上咗岸而放棄自己，但係我更覺得愛你嘅男人會知道自己愛嘅係你個人，唔係你青春嘅軀殼。要時刻武裝提防小三嘅生活，呢個男人你要埋我嗰份啦。
/
ig: hkgirlfriend
港女友 Hong Kong Girlfriend.
梁家輝老婆 在 外界對梁家輝太太江嘉年都有點負面的評價，認為她體態臃腫 的推薦與評價
梁家輝 ：我娶了人人喝采的好老婆】 當年他們結婚時，香港雜誌封面標題是《梁家輝娶了個人人稱讚的老婆》，照片上的江嘉年很美，但人人稱羨的老婆也會變老。 ... <看更多>