【 暖男爸爸／駱振偉其實係柳俊江替身？ 】
即Like大東IG：instagram.com/yautaitung
由戚家基（Peter）、何劍雄、譚靜顏聯合監製；戚家基自編自導（另外兩位導演是羅俊偉、梁崇勳），並由鄭中基與張可頤擔正的ViuTV新劇《暖男爸爸》，話咁快就來到最後一個星期，是時候說說羅芷明（張可頤飾）的感情生活。
芷明是個相當有學識和主見的職業女性，在保險公司裏跟下屬關係良好，更經常以愛情心理專家的態度，幫助他們分析愛情難題。奈何能醫不自醫，芷明的擇偶標準錯誤，導致婚姻觸礁，因為發現前夫Roger（邵仲衡飾）有外遇而提出離婚。其實一直以來，芷明身邊都不乏追求者，包括柳俊江飾演的Brandon和駱振偉飾演的「投胎界KOL」雷氏少爺阿Ted。雖然柳爺只屬客串性質、戲份不多，但導演戚家基接受訪問時坦言，Brandon對芷明來說，既是旁觀者，也是局內人，實有存在的必要。
Peter細心解釋劇中柳爺跟邵仲衡和張可頤之間的三角關係。「柳俊江（Brandon）係邵仲衡（Roger）嘅朋友，亦係佢哋兩公婆嘅Family friend，佢好清楚Roger對芷明不忠，自己對芷明有好感，又睇唔過眼芷明自己當睇唔到。」幾經思量，Brandon決定鼓氣勇氣，反客為主，就算明知芷明是有夫之婦，依然主動追求，「但係芷明因為自己愛Roger，拒絕咗，之後芷明發現Roger出軌，然後離婚，但嗰個時候，Brandon已經離開咗香港，蘇州過後冇艇搭，然後就輪到Thor（駱振偉）飾演嘅阿Ted出現。」
戚導坦言，《暖男爸爸》並非觀眾已聽上萬次的「帶子洪郎」老土故事，「其實呢個戲係講Second Chance（第二次機會）嘅。」所以阿Ted在芷明的身邊出現，跟Brandon一樣，都是有他出現的原因和功能。
「去到劇情嘅現時空，Ted追求芷明，芷明冇拒絕，不過佢自己唔係好明點解，直至Roger返香港探芷明，芷明懷疑Roger係唔係想追返自己，Roger就提出咗一點，問芷明覺唔覺得阿Ted同之前嘅Brandon個款有啲似，兩個都斯文、官仔骨骨，芷明被前夫呢一句點醒，先至明白，自己接受Ted可能係因為心理上彌補之前拒絕Brandon嘅遺憾。」
Peter希望能夠讓觀眾感受到劇組的用心，所以製作上的會按照劇情和角色性格出發，所以看劇的時候不難發現，駱振偉和柳爺的角色造型上都是刻意追求相似，呼應芷明的內心想法，至於為何會邀請柳爺客串，Peter解釋：「我要搵一個斯文知性又有吸引力、可以同邵仲衡爭女人，又可以溝得到張可頤嘅男人。」
【 延伸閱讀 】
＊張可頤參演《暖男爸爸》：https://bit.ly/2VH6uYN
＊金像獎最佳新人獎得主Crisel Consunji再拍劇：https://bit.ly/3lZ4JkD
＊劉江驚喜現身《暖男爸爸》：https://bit.ly/2SDoAbz
＊劉江爆粗鬧鄭中基？：https://bit.ly/3mpewQs
＊「小暴龍」JuJu可愛到爆：https://bit.ly/327ZXsH
＊《暖男爸爸》第三集的劇本強弱：https://bit.ly/32hbg1R
＊阿榮便利店為咗𢯎Sponsor？：https://bit.ly/36fEqja
（16102020）
#游大東影視筆記 #游大東 #暖男爸爸 #柳俊江 #駱振偉 #張可頤 #鄭中基 #邵仲衡 #戚家基 #港劇 #ViuTV 暖男爸爸 Single PaPa 駱振偉 Thor Lok ViuTV 港人講電視 做乜膠睇電視 Running Team 機動娛樂 快樂的 張可頤 Maggie Hoyee Cheung 邵仲衡 - 丁孝蟹 邵仲衡 David Siu
柳俊江離婚原因 在 娛壹- 前妻雷康怡離婚後首發聲疑寸柳俊江 - Facebook 的推薦與評價
她踢爆離婚前是過着有名無實的夫妻生活，默認兩人婚姻早已出現問題，並解釋離婚2年來，不發一言的原因，是不想影響孩子生活，「大人的世界很複雜，感情是雙方的，我承認 ... ... <看更多>