《殺手》九、十集，越南人壟斷殺手角色。
～ 不記得從那時開始，無論港産/合拍影視作品，悍匪、殺手大多是來自越南，毒梟都係來自泰國，曾經在江湖/警匪片中威風八面的大圈仔，幾乎完全絕跡，好懷念他們手執黑星和AK47橫掃街頭的日子，有他們的江湖片真係好睇啲，不過大國崛起了，國家變成偉大、光明、正義，天下無賊，正能量到極點，又點會再有壞份子出現呢！懷緬過去還是翻睇《省港奇兵》算了。
～Zero的身世居然又係越南人，所以有感而發，不過，越南咖啡咁出名，又點會連咖啡、齋啡都未見過？十八年前任務失敗，那時已經是2000年後，越南雖然未變成富庶國家，但經濟肯定比船民年代進步很多，唔會窮到連咖啡都唔知。
～ 丁一虎整容變成柯正雄，改到樣都應該改唔到把聲，皮光肉滑改成滿面縐紋，整容的真神乎其技，當奇幻故仔睇啦！
～ 丁一虎段戲由第一集開始鋪，諗住會長啲，點知咁鬼趕，認翻江嘉敏係親生女直情係突然得滯，要殺Zero點解唔响自己地頭台灣呢？人強馬壯，點解要去Zero地頭香港呢？
～ 李成昌佛爺切耳仔同搞江美儀兩場戲都相當踩界，以大台來說算大膽了！他和樊亦敏拍檔有點期待。佛爺夠癲，啲戲完全壓住閻王！
～ Zero做得第一殺手，點可能連組織和羅蘭姐的存在也不知，鬧翻場戲擺明迫佢做John Wick！
～ 相當不滿連續三集沒有Dark Angel，Ali啲戲又唔多，冇咁好睇！
#殺手 #TVB #黎耀祥 #陳豪 #李佳芯 #龔嘉恩 #高海寧 #江美儀 #鄭子誠 #孫慧雪 #譚嘉儀
柯正雄 在 柯正雄的個人檔案 - Facebook 的推薦與評價
查看名為柯正雄的用戶個人檔案。加入Facebook，與柯正雄及其他你可能認識的朋友聯絡。Facebook 讓人們盡情分享，將這個世界變得更開闊、聯繫更緊密。 ... <看更多>