只要我一話👉🏾我有啲嘢想問。
我家另外三個人就會答👉🏾我地真係無所謂乜都食。
😑😑😑
係。我每次都問早餐食乜？飯盒放乜？夜晚飯又煮乜？
我問，唔係因為就佢地又或縱佢地。。。
而係👉🏾👈🏾阿媽我真係諗唔到煮乜呀～
😩😩😩
尋日朝早我問夜晚、第二日早餐飯盒要乜，
又係無人理我，答我句是旦啦、無所謂啦～
咁你地無所謂唔肯諗咁我自諗囉😑
今朝煮咗個湯通粉配肉碎粟米粒做早餐，
細妹換完校服出黎望下碗通粉，
面色一沉，講咗聲👉🏾I dun like soup macaroni.
繼而黑晒面坐喺梳化話唔食。。。
阿媽我沉住氣叫佢返飯枱食早餐，
佢兩眼通紅一面倔強，拎起支匙更撩下撩下，
當下，我火起了。。。
👉🏾你食埋今餐唔使再食，係打後都唔使旨意有飯你食！！！
其實諗一日三餐你知唔知有幾難？
問你地又無意見，煮好你又厭三厭四，
大佬，呢份工有無難打啲呀？
🔥🔥🔥
親💕星期五快樂💕
#我又要換衫買餸去
#今晚你地想食乜呢
#是旦無所謂你諗啦
#我的白頭髮好很多
#因為日日不停諗嘢
#諗煮乜嘢早午晚餐
#諗點解咁鬼多嘢諗
#我洗個廁所清醒下
