fans 數目突破8000🎉🎉🎉感謝！
https://www.facebook.com/fortunetao/posts/526379920886038:0
＃魏力 ＃板塊淘金 【A股傷風 港股轉向?】
奧運就快到，A股跳水隊又再大顯身手，11點起直插無水花，創業板最多瀉逾6%，深成指亦插半成，原因係乜並不重要，皆因A股散戶主導，人沽我又沽，羊群效應使然，夾硬搵個原因只係「搵嚟搞」。不過，這可能成為港股步入調整浪的催化劑。
今次港股升浪主要由指數股、基金股帶動，三四線股氣勢一般，散戶參與度亦不高，基金lead住一截利潤，連美日央行議息前都繼續挾，可見仍未急於獲利，但基金最怕的事，就係無數可計、無路可捉的A股，因為去年7月股災經驗實在太差，不少基金重創內傷，至今尚未復元，A股無情情插水，會唔會又係股災前奏？一念之差，隨時引爆基金食胡潮，觸發指數來個較深的調整。
以上係較悲觀的預測，從昨日港股所見，基金傾向採取觀望態度，睇吓A股今次係一棍企穩，定係連棍殺落，故未見大規模沽貨。未來兩日頗為關鍵，如A股無再見人踩人，可視為虛驚一場；反之，則宜先行沽貨避險。
另一邊廂，安倍推出約28萬億日圓財政刺激方案，其中13萬億日圓用於財政刺激，配合之前的QQE買債，可說是雙龍出海，但消息公布後，圓匯仍在105水平徘徊，未見顯著貶值，可見市場已傾向不相信再放水可救經濟，最多幫到資產市場。路透社報道，目前全球政府放水買債金額已達每月1,800億美元，創量寬8年以來新高，歐日央行各佔一半，央行嗮冷都搞唔掂，點算？
＃A股羊群效應 ＃散戶參與度亦不高 ＃未來兩日頗為關鍵 ＃日本雙龍出海
===========
7月30日富道財經講座，魏力都會同大家見面，撲飛啦喂！
報名參加好簡單，可在網址
http://goo.gl/forms/GSyK9dtT8BGTOcVQ2
填寫個人資料或者Inbox富道財經啦！我們會有專人聯絡你。
