🏮兩大人氣日本菜品牌結合新登場🥢
-
鐘意食日本嘢嘅朋友仔有福喇！兩間都位於尖沙咀海港城，分別係超人氣出哂名難book位，主打日本和牛壽喜燒嘅日山Hiyama; 而另一間則係之前介紹過，食日式串燒嘅幸匠燒Shiawase，兩間竟然合體並係上個禮拜登陸沙田😍 日山嘅設計偏向和風木系，簡約雅致; 幸匠燒個邊就以紅色同黑色為主調，偏向走時尚型格路線，門口位置當然唔少得佢哋嘅signature 打卡位鳥居隧道 ⛩ 店內除左提供兩間店分別主打嘅菜式外，仲新添左沙田店限定嘅壽司同Omakase (需要提前預訂)✨
-
雞泡魚干 ($68) 餐前點少得啲佐酒小食呢~ 雞泡魚干經過醃製再烘乾，食之前再經烤焗，食落帶鹹鮮，海鮮嘅香氣十足，過口癮一流🍶 食嘅時候要襯熱食，如果唔係好快變硬~
*
特上刺身拼盤 (10款) ($568)
內含十款唔同款式嘅刺生，包括 拖羅，油甘魚，海膽，蝦，帶子，右口魚，池魚，三文魚 以及 鯛魚。極度奢華而且食完真係大滿足✨海膽夠鮮甜，帶子超厚切抵讚👍🏻 拖羅嘅油脂感幾重，接近大拖，可惜有啲位有筋~
*
燒三文魚松葉蟹卷 ($158) 店內有唔少創作卷，配搭賣相都相當吸引，例如鰻魚芝士，山葵日山和牛肉卷等😍 依款燒三文魚松葉蟹卷用炙燒過，帶油香嘅三文魚包住滿滿嘅松葉蟹絲內餡，味道同口感都夠哂滿足！
*
壽司拼盤 ($398) 如果多人去食嘅建議可以叫個壽司拼盤share🤓 依間話哂有提供omakase ，所以壽司嘅質素都唔會差，白身魚好似偏多少少，吞拿魚會有一件同三小卷~ 另外貴少少嘅壽司拼盤則會有海膽，拖羅等
*
免治雞肉棒($48), 雞腿肉($48) 難得兩間合體邊少得幸匠燒主打嘅日式串燒呢🤤 客人仲可以從玻璃睇到師傅現場即燒🔥 同尖沙咀店嘅款式大至相同，用上福岡博多華味鳥，肉味濃，肉質帶彈性！大愛佢哋嘅免治雞肉棒，燒得夠香口外，醬汁調味到位，入面嘅雞軟骨增添唔少口感。雞腿肉夠嫩滑，表皮帶焦脆感🐓
*
清酒煮蜆 ($98)
本身蜆嘅size幾大，所以蜆肉厚身脹卜卜咁，而且夠鮮甜。
-
幸匠燒 (沙田)
沙田沙田正街18號新城市廣場1期6樓632號舖
日本和牛壽喜燒 在 肉懷食壽喜燒日本和牛吃到飽 - Facebook 的推薦與評價
全台唯一提供頂級CAB認證PRIME級安格斯黑牛、澳洲和牛與日本A5和牛壽喜燒餐廳，超高C/P值，在奢華用餐環境，享受美味的壽喜燒台中市南屯區龍富路四段583號, Taichung, ... ... <看更多>