關於 新桂香叉燒幾錢 ，我們在網路上蒐集到這些相關的討論、資訊與評價

-
📍食在尖沙咀 - 玩味尼泊爾餃子專門店
💎性價比(CP值): 🌕🌕🌕🌘🌑
———————————————————
Momoz主打尼泊爾餃子、卷物既專門店，係尖沙咀同中環同時開左兩間新店！一改以往係香港品嚐尼泊爾菜的規範，由味覺、視覺、嗅覺着手，為傳統尼泊爾菜色注入各國佳餚元素。
-
🥟餃子（一籠8隻、11款款式選擇、價錢由$79-$98不等，即叫即蒸）

🥢Char Siu Momo 港式叉燒 （棗紅色）
推介‼️本身叉燒應該用豬肉，但考慮到尼泊爾等種族唔食豬，所以改咗做羊為餡，有輕輕既叉燒醬香，配羊又幾夾

🥢Katsu Chicken Curry Fried Momo 日式咖喱吉列雞 （吉列橙色）
係咁多種餃子入面，唯一用咗吉列皮身，食落口感酥脆，咖喱味香濃！

🥢Kimchi Momo 韓國泡菜（綠色配食用花）
推介‼️餡料入面包有泡菜粒粒，口感爽脆，又有泡菜香辣感！

🥢Hainanese Chicken Momo 海南雞（橙白拼色）
推介‼️自家烹調海南雞飯，所以餃子餡入面包了海南雞、薑、蒜、飯，好似食緊海南雞咁，幾有創意！

🥢Swiss Italian Cheese Fondue Momo 意大利芝士（黃白拼色）
芝士口味相對平凡，略嫌芝士味偏淡，如果有拉絲，或者芝士味更出就好了～

🥢Classic Vegetarian Momo 傳統素菜（綠色）
嚴選新鮮蔬菜，西班牙草本植物，帶微微辣感！

🥢Fire in the hole - Lamb Momo 辣羊 （鮮紅色）
推介‼️餡料同港式叉燒餃子差不多，但係呢款嘅辛辣程度，令餃子非常惹味，鍾意食辣嘅朋友可以一試。

🥢Fire in the hole - Chicken Momo 辣雞 （紅白拼色）
同樣帶有辛辣口感，餡料就轉左雞，個人覺得如果鍾意食羊肉嘅朋友，辣羊餃子味道更出色。

🌟值得一提，每款餃子配有唔同醬汁，食落更有風味，而且餃子皮用上天然食材，製作出唔同顏色既餃子皮，所以每款餃子，都有唔同顏色，令到食餃子都有一種開心繽紛嘅感覺！
-
🌯卷物
🥢Dynamite Prawn Roll 醬汁炸蝦尼泊爾蛋卷 💰118
推介‼️滿滿的餡料😍，蝦肉爽口帶微微香脆口感，用上雞尾酒醬汁調製，再加上蔬菜、蛋卷皮，成個卷物層次豐富，口感酸酸甜甜，清新而不膩！
-
🥢Lamb Rogan Josh Roll 💰108
羊肉卷味道會濃少少，有香辣口感，可以清楚見到羊肉切條放入蛋卷，仲有薯條等，同樣相當豐富，建議可以同朋友share，可以食到兩種唔同味嘅卷物。
-
🍸Hot Virgin Chilli Mojito
飲落辣辣地，刺激得黎又幾清新！

🍸Orange Blossom
飲落相對舒服清新，甜甜地，幾解渴！
-
✨整體黎講，尼泊爾餃子口味創新，唔會局限於傳統風味，反而有好多創新多元化口味，更令香港人容易接納！卷物都幾出色，選擇又多，係略嫌價錢稍為貴咗少少！
-
👅味道: 7.5/10
🍽賣相: 7.5/10
🏰環境: 6/10
🙇🏻‍♂服務: 6/10
💎CP值: 7/10
⚖人均: $200
🔺服務費: 🚫
🍽用餐時段：午餐(星期日)
↩回頭值: 60%
———————————————————
📍 Momoz (尖沙咀)
尖沙咀赫德道1-3號地舖
🚇 港鐵尖沙咀/尖東站N3出口，步行2分鐘
🕓星期二、日11:00-22:00 ； 星期三至四 11:00-00:00； 星期五至六 11:00-02:00
📞37522670
-
其他分店：中環蘭桂坊6號地舖
-
🔎✨ #hkfs尖沙咀 #hkfs尼泊爾

【尖沙咀】週日嚟咗呢間喺尖東嘅餐廳食晚飯，環境夠舒服，招呼都好好，價錢同一般酒樓差唔多，而且可能新開啦，網上訂座都有折。

餐牌由小食、燒味、燉湯、海鮮、小菜、川辣嘢都有，飽到我哋又食又打包😂茶位除咗有普通茶葉，亦提供幾款花茶包括桂花烏龍、玫瑰荔枝同白桃烏龍呢啲比較清新嘅選擇 (價錢一樣)

🔸冰鎮荔枝蕃茄仔 $68
🔸蟲草花泡菜苗 $88
🔸三味叉燒 $128/例牌
🔸梨山醬汁骨 $108
🔸龍井煙燻太爺雞 $298/隻

冰鎮蕃茄仔消暑，加咗荔枝肉碎嘅關係，帶出微微甜味。成餐飯點咗咁多肉，難免飽滯，用蕃茄仔解下膩一流😋三味叉燒幾得意，一個例牌分別有蜜糖、柚子同和風味。叉燒肉唔係話好肥嗰種，但由於係厚切，食落仲幾軟腍， 而且有肉香~柚子醬冇違和感，幾有新意；反而蜜糖味唔係好出🤌

醬汁骨同煙燻太爺雞係新菜式，係全晚比較重口味嘅。如果鐘意濃煙燻味嘅雞，唔好錯過，濃到我擘大哂對眼😝隻雞肥而不膩口，好好肉地，質地夠滑，多幾個人share食就fit (因為份量只有全隻~)

滿小館
地址：尖沙咀麼地道63號好時中心地下30-41號舖

#任食點心甜品Brunch😋

疫情緩和梗係要約出嚟聚一聚，估唔到大家竟然決定去飲茶 😂 因為九龍酒店呢個【點心+甜品放題】真係好吸引呀😍

#九龍酒店 #龍逸軒 嘅中菜點心出名好食好多人都知，而佢哋 #倚窗閣buffet 嘅甜品亦係一絕，呢個 #任點任食點心brunch 就係將呢兩樣二合一，一次過食盡超過50款巧手點心、飯麵及甜品，剔完點心紙，好快就送到枱上，我哋點咗3轉，吃到飽飽😋

呢度枱與枱之間距離好遠，坐得舒服，侍應非常禮貌、貼心，窗外望住周圍名店林立，我同 一一。細說愛生活 一一媽一邊飲茶，一邊有啲 #闊太嘅感覺🤣

講番主角點心🥟 黃金豆腐粒、鮮蝦餃、蟹子蒸燒賣、蟹肉菜苗餃、上海小籠包、沙律醬蝦多士、XO醬蘿蔔糕，全部必食！不過後來我發現原來我哋都食漏咗 #大廚推介 嘅蜜汁叉燒、京式醬蹄、雪耳魚蓉羹呀～～ 唯有下次嚟食過。

#必吃甜品 都有好多，不過我同一一媽最鍾意嘅都係個燕麥香芒卷，香甜又煙韌，食落好fresh🤤 我私心推介💗超香滑嘅藍莓芝士蛋糕、馳名嘅芒果拿破崙，仲有Movenpick雪糕。中式甜品都好正，冰花雪耳燉萬壽果、杞子桂花糕都好有心準。

我好欣賞呢度可以逐件點，食多幾款都唔怕食滯啦🥰 嚟緊都會約埋爸爸媽媽嚟飲茶，因為佢哋實鍾意！如果各位都訂枱，有兩個時段選擇，記住喺eShop訂最抵嘅折扣係低至8折㗎！

🍽 點心甜品Bruch 優惠：

地址：香港尖沙咀彌敦道19-21號九龍酒店2樓龍逸軒
時間：星期一至五、星期六、日及公眾假期
⏰10:45 am-12:45 noon
⏰1:00 pm-3:00 pm
電話： (852) 2734 3722
價錢：成人/ 長者 $258+10% (折完可低至$247/位) 小童 $208+10%
預訂：https://bit.ly/32PVFqF

#同場加映九龍月餅優惠🥮
我哋仲即場試埋九龍酒店出品嘅「迷你酥皮奶黃月餅」、同全新口味的「迷你伯爵茶奶黃月餅」，每個月餅有個「龍」字，真係好型㗎😎 味道同賣相都一流。鬆香微脆嘅餅皮再配上香濃軟滑嘅奶黃餡料，外酥內軟、甜而不膩，新出嘅伯爵茶口味，食落有茶香，淡淡回甘，鍾意earl grey 嘅唔好錯過。另外仲有 #金箔奶黃月餅，喜歡尊貴格調嘅啱晒✨

月餅優惠：https://bit.ly/32PVFqF
The Kowloon Hotel

蛋糕象徵童話繽紛夢幻世界，但要做成功的蛋糕師，背後所付出的努力，卻絕非一個粉紅世界。

「人們說我們幸運。」蛋糕動輒近千元一個，「但他們看不到我們捱更抵夜，曾嘗試五六七十次才成功，卻因為太趕急，蛋糕一骨碌跌落地下…… 」Dear Harley的蛋糕師異口同聲說。

她倆是充滿朝氣的90後姊妹花，最初開網店的是Alison Chan， 眼神清澈，之前任職新聞記者。從未上過正統的蛋糕課程，從實踐中學習。「剛開始做馬卡龍時，失敗、失敗、再失敗！」但她不認輸及好學的性格，努力要做把糕點做好。其拍檔是中學同學Cony Lam，正職是舞蹈員，曾就讀英國蛋糕專業課程。「我們因為蛋糕成為好友。」二人樂意分享食譜不藏私，性格大方而成為好友。

開店後，二人是老闆，亦是師傅。既做蛋糕，亦開班教學等。但去年疫症殺到，生意淡靜。二人悠悠閒，但年輕的心仍然好奇活潑，發現外國流行的幻覺蛋糕(Illusion cake)有趣好玩，本地卻未流行。剛巧碰上Alison的侄仔生日，送上一條香蕉蛋糕給他，像真程度連家人也分不清真假。也不管是否賺錢，二人把奶茶、遙控、薯片等本土元素，一一做出像真的幻覺蛋糕，「本地未有嘛。」

出乎意料，竟然在網上走紅。一下子訂單紛飛至，高峰期兩星期內完成了45個蛋糕。二人幾乎不眠不休，拖也無暇拍，捱至長暗瘡生痱滋。「我們知道這是非常時期，一定要捱下去。」

現在二人可說闖出名堂，在本地蛋糕界佔一席位。成功之一，在於仔細，幻覺蛋糕最緊要像真。「例如我們之前做過燒賣蛋糕，未做之前，擔心用糖皮可否做出一模一樣的質感或顏色呢，所以我們特地去酒樓借了個蒸籠回來參考。」

揣摩的過程亦非一帆風順，她倆皆認為香檳蛋糕最高難度。「瓶頸要幼細，360度同一角度向上，稍一不慎就像瓶醬油多過像香檳。」怪不得上糖皮時，二人都異常謹慎。

貴在像真，但更珍貴是味道好，蛋糕不會乾爭爭或味如嚼蠟。「我們從不會預先兩星期前把蛋糕焗好，然後急凍。蛋糕上的裝飾如咖啡機、沙灘女等可預先做好，但蛋糕頂多兩天前焗，我和Cony絕不容許蛋糕好看不好吃。」

回望最初創業時，二人都有一番感受。「起初很多人說興趣怎可當飯食…… 總之不要太易受人影響，要聆聽自己的內心。」Alison說，Cony在旁仔細思量後亦說，「年青人最重要別怕嘗試，要慢慢摸索有甚麼適合自己或真心喜歡做的。」找到了就別放棄，要痛下苦功。

而且，人活着，夢想就是進行式的。「本身亦以為這兒是我們的夢想，不過現在發現這只是開始。我們的夢想是周遊列國學習做蛋糕的技巧，例如台灣有家專門做糖霜曲奇餅做得好漂亮，如果日後可以飛，一起去學……」不論夢想會否成真，或大或小，但踏實地尋夢，生活才有色彩。

Dear Harley Cakes
網址：www.dearharleyhk.com
電話：6151 6861

採訪：關廣恩
攝影：陳木
剪接：李毅力

#土炮 #蛋糕 #蛋糕師

更多土炮好片：
柴灣40年古法叉燒 新桂香燒臘
https://youtu.be/zx_wqdZJEbQ

旺角中式老餅家 鎮店之寶雞仔餅
https://youtu.be/dIxQeKU_ROw

水滾茶靚 港式點心 歎一盅兩件
https://youtu.be/eK8bjW4RIvE

==============================
土炮好片，馬上訂閱YouTube： http://bit.ly/2H7BpYW
==============================
如有各區好人好事、小店情味故事、本地攝影作品、社區有趣大小事等等，歡迎Inbox土炮報料，有機會在專頁上刊登！

母親節=飲茶，已是香港人不變的真理，今次精選5間新鮮滾熱辣的飲茶熱門去處，有無敵海景，有高質任食，即使是點心小店，也有蝦餃王坐鎮，各有賣點，總有一間合心水。

利寶閣
地址：上環德輔道中199號無限極廣埸2樓
詳情： http://bit.ly/2GYjUa3

利寶閣點心放題詳情
12/5（母親節）11am-4pm（自選2小時）$188
註：茶水每位$15/ 每位加一服務費$22.8/ 茶芥小食一至五位共$18，五位以上共$36

點心放題並不少見，但母親節也推出的酒樓，就肯定少之又少。全港有4間分店的利寶閣，4月起新增放題點心，平均約二百多元就可以任吃2小時點心小吃，抵食。
利寶閣放題有五十多款可以選擇，不乏平時的頂點、特點，如原隻鮮蝦腸粉、晶瑩鮮蝦餃、百花燒賣皇、蘋果叉燒酥、鵪鶉蛋燒賣、酥皮焗叉燒包及流沙奶黃包等，跟平時單點水準無異，腸粉滑溜，蝦餃蝦肉爽，豬肉有肉汁。


放題還包括廚部小食及涼拌菜，例如蒜拍小黃瓜、XO醬煎腸粉、陳醋雲耳、沙田雞粥，就連黯然銷魂飯也有。每位客人更送原隻鮑魚酥及一份花膠灌湯餃。勞動假前致電查詢，4間分店都仍然有少量座位，快點打電話訂位。

彤福軒
電話：3891 8732
地址：尖沙咀梳士巴利道18號Rosewood酒店5樓
營業時間：12nn-3pm，6pm-11pm
詳情： http://bit.ly/2T9Xp6g

如果母親大人喜歡派頭，那尖沙咀新開業的彤福軒就適合不過。原因無他，270度無敵海景實在令人印象深刻，彤福軒其中一角更是露台設計，前臨星光大道，雖然只是5樓，但前方全無阻隔，景色一流。
點心水準高，因彤福軒大廚李志偉來自曾奪米芝蓮一星的澳門美高梅中菜廳，三十多款點心多走傳統路線，價錢不便宜，一籠點心如蝦餃、燒賣開價$90，不過手工精細，蝦餃做得穩當，摺口仔細。而且除了廣東點心，還有上海鍋貼、小籠包等供應，選擇更多元化。
其他菜式亦不錯，既有傳統中菜如順德風味的炒魚麵、北京填鴨、蝦餃燒賣，亦有重新演繹的創作菜如富貴魚球、雞豆花等，像雞豆花就源於四川菜，把三年老雞起肉成蓉，加蛋白、水等蒸成嫩滑豆花，再加雞湯入味，圖的就是啖啖雞香。北京填鴨亦有看頭，師傅出身沙田凱悅酒店、卅二公館等以填鴨聞名的餐廳，即叫即燒，席前片成一碟皮及一碟連皮帶肉，外皮香脆鬆化，蘸啡糖吃，味道甜得圓潤，連皮帶肉的一碟，就是近年流行的偏瘦填鴨，適合追求健康的食客。
味道好，環境美，價錢的確不便宜，但母親節一年只有一次，豪華一次不過分。


得閒飲茶
地址：太子運動場道7B地下
電話：2398 3183
營業時間：星期一至日7am-12mn
詳情： http://bit.ly/2Wn5qaq

得閒飲茶
地址：元朗谷亭街13號傑文樓地下
電話：2614 8828
營業時間：星期一至日6am-12:30am
詳情： http://bit.ly/2vyeUDT

如果媽媽目標是美味點心，對環境並不注重，剛開業的得閒飲茶就很適合了。分別有太子及元朗兩間分店，老闆是2011年蝦餃王兼譽宴酒家前點心部總廚孫志強師傅，食物質素有保證。

孫師傅曾獲2011美食之最大賞蝦餃之王，招牌菜當然是蝦餃王。沿用當年得獎配方，以1比1的澄麵和生粉做皮。拍皮時將刀身按在麵糰，手掌壓着刀身，用陰力左至右旋轉，壓到約1毫米薄。再在餃面壓多幾下，做出面薄底厚的鴛鴦皮。這樣蒸出來的蝦餃才能晶瑩通透，同時不易穿底。餡料選用越南海蝦、冬筍和新鮮肥豬肉，鮮味彈牙。摺出完美13摺，預留空間讓餡膨脹增加肉汁。。

其他點心同樣出色，XO醬菜苗餃餡多，蝦肉鮮彈，XO醬添鹹香。將即炸鮮竹卷浸濃郁龍蝦湯，外脆內爽，索湯入味。黑豚肉脆脆豬似鹹水角，皮脆煙韌，內有黑豚肉餡。原籠牛仔骨蒸飯選用金鳳米，飯粒分明，牛仔骨軟腍惹味。3.6牛乳太陽蛋奶香幼滑，入口即溶。價錢平，味道好，很適合實際型的媽媽。

滿樂中菜
電話﹕3622 1449
地址﹕九龍西九文化區柯士甸道88號戲曲中心1樓2-4號鋪
營業時間﹕9am-11pm
詳情： http://bit.ly/2GXw3My

母親大人如果是大戲迷，那這間滿樂中菜就是不二之選。滿樂中菜跟50年歷史的百樂潮州同一集團，位於戲曲中心內。裝潢清雅，牆壁以翡翠色為主調，並掛上一系列以東方花卉為主題的畫作，而且客人不多，可以靜靜飲茶。
滿樂中菜提供大江南北的菜式，包括廣東燒味、點心及川菜等。最出色是點心，既有傳統風格，亦有創作點心。個人認為傳統點心做得出色。陳皮叉燒酥焗得酥脆，陳皮味香，叉燒切得大小均勻。原隻鮑魚燒賣皇，原隻鮑魚放在燒賣上，賣相一流。其他新派點心還有櫻花臘味蘿蔔餅、桃膠杞子桂花糕、水牛芝士奶黃包，很有新鮮感。
除了飲茶，晚市菜式亦有水準，行政總廚入廚三十多年。片皮鴨用德國烤爐烤製，只接受一天前預訂，確保每隻烤鴨上桌時都新鮮熱辣，鴨皮酥脆。荷葉餅每日即製，細心地以發熱包保溫，最少可維持45分鐘。配上佐料如青瓜絲、京葱絲、日本大根（蘿蔔絲）、子薑、師傅自家調製的甜麵醬，更滋味。

南海小館
地址：香港仔黃竹坑道180號海洋公園萬豪酒店海殿地下
電話：3555 1910
營業時間：11:30am-10:30pm
詳情： http://bit.ly/2D08h1U

母親節是一家大小的活動，不如去海洋公園吧﹗早前開了公園內首家酒店，南海小館是樂園內，唯一可以飲茶吃點心的去處。
南海小館提供長達5小時的午市，提供十多款即製點心，不賣甚麼新派口味，都是常見的蝦餃、鹹水角、鮑魚灌湯餃等，有廿多年經驗的點心師傅功架穩當，點心做得細緻，牛肉包餡料大小均勻。味道好，環境出色，唯一缺點就是價錢，一籠蝦餃已賣$72，媲美一眾星級中菜廳，不過一年豪一次，並不過分，而且南海小館因地點偏僻，客人向來不多，可以看着泳池景色吃點心，分外悠閒。
粵式點心以外，南海小館也主打傳統的順德菜，從當地請來入行近20年的大廚，手勢有保證。順德菜最大特色就是河鮮，餐廳選擇便非常齊全，珠江的江豚、大頭魚、邊魚等，或欖角豆豉蒸香，或薑葱煎焗，或煮成鮮甜魚湯，吃出粵菜的精細味道。此外，南海小館還有不少順德手工傳統菜，涼拌爽魚皮，灼得恰到好處，入口爽彈；炒鮮奶，入口幼滑鮮嫩。整體味道雖然鹹了一點，手工還是及格的。

編輯：楊志強

時間，魔力無邊。

醬料雜貨店正和隆，主打自家豉油、麵豉、甜醋，在上水石湖墟65年，如長流細水陪伴街坊每餐家常飯：蘸豉油魚更鮮，兩磚腐乳夠佐粥下飯；逢時過節爆薑下醬炆豬肉煮雞，豐腴滋味比得上酒樓大菜。

街坊就是鍾情這家醬料；但此情，差點成追憶！
想當年，老闆陳璧堃十足指腹為婚，不情不願從父親手上接過正和隆。做醬煮醋幾十年，沒有仇，卻賺得一身痛、半點恨；捱到65歲，把心一橫，擬於去年12月31日退休結業「脫苦海」。
怎料日月發酵，恨愛相生；準備離開，竟是徹底的歸來。

上水石湖墟巡撫街，水喉五金、紙紮、文具……生活小店當中有正和隆。店前西斜，老闆陳璧堃掛起紙皮遮光擋熱，裏外互相看不見，街坊是識途老馬，熟練地撥簾進出。小店不夠百呎，鮮有地整齊：樽樽罐罐不見有塵，豆類、雜穀一格格井然有序。所賣醬醋各有三五個品牌，店家出品的生抽老抽、原曬豉磨豉、甜醋和腐乳，售價貴幾元，卻最多人要。

「麵豉嗰日炆豬手炆得好靚，好食。」老街坊陳太一屁股坐在片糖缸改成的櫈子上，又告訴陳老闆：「我起碼一個月之後先行出嚟喇，因為腳痛要入院做手術。」今天她特意來入貨，買麵豉、豉油。

豉油，又恨又愛

陳璧堃，街坊都叫他「豉油佬」，皆因正和隆做豉油起家，他是第二代。上世紀40年代，父親陳根秀由南海來港，投靠開醬園的親戚做豉油；50年代初自設小工場做豉油、麵豉和甜醋，並在石湖墟開鋪。1955、56年間石湖墟被兩次大火吞噬，57年逐步重建，正和隆也在巡撫街現址重新啟業。

陳璧堃有四個姊妹，他是老三、排中間。「細細個住木屋，又是工場又是住家。兩個家姐睇鋪，我就周圍走，好百厭。」他怕父親，從來沒問過店名由來，只記得過年家中總掛一對對聯：「正直好生意 　和氣定興隆」。
「老竇無咩讀過書，點作到咁好嘅對聯呢？」他哈哈大笑，轉瞬又皺眉：「做豉油做醬好辛苦，畀我揀我唔會做，但我讀書唔成，無得走！」他是唯一的兒子，二十多歲結婚後即接手店鋪；太太負責鋪面，他負責生產。

「做豉油會有一陣罨味，以前真係要用手去攪，一攪，陣味就出嚟，我都接受唔到；不過，呢啲係錢嚟㗎！」
他的工場在上水搬過幾次，90年代初因為業主收地被迫結束，自此在古洞一間豉油廠掛單租場，只做半加工。譬如豉油，已交給豉油廠師傅做，仍用自家招紙。
「做豉油最緊要用料靚用料足，夏天有熱頭曬就香啲。」他說。當年他試過十幾間豉油廠，找到一間的味和香跟自己做的相似。「我知道佢哋用加拿大非基因改造黃豆，發璜（按：煮好的黃豆混入麴菌、麵粉）撈美國麵粉，比日本麵粉膠質重啲、好啲；我自己一個人做太辛苦喇！雖然利潤無咁高，我寧願用佢嘅豉油。」
現在店中賣兩款自家頭抽和一款老抽，其中一款頭抽名為「鮮味生抽」，用豆比一般的多三分之一，濃稠如漿，鮮而豉味極重，可算鎮店之作。

麵豉甜醋，親手做

豉油外判了，只有麵豉和甜醋，他至今堅持親手做。
麵豉，一般貨色是發酵豉油剩餘的豆渣，鮮味盡去，很多時需加味精增味。但他做的賣的兩款麵豉：原曬豉和磨豉醬（前者仍見豆狀，後者是磨爛幼滑版）都沒抽製過豉油，保持原汁原味。「以前我啲磨豉係出咗豉油嘅，價錢平啲，主要交畀酒樓整叉燒；後來我只做零售，銷量少，乾脆用原曬豉攪磨，一樣係靚。」
市面常見的麵豉都是啡黃色，他的麵豉卻深啡色，驟眼看黑糊糊。他解畫：「麵豉好似人一樣，曬得愈耐會愈黑，愈黑就愈香。生曬啲豆喺豉油缸入面，上面曬到黑，下面嘅較黃，所以要成日翻佢，將底下嘅翻上面，不斷循環。」
他65歲了，依然記得父親當年的話：「醬，做就好易，打理好難。」
「你做，用料十足，曬得夠，一定做得好。不過擺耐咗就會有罨味，你點可以調番正呀？所以，唔係整好之後就冚埋，你要時不時拎出嚟曬，畀啲醬見下陽光會香啲。」
醬沒加防腐劑，放不久，所以他每次只做一小批。現在天時暑熱，醬賣少了，他也做少一些，「過咗中秋慢慢好，麵豉賣得最好，啲人有番胃口，多咗炆嘢；我都做得密啲，每次過千斤豆，一個月多啲就要做一次。」

講到做醬，最辛苦的步驟還數煮醬消毒。「唉！我做一次，就痛一次。」 他摸摸腰部，肌肉已成硬塊，隱隱作痛。
「啲醬容易黐底容易燶，要不斷剷，隻鑊又大，你要伸手彎住腰剷。室溫又高，得把牛角扇吹吹下，我一個人連續煮幾個鐘頭，不停流汗，煮一次起碼要飲4公升水。」最後洗鑊更辛苦，因為腰彎得更低。幸好十多年前起，煮醬有機器輔助，輕鬆了，但幾十年積下的舊患，纏身不去。

煮甜醋，相對沒那麼費勁，但一樣要忍。他採用本地酒房出產的白醋，加薑、桂皮、陳皮、丁香等等藥材做成甜醋。「煮呢個醋，一大鑊，嗰種藥材味好犀利，十足催淚彈，醃眼！咳！」
甜醋，他賣自家的，也賣其他品牌，「各有各鍾意啦，人哋要八珍，你無，佢會走咗去；我哋自家牌子就賣貴五六蚊。」
這日街坊王太帶了手拉車來買醋，「我孫仔啱啱出世，買去觀塘畀個新抱。」她嫌其他牌子太甜，「呢間鋪頭出嘅特別香，舊年冬天隔籬個事頭婆用佢煲薑，成條街都香晒。」
有人記住，陳璧堃笑瞇瞇，說：「到天時冷，啲人鍾意煲薑醋食下；事實上年尾多人結婚，到第二年10月、11月就有BB出世，甜醋特別好賣。」
以前煮完甜醋，五六桶藥材他當垃圾倒了，後來有朋友老遠從跑馬地來上水要「下欄」甜醋陳皮，他才識寶，現在煮完醋會挑回陳皮，但為非賣品，「而家?下人，有熟客寒咳唔係好囉！」

老店，差點結業

做醬煮甜醋，入缸，搬貨，幾十年陳璧堃獨力做，「我哋小型生產，唔請人。無辦法！為咗……我唔知點講呀！」他瞄瞄跟前在幫手的大女兒和二女兒，苦笑：「賺到痛，之外都係痛！近十幾年，我個個禮拜日就好似返學咁，要去做推拿。」
去年他和太太邁向65歲，本擬12月31日退休結束正和隆；就在12月中煮甜醋時，從不在工場拍攝的他，忍不住拿手機拍下那鑊滾滾冒煙的甜醋，題記：「人生最後一次」。
「唔捨得㗎！」說着，他眼圈紅起來，思緒飛回去年底：「瞓唔着囉！直情神經衰弱。」有個星期天，他試不去推拿留在家，「電視睇完又睇睇完又睇，無地方去。」以前他想像退休「呢度去嗰度去」，事實上英國朋友早邀他去歐洲玩，他又買了「200蚊深圳通」，偏偏成行在即已失去興趣，一副心神無處安放。

決心分手，原來放不下。他三個女兒，十多年前已表明不想接手家業，臨別秋波，也發現情難捨。
店一直由他和太太合力支撑，沒請人。二女兒陳敏怡（Agnes）說，每逢過年店就最忙，三姊妹必定預留整個星期的假回來幫手，想不到自己成為了第三代傳人。陳璧堃笑言，由1月1日起店轉了她名下，自己變做顧問兼打雜。
70後的Agnes在銀行做了十多年，連MBA也讀了，兩年前工作太辛苦辭了職，「嗰時爸爸媽媽正計劃退休，我哋三姊妹都好開心，因為新年終於唔使返鋪頭喇！」
去年年底，他們通知熟客和包租婆不做，「啲客人同爸爸講：『你退休，咁我哋去邊呀？我由做女食到而家喇！』我聽到，突然之間好唔捨得。呢個招牌六十幾年喇！」
她問爸爸取帳簿算了一番，「都ok嘅！我想留住個招牌。」又游說從事文職的大家姐陳敏慧回來幫手看鋪，自己負責市場推廣。姊妹同心，盼可斷金，帶着正和隆走進2017年。

十年如一日

陳璧堃搖搖頭說：「我準備退休，以為可以脫苦海啦！結果有啲抑鬱，百無聊賴，個女話做番，我又好似開心啲。」
不過，他認為做醬這行式微了，尤其新界東北發展如箭在弦，古洞的豉油廠分分鐘無得做。「一收地，你一係返大陸做，但水準、原料難控制，而且豆都係外國嘅靚啲。」女兒正在搶時間，找新貨源、拓客路，像早前便去了樂富街市擺車仔檔，臚列自家品牌豉油、醬醋和腐乳。
幾十年來，陳璧堃和朋友合作生產腐乳。十多年前朋友搬廠上深圳，招紙也「均真」地印着「Made in China」，同屬正和隆招牌貨，輕柔鬆化而不死鹹。

醬料之外，40多年前陳璧堃接手時已兼賣雜貨。今天雜貨不多也不雜，而每種乾貨他只賣一款，都是精挑細選，譬如蝦子麵，找到第四五個供應商才敲定。
「搭下貨囉，要維持到租金嘛，而家都要1000蚊一日㗎！」陳璧堃說。
除了鋪租，過去半世紀上水翻天覆地，但對正和隆和陳璧堃而言，只是微細的漣漪，就像醬醋味道，始終如一。
「雖然間中都有自由行嚟幫襯，我哋主要做街坊熟客。有人搬咗出九龍、港島、大嶼山都返嚟買醬，甚至移民去外國，都會帶啲醬過去。附近有圍村，新年依舊會煮盆菜，用好多醬。」
七八十年代，他的豉油、麵豉曾交給酒樓，但經常被人拖數、走數，「好多次喇！千幾蚊都彈票，嗰個年代唔算少數目。咪搞啦！我寧願淨做門市，收一蚊就係一蚊。」弱水三千，他只取一瓢。知足，常樂。

夏日炎炎，酸梅麵豉蒸排骨夠醒胃，有街坊要炆肉，大喊一聲「混醬，唔該！」只見陳老闆從五個醬缸輪流舀出小半勺倒入透明膠袋，用繩一紮，遞與客人，叮囑道：「返去放雪櫃，呢幾日好用喇！唔係會變酸。混醬鹹㗎，加啲冰糖，炆鴨炆腩肉都快啲腍。」這混醬，有自家磨豉、黑赭油（類似星馬的黑豉油）、甜醬、麻醬和南乳，即叫即混，也是父親傳下來的基本味道，就在日月蒸煮當中，摻着陳璧堃幾十年調出來的小變奏。

正和隆
地址： 新界上水石湖墟巡撫街2號A
電話： 2670 3486