《#齋睇唔賭 就無風險？》 by #賭Sir
#賭，因為 #隨機，所以有風險，啱嘅！但由於 #香港政府 竟然唔喺中小學普及教育階段教 #邏輯，令普羅大眾缺乏邏輯訓練，所以唔少人都從此錯誤推論出：想回避風險，唔賭就得。
拋下書包先……
「如果A發生，B就發生。」
只係代表「如果B唔發生，A就唔發生。」
並不代表「如果A唔發生，B就唔發生。」
用返上述嘅例子……
「如果賭，就有會風險。」
只似代表「如果冇風險，即係你冇賭。」
唔代表「如果你冇賭，就會冇風險。」
點解呢？因為無論你賭唔賭，人生在世都一定會有風險。
係啊！#風險 即係「不確定性」，俗稱「估佢唔到」，你估你唔賭，你就估到曬所有嘢咩？
你估你齋睇唔賭，你就唔會有風險咩？
隔籬屋 #何伯 有版你睇，年頭失驚無神話戒賭，但又要睇 #賽馬直擊，有次聲稱睇中咗隻第8場8號88倍，無買到，點知贏咗，谷住道氣。出出入入，撞口撞面，我聽佢講咗大半年，煩過政府 #人肉錄音機。
谷氣傷身嘅風險不容忽視，日諗夜諗、日怨夜怨，影響 #情緒健康，醫藥費都輸死。
唔只賭馬，查實玩 #股票 更加常見。個市亂亂地，#婆仔 #師奶 驚青，沽曬啲貨，但求安心，穩穩陣陣，唔使繼續冒住風險，船頭驚鬼船尾驚賊。點知！個市亂完升到吧吧聲，呼天嗆地，呻早知唔放，幻想如果無放就賺幾多幾多，提起股票就面紅耳熱。
阿姑，傷身呀！
唔好以為賣股票套現就無風險，傳統教科書理論可能話無，但根據賭Sir嘅研究，實際上仲有患上「#沽完先升症後群」嘅風險。
點先可以冇風險？冇㗎啦！無所住而生其心，睇開啲囉！幾時都話，預咗輸嚟賭，贏就當係Bonus。如果斬手指戒賭，就連睇都唔好睇。
係呀！出家做 #和尚 唔通仲睇 #AV 呀？
（節錄自《#賭馬男人嫁得過》）
斬手指戒賭 在 第五集：賭癮(二)斬手指戒賭？戒賭方法... - Facebook 的推薦與評價
CIBS節目：識戒熱線(SMART Helpline)-第五集：賭癮(二)斬手指戒賭？戒賭方法. 除賭、毒、煙、酒外，近年衍生上網及理財的成癮問題。各類成癮者、其家人、朋友、師長及 ... ... <看更多>