關於 搵食書面語 ，我們在網路上蒐集到這些相關的討論、資訊與評價

#純靠北工程師4la
----------
我係 #純靠北工程師4kw 本人。
我都想打番書面少少嘅中文。睇泥我都係打番「粵語」先。
先講「技術騎劫」。我google番發現搵唔番呢個過時詞彙。「技術壟斷」雖然冇咁準但易明好多。
冇錯，細公司，一個拉生意，一個吹水，一個輸出，無啦啦接到單大嘢，成個前海加埋科學園都爭唔贏，冇人明點做，你無啦啦食錯藥，知點做仲要爭贏咗，唔好話成個會議室，連你隔離嘅人都怕咗你。
我都好清楚，你上頭出緊糧俾你，你寫咗啲藝術品俾佢，好靚，可惜人地幾廿年冇見過呢啲新嘢，學唔泥，唔怕你，想請個新仔起你飛腳就假啦。另外，信不信由你，呢個「散仔」就係唔聽話，度埋曬啲屎橋，點到啲對手團團轉不特止，暗地裏仲搞到個客當咗你黃大仙咗拜，你 say no 佢聲都唔聲下，係老細見到呢啲「癲佬」都暗自淆緊啦～一個「職員仔」教成個世界做嘢係唔燃係呀～
而家，個新仔我有份見，佢新入泥一個星期內吹到可以直上 production server 做嘢，俾我 10 秒鐘象徵式做個 code review (92份 modify 呀清）都冇反應，咁你可想而知而家幾咁大鑊
「猴子當大王」係真嘅。「ADDIE model」都係真嘅。analysis design development implementation evaluation 唔係亂吹。有幸可以發大泥做，仲係人名前人名後，唔係我真係睇中咗可以咁樣「career development」我真係唔想咁樣「得罪老細」。
大家有細心睇嘅話，冇錯，成件事係咁極端。所以我先至打咁大篇文嚮度呻。有人欣賞我寫嘅 code，雖然好1999，但我好幸福。
至於睇唔明嘅人，隨便啦，大家都係呃餐飯食啫
----------
純靠北 官方 Discord 歡迎在這找到你的同溫層！
👉 https://discord.gg/tPhnrs2

【龔成問答信箱】（Q17901-Q17920）

Q17901：

龔SIR, 想同你分享下, 自從睇你文章, 真係帶比我好多動力, 投資已經以公司價值嚟平估, 18年19年都買左啲高價股之前跌到好甘, 按你講要有內性,

好多而家已經升返晒, 好似港交所我278買完跌到得220時心真係好荒, 但而家升到380我都無打算放, 持有越耐越有價值

另外係終於的起心肝再開返網店, 幾年前有個專頁有一定客量但因為方向已經唔同晒, 所以重新再出發, 雖然正職同要湊小朋友, 但阿SIR話未開始試過唔好比藉口自己

希望幾個月後會同你講我賺到第一桶外快嚟上你既股票班啦

而正職我係保持繼續穩定我既支出, 但最近老闆都有講公司真係唔太樂觀, 叫我自己要有打算, 呢個都係我開返網店既動力之一,

但另一方面, 我又考慮緊要唔要去報讀理財策劃課程轉行做保險, 以我有限既時間, 阿SIR可唔可以比小小建議我

龔成老師：

對，你已經掌握了正確的投資方法，之後只要保持進行就得。

如果你之前已有搞網店，你可以試下這方面的發展，這方面你已經有經驗及一些基礎，反而比你做保險更有優勢。

你可以一邊打工，一邊經營網店，如果資金可以，就試下加大投入，這方面有可能成為你的出路。

------------------------------------------------

Q17902：

龔sir，剛剛讀完你的股票班，成功搵你簽名！我已經決定報下年嘅進階班（需要一段時間實操下）目前就一些投資問題及投資狀況想向你查詢一下。

本人28歲，從事建築設計行業，月入30k，目前股票組合如下

股票組合更改
9988 ：一手232.4
9618：一手226
2382 ：一手117.9
1928 ：兩手 31
1810 ：四手20.5

月供配置
0066: 1000
0027: 2000
1211: 1000
2800: 2000
0388: 2000

以下有幾個問題想請教龔sir，

1.我一時不理性在高價買入小米，是否應該等佢升超過買入價賣出，在等待合理價買入？

2.龔sir對我現時的股票組合及月供配置有什麼可以改善的建議？

3.接下來我應該會增加水桶1股票占比，請問龔sir 對水桶1股票中的，中生製藥，福壽園和比亞迪電子合理價範圍是什麼？可以擺入to-do list上面

4.坊間說大選前最好應該退市，大選後再重新入市，龔sir對此有咩睇法？

5.家人未來兩年的計劃，想用我名首置業，首期家人提供，接下來我負責月供，請問龔sir有什麼建議嗎？

好開心能夠上到龔sir嘅股票班，你的一句話令我印象深刻「我地大家一起去完成心中的目標」

我知道我現實似乎好多野想做，但希望能夠從你的建議和課程學到知識！

衷心多謝及十分期待下年的進階班課程再次成為你的學生！

龔成老師：

1）如果你持貨不過多，其實可以一直持有，當佢升過了你買入價時，你到時可以再分析貴的程度，以及佢到時升的原因，如果是價值有實質提高，其實持有都未必有問題。

2）大致無問題，都是有質素的股，可長線。28歲，其實可以進取少少的，月供部分可考慮加多隻潛力股，或追蹤恆生科技指數的ETF。

3）中生（1177）$8以下合理，褔壽園（1448）$7以下合理，比亞迪電子（0285）$25以下合理。

4）無根據，不要信，無人能預測市況。大家都估都的股災就不是股災。

5）都可以的，但這刻要努力儲多D現金及股票，因為置業後可能現金流減少左。

加油！我希望以「自己努力與堅持」作例子影響大家，而你都要努力，當你完成目標後，亦成為我的動力，證明我所教正確，加油！

------------------------------------------------

Q17903：

老師你好!我己報名參加你的課程，我是你口中的散戶，蝕錢多過賺錢，經常高價入貨後走吾到，現時特朗普有新冠而11月又美國大選，我需要把手上蝕緊的股票全放了嗎?待大選完才入市?現時手上有:

175($18入)
241($20.8入)
1177($10入)
2018($52入)
9988($242入)
1313($10入)
1918($33入)

共約50萬本，請問哪些可以等或蝕走?我現時30歳，流動資金還有20萬

如何可以好好利用這些錢在40歲前有200萬首期買樓?謝謝老師解答。

龔成老師：

你唔需要太理會中短期市況，最重要是睇企業長期的質素，不用因為大選而賣出股票。

首先你要明白一個概念，我地持有一隻股票與否，關鍵位是企業質素、前景，不要被買入價、短期市況影響。買為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心。

如果企業無質素，但你現時蝕錢中，繼續持有只會令你財富繼續貶值，因此要賣出。

你上述持有的股票，基本上都有質素，只是你在買入時機上，掌握得不好。融創中國（1918）、阿里健康（0241）風險較高，唔建議持有太多，不過不是無質素的。

你唔需要擔心大選而要賣出，無人知大選會升定跌，但優質股就唔需要賣。

你暫時持有現金的比例適合，暫時留現金，如果大跌市出現就利用現金買入優質股。

你可以好好利用40歲前，將資金增值，投資平穩增長股+潛力股就得。最重要用「投資優質股，長線」的方法，模式是「配置」。

------------------------------------------------

Q17904：

成哥，想請教下隻2826，etf要分析什麼先算隱陣？因之前幾個月買左隻3175輸了60%，剛剛又找到隻2826，覺得前景幾好，但又驚會步3175後塵

見佢有成交額，佢揸既股票都有質素野

龔成老師：

你最緊要了解該基金的結構，以及追蹤那些資產。

Ｆ三星原油期（3175）就是追蹤標普高盛原油額外回報數之表現，是追蹤油價的相關指數。

當中有點複雜，唔止關油價事，仲有考慮轉倉成本等因素，價格與期貨有關，而期貨會到期，所以要不斷轉倉，而轉倉要成本，就會令這基金價值減少。

中短期油價會好波動，風險高，如果油價持續不利，每月有成本，都好麻煩。

這就是當時你投資這基金，而出現了下跌的其中一個原因。

至於ＧＸ中國雲算（2826），之投資目標為追蹤Ｓｏｌａｃｔｉｖｅ中國雲端運算指數ＮＴＲ之表現。我未有仔細研究當中的投資策略，但我相信追蹤的誤差不會如3175的高，同時，成本不會如3175的高。

因此，這基金你都可以考慮，但最終仍是要睇中國雲端運算指數的表現，我建議你上該基金的網站，了解多該基金先投資。 http://www.horizonsetfs.com.hk/en/horizonsetf/products/2826/overview.html

------------------------------------------------

Q17905：

您好，我由2019年12月開始了月供股票， 每月供$10,000，中電，煤氣，港鐵，領展，盈富各$2,000。

股票種類是否太過相似？ 分佈是否需要更改？ 經歷這大半年，感覺自己捕捉低位買入似乎更有效， 加上月供股票手續費都唔平。

我還有15年退休，希望為退休準備。 你認為我是否應繼續月供股票，還是自己在適當時候買入？謝謝您。

龔成老師：

公用類別較多，雖然都是有質素的股票，但你應該建立一個更平衡的組合，可入不同類別的股票。例如中電（0002）與煤氣（0003）可減少少。

你可以部分資金月供，部分就自行買賣投資。

月供能減少我地主觀的分析，都有一定的作用，不以有效去累積財富。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你有15退休，這刻不用太進取，但都不用太保守，要保持基本的財富增長。

------------------------------------------------

Q17906：

你好老師，我係你舊生，有幾個估值同資產配置上的問題想問:

1. 銀娛用市盈率的估值是$39至58，合理嗎？

2. 小米用市盈率的估值是$8.5至14.5，合理嗎？

3. 中生制藥送完紅股後的估值是$3.5至5.5，合理嗎？但好似跟未送之前的合理價$10差很遠，我是用第4條問題中的方法計算。

4. 如果我把企業過去5年的盈利加埋除5再除最新發行股數會否比用過去5年的每股盈利更好？因為可以不受每年發行股數因素影響

5.我現時持有金沙中國，佔組合12.6%，但因為中美關係和金沙多債務而想轉去銀娛，博彩業計劃只佔15%。

銀娛一手$50000，會佔組合過多，所以打算8月月供$20000一次，到時大約佔7.5%，剩下7.5%將來有便宜價再買入，這個行動合理嗎？但現時銀娛$50只是合理區，無理由一次買入15%架嘛

龔成老師：

1）差不多，我自己估算大約$40-$6X為合理區。

2）大約是$9-$17，由於佢業務較波動，所以合理區範圍都會大少少。

3）之前送股，股價自然調整，最新是$5-$8為合理區，這股潛力股，因此我比高少少估值佢。

4）可以。但就算用每股盈利去計，都一定要自行調整，否則會計錯數。

5）你可以這樣進行。我相信會較為平衡。

------------------------------------------------

Q17907：

老師 想請教理才財方法
我24歲 月入大概18000
有十五萬現金，平時儲蓄8000-10000

近幾個月都試過短炒，唔上唔落咁
想係28歲或之前儲到100萬
我應該點做係最好？

另外想問月供股票係唔係真係有用？因為我見部份優質股都唔太點升，如太古地產，所以唔明白月供股票嘅威力，救指教

龔成老師：

短炒一定無用，我20年前都試過，炒幾年輸幾無，好後悔。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。做月供股票，每月$5000。

你可以考慮盈富（2800）$2000。

另外再加1、2隻（每隻$1500）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

如果你不懂股，就集中供盈富$5000。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

要$100萬有可能的，但你要保持儲蓄、投資，同時，努力學知識，你要好好運用餘下的現金，選股、買賣時機方面運用，先可以更有效滾大財富。

------------------------------------------------

Q17908：

龔成老師，你好！
幾個月前開始看你的FB專頁，很佩服你的努力！亦看到你對其他讀者的建議很中肯，所以想諮詢一下你關於我自己的情況。

我今年36歲，月入7萬元，每月理應可儲2-3萬。和先生有一自住樓，另有一海外物業作投資收租用途。兩個物業按揭成數不算低(1個7成半，另一個8成)。

有幾份保險，平日無特別投資，最多買下澳元，唯一擁有的股票是一手匯豐，買入價86，自此不敢再買股票。

點樣先可以45歲退休/財務自由？見你建議月供股票，如果以下配搭可以嗎？

4000 元：盈富基金
2000 元：金沙中國
2000 元: 港鐵
2000 元：中銀

謝謝老師，會先買你的書再下苦功學識投資

忘記說我有大約一百萬儲蓄

龔成老師：

其實我地理財，最重要是做好財富配置，你本身已有物業，在之後的財富分配上，應該加強股票部分，只要是有質素的股票，長遠都會慢慢向上，當然，你唔好只集中在一隻股票，要建立組合。

如果你想財務自由，可以運用「先增值，後現金流」作方法，初期應投資較多增值類資產，而較年長的，則應投資較多保守類項目，因為初期的財富系統未成形，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你現時月供的4股，都是有質素的，不過，增長力不算強，建議你將部分資金，投資一些較有增長的股票，穩中求勝。

至於匯豐（0005），只是收息股，暫時都唔好對股價有太大期望。

你可以將$100萬的資金，部分投資一些優質，平穩增長股，小部分則投資潛力股，例如比亞迪（1211）、中生製（1177）、福壽園（1448）、阿里（9988）、小米（1810）等，餘下就持有現金。

------------------------------------------------

Q17909：

你好，本人月供2800、3、66、3988、1038、823、1299。 雖然「煤氣」及「長江基建」今年的業績也不太理想，但我大概看過年報。

其實兩間公司今年業績放緩，主要是因為外圍環境及疫情所致，公司在管理上，我認為沒什麼大問題，長遠的賺錢能力沒有改變，可超長線持有。

但上網看到很多KOL及網民都大彈這兩隻股票，大致都話早走早著，亦指這些「舊經濟股」不再值得持有。

因此想請教閣下：我是否應開始投資那些「新經濟股」，並停供這些「舊經濟股」？還是應加大月供金額、在股票股價低殘時盡量買入？謝謝。

龔成老師：

大部分「專家」都只會集中中短期的股價走勢，而去做出解釋，這亦是一般散戶經常出現的情況，見到某股跌，就認為差，升左就追貨，只買熱門股。

我地作為投資者，要有分析企業長遠的眼光，唔好比這刻的股價走勢影響。

最近新經濟股股價大升，舊經濟股股價跌，就個個都話，只有新經濟股才有價值，舊經濟股無價值，你會發現唔少都是「近半年股價升左」先講這些評論。

其實，新經濟股與舊經濟股都有當中的價值，我地要建立一個平衡的組合，兩者都可以有。新經濟股要有，但不能盲目去追。

至於舊經濟股，增長力比過往略有減慢，同時中短期因疫情而較弱，因此股價會一般，但長遠來說，仍是有投資價值，不過，增長力可能略減。

------------------------------------------------

Q17910：

龔成老師您好, 小弟想請教為何龔老師這麼推介盈富（2800）, 小弟愚見, 不知盈富如何賺取金錢, 是靠股價嗎,

但好像又不是升很多, 靠收息嗎? 每半年派一次又好像不算多, 所以不明其意, 還望老師多多提點

龔成老師：

因為盈富（2800）這是一個「平衡組合的工具」，當中有50隻成份股，對股票組合有平衡作用。增長力的確不強，但就勝在穩健，以及有平衡效果。

佢有少少增長及派股息。

盈富當然不是高增長的項目，但就我過往做了10年銀價及證券行的經驗，比起散戶自行選股（輸錢），投資盈富有基本的增值，反而是更好。

所以，我一般會叫網友，以盈富作中心，加上其他股，這就是一個穩中求勝的策略。

------------------------------------------------

Q17911：

龔sir, 唔好意思，又有野問問你的高見，我剛剛購入了一個500萬左右的私樓，準備借75%銀行按揭，現已比了5%樓價發展商（我自己的儲蓄已經用哂呢5%）

餘下尾數出年年中先需要再付，每月大約有18000-20000流動資金，我應該用幾多成呢筆流動資金在呢一年半時間增值財富好呢？應該如何投資？

龔成老師：

一年半時間，並不是一個長時間，因此在投資增值上，未必會有明顯效果，加上時間較短，無人知到時的股市情況，萬一你要用資金而股市跌就比較麻煩。

所以，應該較多持有現金，部分投資一些優質的平穩增長股及收息股會較好，唔建議太進取。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）都可以。

------------------------------------------------

Q17912：

hi，龔sir 想問下我依家手頭上有接近十萬既現金

現時月入一萬幾 有月都需要係保險上有3千元既開支 並有4千元投資係基金上

我仲應唔應該喺呢個時候用我手頭上既資金入市呢？
謝謝你

龔成老師：

如果你手上無股票，其實可以動用$3萬-$5萬去投資，餘下的資金就等機會先用。

現時你可以以分注的方法，投資一些有質素的股票，你可以考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17913：

老師，我幫媽媽問，請問退休人士，無樓，無長糧，每月1萬家用。60萬點管理好？

龔成老師：

投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）都可以。

另外，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

但要留意，現時股價只是合理，未到平宜，因此買入時宜分注，同時不能用盡現金。暫時可以將一半現金，分注投資上述的股票。

------------------------------------------------

Q17914：

Hi.老師
想問每個月$2000 長期月供股票做收息依個組合適合嘛！

領展（823）$1000
長江（1038）$1000
Thanks

龔成老師：

這兩股都是有質素的，但長建（1038）你預增長力比過往略減，不過仍是有質素的。如果想組合較平衡，應該加入盈富（2800）。

------------------------------------------------

Q17915：

龔成老師，你好!關注你的專頁也一段時日，謝謝你在fb分享一些理財和回答，從中也有所了解和借鑒，但對於一個零理財基礎的我來說

現在越來越矛盾和忐忑，因自己也年紀漸長，本人32歲，未婚，現時工作收入三萬，基本上都係將大部分工資存起來

存兩萬多，現時有接近80萬現金，有份人壽還有兩年供完市值約20萬，七年後可取，沒有任何物業和投資，也沒有副業，現在想問：

1.我可以怎樣讓自己的財富有正向增長增值?

2.那種投資組合較適合現階段的我?

3.怎樣可以更好更平穩地利用現實的現金增值?

4.股票和投保需同時進行嗎?（因感覺疫情導致，也擔心自己的工作會失去，雖然現在也沒有多大影響，萬一失去工作，基本上沒有資金來源，不知怎麼辦）

希望龔老師可以給我一些建議和指導，萬分感謝！

龔成老師：

1）你應該投資股票，令你的財富組合有適當的增值。

2）當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

3）。你可以考慮投資盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果你想平均買入價，減少風險，就用月供模式進行。

4）需要。

我地理財，要攻守兼備，保險及適當的現金是防守，股票是進攻，兩者都要考慮。

------------------------------------------------

Q17916：

老師你好，我最近係facebook 關注左你，都有啲投資相關想請教下。

我就係上年大學畢業既，咁開始想儲錢，宜加月儲5000-7000，上個月開始月供2000盈富，1000金沙，1000比亞迪。

但局限於自己投身社會第一份係銀行，有股票買入30日內唔可以賣既限制 ，唔係好方便，月供係咪唯一同最好既投資選擇呢？

另外，有咩書係適合新手入手，可以介紹下？
唔該成哥！

龔成老師：

現時你月供的，都是有質素的，因此可以進行，長期就得。

無論是否進行月供，長線投資都是最好的方法，因此，你工作的限制反而幫左你。

你可首先睇：

《80後百萬富翁》
《股票勝經》
《財務自由行》

都是適合初階投資者的。

------------------------------------------------

Q17917：

你好！龔sir，我係投資新手22歲啱啱畢業揾，用＄23000資金用作投資，其中用左＄7540 買入一手 IGG(799)想問下間公司前景如何？

另外仲有＄15000應該如何部署？

我自己揀過幾隻分別係網易(9999),京東(9618),高偉電子(1415)同埋中芯國際(981)。

我應該買入邊一個同乜價位買入，定係買入其他股票會更好？Thx!

龔成老師：

IGG（0799）係全球網絡遊戲開發商及營運商，經營並提供多種語言的網頁遊戲。質素都算有的。

但這類業務本身有一定的波動性，有時好好，有時好差。這股可以持有，只要不過多就無問題。

至於另外幾隻股，都算有質素的，但都是同科網手機類有關，這類股不是有問題，但如果你將所有資金都集中在這類股就有風險。

你$15000唔好太心急用。

你試試從「建立長期財富組合」的角度出發，同時分析怎樣建立平衡、優質的組合。

------------------------------------------------

Q17918：

你好，龔成老師，我今年二十八歲，月入18k。本身沒什麼投資經驗。有買儲蓄保險，仲有三年(每年20k)就供完。大概要七年後才可以回本。

另外我係117.5既價位，買左恒生(00011) 500股。請問恒生除左係收息股外，發展潛力有嗎？因為目標係希望會上升至130既價位左右。

我應該都會長線持有，但怕股價會繼續下跌，始終母公司是匯豐。

現另外有現金十萬，想買中華煤氣（003）。感覺上煤氣始終是公用股，會比較可靠，同埋當食肆開始番晚上堂食，股價應會上升。

我應捨棄恒生轉移煤氣（5000股）嗎？定同兩隻都買？或有沒有其他投資組合？感謝你的回覆

龔成老師：

恆生（0011）、煤氣（0003）都是有質素的股票，不過，增長力唔算強，你可理解是收息股。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你28歲，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。

因此，恆生煤氣，以你的年齡來說，並不適合。就算投資也不應佔太多。

------------------------------------------------

Q17919：

老師。你好。

1.想問一下置富和領展邊隻好D？分別咩價位會進入便宜區？

2.因為看老師的書說同一種類的股票不宜太多。可能只會選其一進行投資。定還是老師建議這兩隻都可以同時進行？

3.現時22歲，想以平穩增值為主。領展和置富那隻較優？
謝謝老師解答

4.老師，我現在有隻匯豐控股5號仔， 44.5買入，買了800股

現在應該止蝕還是繼續持有，下年有機會派返息嗎？還是等到上返40幾蚊先走？

龔成老師：

1）兩隻都有合理區中下部，可投資。領展（0823）增長力較好，置富（0778）收息較強。

2）應該話，你要從股票組合的%去計，同一行業，最好唔好超過30%，當中可以持有幾隻這類股，只要合共不要多過30%就得。另外，單一股票唔好多過15%。

3）以你的年齡，領展較好。

4）匯豐（0005）雖然你可以守，但本質未必適合你，這只是收息股，而你年齡應該增值。

匯控賺錢能力與增長力的確弱左，但又未去到完全無質素，近期股價受壓，除左佢經營環境影響，佢派息問題都是因素，因為市場一向理解這股是「收息股」。

我從股息角度分析這股。

相信長遠是收息股，但股價增長就有限。可以先從佢近年唔派息及財務情況分析。

首先睇翻佢財務數據唔算話特別差，今次要停派息，主要原因係接獲英倫銀行透過審慎監管局發出的書面通知，要求匯豐取消派息。

所以，佢並不是自己好唔得，而去到要唔派息，而是因應翻英國監管局要求，才這樣做，所以，雖然是不好的利息，但不是核心性不利。

停派息對收息股從來都不是好事，但在這全球經濟咁差時候，為集團預留一筆資金備用，對集團和股東都是有利的。

在全球經濟環境影響下，集團中短情況相信都會維持波動，未來再停派息也說不定。但我地投資應該要集中考慮翻佢長線因素，雖然預期匯豐中短期表現會受壓，但長線質素依然存在。

作為收息股係可以，概念上，就是放棄中短期股息，而預期將來慢慢回到正常狀態，只要你投資組合唔好太偏重單一隻匯豐或銀行業就無問題。

但記得，唔好佔比太重就得。同時明白這只是收息股，唔好對股價有太大期望。同時不能持有太多。

------------------------------------------------

Q17920：

早晨老師，想請教你

新創建659由十幾蚊跌到落而家六蚊已經息率到9厘幾 請問呢隻有值博嗎？ 本身持有恆基地產，以質素計是不是恆基質素較高？

請問303偉易達長揸收息可以嗎？為什麼他的息率可以那麼高？謝謝你

龔成老師：

新創建（0659）質素都是有的，不過中短期都較弱，同時都只是偏向收息，唔好對股價有太大期望。恆基（0012）則有平穩增長。

你同時持有都可以，但要留意，這會令你組合，較多是增長力不算高的類別。

偉易達（0303）是收息股，增長力不強。股息率高是由於市場擔心佢生意下跌，這就會令股價下跌，因此市場的「要求回報率」提高，才願意買這股。現價合理的。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

［坡倫港之夢］交易所嘅嘢，股價就係盈利，盈利就係大市成交，成交就係國運

1. 明報專欄，但你知我作風就係導讀打多篇文，甚至比原文更長。本人十分長氣，例如廣告post，其他啲KOL求其打兩句，甚至照copy大會畀嘅文。本人就好均真，由頭作過一篇文的。

2. 好，自吹自擂完。講返，上星期四五，港交所（388）連跌兩日，成交都唔細。你話業績差我諗唔係，點都同李小加起身有啲關係。咁亦即係市場對佢嘅肯定：總好過你起身人人開香檳。邊位會咁？有嘅，例如微軟之前個CEO，Steve Ballmer．

3. 當然，有個講法話，唔係小加做得好，係嚟緊嗰件更仆街，亦有可能。但凡事都係講相對，諗起老夫子漫畫，講佢租屋搬走，包租婆好唔捨得佢，話下個租客一定冇佢咁好。老夫子係咁話邊會呢，包租婆話，咩唔係呀，真係一個比一個混帳呀！

4. 小加雖則係大陸佬，但講真嗰種大陸味係唔重，海歸精英喎。下一位又會點？係咪整件農村土佬畀你？大家放長雙眼。

5. 但如果只講小加做得好唔好？我覺得還不錯。上市公司啦喎，給我股價，其他免問。

6. 咁其實，佢任內，港交所股價升八成幾九成。11年嚟講真係唔係好多，但至少已經跑贏恒指—你數下有幾多間公司跑贏恒指？你自己又得唔得？

7. 如果計年度化嘅，一年5-6%回報，加埋港交所派息還不錯，整體還可以—不過正如朋友Jacky Luk話齋，人地倫敦交易所，同期升差不多10倍。

8. 但交易所呢，其實都幾被動，都幾睇「國運」。而且好多係當地獨市生意，你搵唔到間九龍交易所去同佢比。咁你同倫交所股價比當然差，但，唔好只同勁人比嘛，望下廢人。廢人在邊？坡國是也。聽講有民主。坡交所，同期股價，係得個桔嘅。喂，班蘭蛋糕都貴咗N倍啦。

9. 又不過，正所謂即使我們錯，不比他們多。要贏人先要贏自己。如果同上手比呢？就差得遠了。上手年代（我由02計起，因為再之前倫交所未上市），港交所升10倍。但倫交所嗰個年代，反而只係升得七成。所以，我估係「國運」多過個CEO（咁，又話時話，係咪值咁高人工呢）

10. 然後再睇，以上呢啲股價表現，大約就當佢地各自年代各自公司嘅純利表現相符的。呀畢菲特話齋，短期係投票機，長期係磅重嘛。路遙知馬力（死埋），日久見楊森（未死），是真的。

11. 而再進一步講，交易所利潤，基本上都係睇大市成交。換言之，股價就係利潤，利潤就係成交，所以股價就係成交（＊）。咁做乜之前香港成交升得咁快，而家就慢，倫敦就此消彼長？

12. 都係，「國運」。李小加年代之前，2002-2010，食到正中國大國企嚟香港上市嗰浸。一大堆而家最活躍成交嘅股票都係當時嚟香港上市，幫港交所日日貢獻幾十億成交（每隻喎！），係咁印錢。但到小加上台後，已經冇呢支歌仔唱，要上嘅大公司都上晒。所以要搵外國公司，呢方面就鬥唔贏倫敦了，時也命也。

13. 而小加任內，至少搞成咗兩件好事（我指對港交所股東好，公唔公義你自己諗）。第一就係萬惡嘅滬港通，第二就係更加萬惡，本人反對嘅，同股不同權。冇咗大型國企上市潮，點炒旺個成交？就係呢兩樣嘢。你睇而家阿里巴巴一日幾多成交？

14. 所以呢篇文絶對唔係幫小加或港交所講嘢，但我覺得小加嘅功過，七三甚至八二開啦。比較核突當然係舊年高調向倫交所示愛仲被拒，成件事十分土豪又核突。

15. 佢繼任人？就仲難搞了。同股不同權最大嘅阿里巴巴已返嚟，嚟緊聽講會有京東網易百度之類美國上市二次回歸。但，點再谷成交？搶國際公司，似乎真係唔夠倫敦同紐約搶。咁你又冇大型國企又冇大型民企（大得過阿里巴巴？）上嘅，點搞？

16. 另外留意，其實香港嘅大市成交，相對於個市值，係偏低嘅。Jargon講即係個velocity低。原因好多，但肯定唔係香港人唔夠爛賭，都話師奶都識講引伸波幅識講縮Vol，輪證牛熊反向槓杆ETF都唔少成交。真正問題，係好多你見到嘅市值，其實係唔流動嘅。所以大陸亦一路推呢個H股全流通嘅東西，但進度似乎十分慢下。

17. 睇晒呢度千幾字都未夠皮嘅，可以睇明報原文（https://bit.ly/3coA1fw）。或者下面都會有晒全文。其實睇我點樣用唔同嘅方法寫同一個課題，口語同書面語嘅分別

18. （＊）呢個邏輯嚴格有啲問題，因為個「就係」唔係數學上嘅等於，係「大約反映」。咁你「大約」得十次八次，就好似以訛傳訛咁，係呀每次都同上一次差不多，最後就完全不同了。

李聲揚：李小加十年功過七三開

【明報專訊】上星期五表現最差藍籌是港交所（0388），可能是和CEO李小加明年約滿後離職有關。一般情况下，CEO離職股價即跌，是對CEO能力的肯定，至少市場不是開香檳慶祝送瘟神。

怎樣評價李小加？作為上市公司，最重要的，還是股價。同文陸振球兄在facebook指出李小加任內，股價大幅跑輸對手倫敦交易所（倫交所）。小弟搜集了資料，再加上另一對手新加坡交易所（新交所），補充一下。

附表中2002至2009年的8年（選擇2002年而非2000年是因為倫交所2001年才上市），小弟稱為BC，即Before Charles，李小加是2010年頭上任；2010至2019年的10年，就當然是AC，After Charles了。

正如陸兄所言，AC年代10年，港交所股價升了81%，至少跑贏了恒指的29%升幅；年均回報約是6%，計及不錯的派息，表現中規中矩，直到你和同期升了10倍的倫交所相比。不過，若要找人墊底，新交所股價更不堪，10年股價原地踏步。考不到第一，也不要包尾。

過去十年倫交所股價大幅跑贏港交所
當然，各有前因莫羨人，要贏人先要贏自己。若將港交所AC年代股價，和BC年代相比，又如何？結果就有點難看了，BC年代，港交所股價升了近12倍，遠勝對手（新交所升了7倍，倫交所只升71%），也遠比AC年代好。明顯見到，BC年代是港交所和新交所黃金時期，股價表現遠勝倫交所；但到AC年代，風水輪流轉，倫交所表現大幅跑贏。

原因為何？正是因為盈利。BC年代，港交所盈利升了7倍，股價升12倍。AC年代呢？港交所純利升86%，股價升81%，可見長期來說，股價不騙人。倫交所呢？剛好相反，BC年代純利增長慢，AC年代純利增長較快，股價表現也是如此。至於新交所，BC年代純利增長不及港交所，AC年代更是三家之中包尾，股價表現也是一樣。

進一步要問的是，為何BC年代港交所盈利強勁，AC年代則無以為繼，而倫交所則此消彼長？小弟認為並非李小加問題，而是歷史因素。

交易所生意，主要是看大市成交。BC年代，港交所剛好食正國企來港上市風潮，這些巨無霸企業帶旺了成交。到AC年代，未上市的大型國企已不多，港交所唯有打國際牌，吸引其他地方企業，但成績未如理想。反而是倫敦食四方飯多年，BC年代倫交所未能受惠於中資上市潮，但到AC年代招攬國際公司，就搶贏港交所了。

股價來自利潤，交易所利潤則來自成交額。以此來看，李小加任內功過，應算是七三甚至八二之比。股價是跑輸倫交所，但至少跑贏恒指和新交所；而AC年代缺乏大型國企上市，打國際牌又鬥不過倫交所，先天不足之下，如何增加大市成交？促成滬港通及引進同股不同權公司，但在收購方面，成效則值得商榷。收購倫敦金屬交易所（LME）貢獻盈利不大，而去年高調向倫交所示愛，最後收購失敗，更有點「肉酸」。

下一個10年 港交所面對更大挑戰
李小加帶領港交所10年，以非家族生意來說，算是頗長時間了。繼任人面對兩座大山：第一，香港股市的成交額，明顯低於相若市值的其他市場。沒有巨型新股上市，如何進一步提升成交額？第二，如何吸引更多外國公司在港上市？下一個10年，恐怕是更有挑戰性。

（筆者為證監會持牌人士，沒持有上述股份）

-
版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。