【態度成就一切】
可能有人話香港足球冇進步，先唔講最大嘅搞手，反正點鬧都好都改善唔到。但自己心態係可以改變。放心，唔會拎C朗嘅態度同大家比較，因為佢對足球嘅態度，喺佢日常生活可以反映到，佢有幾自律，版主都唔需要講。又不如比個測試比大家對足球態度有幾高。
😎玩法: 以下有一堆問題，答「是」有1分，答否得0分，睇下最後總分有幾多
1.）踢波(包括練習) 偏遠地區(車程超過45min) 照去？
2.）開波前45分鐘到達球場準備？
3.）開波前有否「認真」熱身？求其唔算
4.）完場後是否有冷卻運動？
5.）為踢波而做GYM?
6.）不煙不酒？中一樣減0.5
7.）比賽前一晚早訓？
8.）練習/比賽時間超過15小時
9.）有自己帶波踢比賽習慣？
10.）是否控制體重（BMI 於合格水平）
11.）是否練習/比賽後自行加操？
12.）至少3日前回覆出席練習/比賽
14.）輸波後會覺得自己做得唔好？
15.）鼓勵隊友多過鬧隊友？
16.）定時清潔/更換個人裝備？
17.）睇番自己比賽/練習片段分析？
18.）練波比賽下下搏到盡？
19.）受傷後是否立即求醫及治療，務求盡快踢番波
20.）即使大比數落後，你都唔放棄，即使入番球都好過被炒蛋
基本上呢20點正正係踢波嘅態度，技術差唔係罪，但態度往往決定到你將來嘅成就。對住自己鐘意嘅足球都唔付出，口講踢好波，但身體最誠實。
0-6分: 都係番屋企打FIFA 啦，踢波真係唔岩你
7-12分: 足球只係興趣，業餘嘅態度，反映水平都係業餘
13-16分: 態度足夠，不過可唔可以走得更遠，就要睇自己造化
17-20分: 已經具備職業足球員嘅態度，繼續努力，希望可以喺職業足球世界見到你。
想講嘅係，心態業餘，踢出黎都係業餘水平。對你黎講，踢波極其量只係出身汗嘅運動或者興趣。但具有職業球員嘅態度，即使最後成為唔到職業球員，但你嘅成就絕對唔會低。至少值得尊敬，你對足球嘅態度會感染到隊友。你睇下C朗回歸曼聯，一班曼聯球員咁乖唔敢亂食野就知。好嘅態度唔保證你贏波，但態度好係可以踢多啲好波。
#態度就是一切
搞手 在 香港地- "我覺得做搞手既人都係有病既, 點解咁講? 因為佢地久 ... 的推薦與評價
"我覺得做搞手既人都係有病既, 點解咁講? 因為佢地久唔久就會病發, 自己\"拿\"屎上手, 開個GROUP係到自言自語, FF下自己有朋友. 其實, 我真係唔係好明非搞手既人諗咩. ... <看更多>