［今日寫呢啲］市況悶，但寫嘅嘢依然豐富。提返大家，唔想睇字嘅，我地仲有影片版，同埋純音聲版。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
港股又悶，美股又悶，升又唔起，跌又唔落。但最近我睇返正面少少，因為美債債息急回，都幾關鍵，3月仲係1.75%，真係驚。但呢排日日話咩驚通脹呢，10年美債債息已經回到落去1.5%。
原因唔知，可能因為拍賣成績好，需求依然大。點解會咁？唔知。但通脹照計大機會，可能投資者睇死聯儲局唔會加息，又或者覺得都係好暫時性嘅情況（亦因為覺得聯儲局都會覺得係暫時，所以覺得佢唔會加息，死未）。
今晚（星期四）美國又會出通脹數據，可能幾關鍵。如果出嚟數字冇預期咁高（但唔係大概率事件），分分鐘即時大升。如果通脹數字高過預期啦喎，就睇下債息有冇反應啦。
大師冇點你嘅，理文化工746寫過幾次啦，我算有跟過間公司，我直頭而家都仲得閒睇下三氯甲烷賣乜價，你見有冇第二個人寫？嗰時寫話會上5蚊，結果昨日就到咗，52星期新高了。等佢7月出盈喜，應該會出的。然後點？就要文入面講。
領展823就不用講啦，大家都好熟。一向有同佢地溝通，飯都有食，但今次疫情下就只能在家食（但一樣有視像！）。我係持有嘅，但同好多其他投資者一樣，見公司不停咁向外發展，有啲戒心。點解？就Patreon有講
WWE，知唔知係乜？摔角。又有冇人寫過呢？同Lionsgate一樣，都係升媒體併購潮嘛。甚至講埋你知，ViacomCBS都有機會賣盤。乜東東？入面都好多嘢，但，例如我去睇《無聲絶境2》，Paramount 派拉蒙咪ViacomCBS．我點知？人地寫住的！
愛馬士同其他歐洲股就不用講，今年港股A股失望，美股不錯，但真正勁反而係歐洲股。唔好咁局限自己，我就連歐洲股都睇埋的。之前咪ASML，仲有LV Hermes．仲有乜其他？文入面有
每日一圖嘛，特登寫到兩個問題差不多句式咁。第一個，你自己估下咯。但你應該估到，係超過一半標普500成份股跑贏個指數的，點解估到？入面講，簡單數學者。
第二圖，又可以估下。但留意5月悶到七彩，亦因為第一圖講嘅嘢，今年唔再係不停升FAAMG，所以對stock picker係有利的。同時間，勞蘇基金（本頁置頂）都搵緊好嘅時機開張。有人話搞咁耐，我就話，使乜急？急住摸頂？
兩篇Good Read都幾長。第一篇講蘋果，又係蘋果稅，所有嘢硬堀你三成。唔止買app喎，入面課金都抽你三成。唔止，你引導啲用家去自己網頁買，都唔得的。都幾惡。但有道理定冇道理？梗係等溫官判。不過，篇文講一個觀點：蘋果其實變到好似Carrier咁。咩Carrier？電訊商。點解咁比喻？就睇我入面解。
第二篇，538，Nate Silver，係喎，而家先嚟分析返佢檔嘢2020美國大選估成點。你心諗，大半年啦。但亦見到人地做嘢認真，唔似啲仆街死財演咁（？），隻嘢升咗就飛出嚟話大師冇點你。認真，篇文好睇，但長，好多人都冇耐性睇，甚至要佢睇我呢一段都嫌煩。最好一句，準，唔準？哦，估唔中，即係廢嘅（而其實係估得中）。佢入面有為自己辯護，我係信服的。當然嗰句拜登9成機會贏，好多人都ger住。你咪聽下人地點解咯。但真係好多人睇多兩隻字都懶。
不過都好，我就一路有得搵食。呢段Patreon冇，我有感而發。初做分析員時，有時都背後恥笑啲Sales廢。後來我大個啲，就告誡啲後輩，就係佢地廢，你先有工開咋。亦可能根本佢地唔廢，只係唔想花時間，即係李嘉誠自己熨衫咩大佬。後來我就真係遇到啲冇咁廢嘅Sales，日子就難過了。真的，你啲客 你老細 之類，你心諗佢廢之時，又要諗下，如果佢唔廢，你邊有飯開？
BTW，剛剛數住，呢度1500字嘅文，我打咗15分鐘。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
