《科指已見底（短果隻）》
趁未開市，快快手同大家講講個科指。眾所週知，我認為個市已經開始左反彈浪，即係短底已經確認。主要有兩個原因：第一、係無論恆指、科指，甚至係大部分個股，尋日都係收陽，即係高開高走，日中有買盤；第二、係恆指企穩291，科指收復8400，破位之後就變成新既支持點，就算追入之後要跌呀（touchwood先）都計到數。
恆指上望301，科指就望9360，呢兩個目標要講明先，並唔係要睇指數破頂。尤其係科指呀，事關差不多所有既科技股幅圖都壞晒，紛紛出現左10天線（甚至20天線）插穿50天線（甚至100天線）而不再多頭，長升長有既格局無左，絕對唔係之前跌下又再升過，調整完又破頂果隻pattern！我呢個講法，大家無論如何要記清楚。
跌浪反彈同升浪好唔同，前者係好難捕捉既，而且一定要有且戰且走既心態，唔可以下下拎個家鄉出黎，唔到唔走你就實聽死！仲有，由於股份撻落黎既時候比較急，一定有大把人走唔切，令上方積聚好多蟹貨。重重既阻力之下，反彈會較困難。除非你真係好了解每一隻股既重倉位，否則，你係好容易會捉中一隻唔識彈既股返黎。
要解決呢個問題好簡單，就係用大包圍既策略，買科指ETF。例如係南方東英既正向一倍（3033）或者正向兩倍（7226），佢地包含左成個指數30隻成分股，我較為信既騰訊（700）美團（3690）升我又賺，我較為唔信既移卡（9923）眾安（6060）升我都賺！咁就可以唔怕揀錯股，立於不敗之地啦！現價買7226，睇10，止7.20。
🙃
#恒生科技指數 #短線見底 #但只係跌浪反彈
#怕撈錯股 #大包圍 #推介南方東英正向兩倍
推介南方東英正向兩倍 在 香港股評人譚朗蔚- 《科指已見底（短果隻）》 趁未開市 的推薦與評價
例如係南方東英既正向一倍（3033）或者正向兩倍（7226），佢地包含左成個指數30隻成分股，我較為信既騰訊（700）美團（3690）升我又賺，我較為唔信既移卡 ... ... <看更多>