我愛打喪屍（下）
上集：https://bit.ly/3vYG1pk
呢個時候，遊戲屏幕上彈出咗一個選項，問我同唔同意洛拉交換身份。
坦白講，呢一刻我仲覺得，我係真人，洛拉講嘅嘢只係遊戲設定。
出於對刺激嘅嚮往，我撳咗「同意」。
下一秒，我見到自己雙手充滿肌肉感，不遠處就有幾個持槍大漢。
其中一個大漢問：「洛拉姐，係咪夠鐘打喪屍啦？」
我玩咗咁耐「喪屍圍城」，對打喪屍嘅流程都好熟悉，拎起槍就出去打喪屍。
我完全繼承咗洛拉嘅反應同槍法，一槍一槍咁爆咗好多隻喪屍嘅頭。
唔止有視覺衝擊，仲有氣味、有觸感，有命懸一線嘅刺激，我嘅腎上腺素急速上升，好正啊！
從此我就做咗洛拉。
但過咗一排，我又掛住老公同個仔，洛拉又覺得做鄭師奶太悶，我哋又交換番……
我已經唔知，我哋邊個係真人，邊個係遊戲角色。
我只知道，可以享受唔同嘅生活，喺平靜同刺激間交替，真係好爽。
問題係，連續交換咗幾次，唔知係咪遊戲出咗Bug，我哋開始不由自主咁交換。
即係「你同唔同意」嗰個框，唔再出現，而係突如其來咁交換身份。
有時我明明打緊喪屍，好激烈咁，下一秒就出現喺飯枱上，而我仲未回過神來，把口大叫緊：「去死啊！」搞到老公同仔仔以為我傻咗。
有時我明明喺屋企瞓緊覺，下一秒就聞到喪屍貼身嘅腐臭味，差啲就俾喪屍咬到。
呢個情況令我同洛拉都好困擾，但我哋諗唔到辦法去解決。
直到有一次，我哋又被突然交換，我焦頭爛額，洛拉講晒粗口。
呢個時候，我哋聽到一把尖銳嘅笑聲：「哈哈哈，真係好好玩。原來『喪屍圍城』同『平靜生活』兩隻Game嘅角色，係可以交換㗎喎。」
咩話？唔通我同洛拉都係遊戲角色，真正嘅玩家另有其人？
洛拉沉聲問：「你係邊個？」
「我咪就係你哋嘅主人囉。」把聲答。
「你憑咩做我哋嘅主人？」我問，腦裡面已經幻想出一個邪惡大魔頭，手段高超，心機深沉，以玩弄我哋為樂。
把聲冇回答，但我同洛拉馬上被交換咗幾次。
幾乎幾秒就交換一次，我哋兩個都被交換到頭昏腦脹。
「咁算咩本事？有本事你同我交換啊！」我選擇用激將法，希望知道更多幕後玩家嘅底細。
把聲答得爽快：「好啊。」
我呆一呆。
下一秒，把聲講：「不過我要熄機啦，聽日要考試。阿媽話，考得唔好就讀唔到Band 1㗎啦。」
遠處傳嚟另一把女聲：「你個衰仔仲唔瞓？就嚟讀中學啦，可唔可以自律啲。」
把聲消失咗，我同洛拉面面相覷。
原來，操控我哋人生嘅幕後Boss，只係一個小六學生。
呢一下真係哭笑不得，但仔細諗吓，就算我哋睇唔起佢，咁又點？我哋根本冇能力反抗。
操控你嘅人，未必比你更叻更強大。
佢哋可以操控你，可能只係因為，佢哋坐喺一個「有權操控你」嘅位置。
可惜，就算你可以說服所有人，你比佢更叻，你嘅觀點更正確，
你依然生活喺佢嘅操控之下。
—完—
新書《筍工重生高科技》已經出版了，現正發售中，
詳情可點擊這裡：https://bit.ly/32hgoSN
你的支持是我最大的動力！
#短故 #短篇 #小說 #陳美濤 #廣東話 #粵語 #tomatochan #我愛打喪屍
我愛打喪屍 在 [影音] 230802 Netflix 喪屍宇宙E01-E08 - 看板KR_Entertain 的推薦與評價
230808 Netflix 喪屍宇宙 E01-E08
《喪屍宇宙》是以被喪屍環繞的首爾為背景，
結合了實境秀和綜藝節目元素，劇中演員的目標
是在這般環境下生存下來並成功登上逃生船，
過程中還需完成劇組準備的任務
製作人：朴鎮慶《我的小電視》《Dunia~初次遇見的世界》
出演：李施昤、洪誠佑、盧弘喆、DEX、柳熙寬、朴娜勑
DinDin、TSUKI(Billlie)、Jonathan、Patricia
Netflix https://www.netflix.com/tw/title/81635888
--
※ 發信站: 批踢踢實業坊(ptt.cc), 來自: 123.194.10.30 (臺灣)
※ 文章網址: https://www.ptt.cc/bbs/KR_Entertain/M.1691478712.A.4A9.html
※ 編輯: chris1102 (123.194.10.30 臺灣), 08/08/2023 15:27:02
... <看更多>