關於 我同你講你唔好咁串比我溝到你呢 ，我們在網路上蒐集到這些相關的討論、資訊與評價

【#狂迷投稿】文：電影人在野 《#凶靈祭》
// 無限接近真實的恐怖 //

好耐無體驗過後勁強勁既電影，尋晚訓教既時候順手熄燈，諗起上身女鬼係唔知咩位爬出黎個樣...我開番燈，碌多半個小時電話先訓。
.
如果話拍鬼故唔使恐怖都得，未免就同連登仔講「買股票目標唔一定為賺錢」咁虛偽。而事實上本電影既行進力量，就同《閃靈》／《驅魔人》一樣強大，利用偽記錄片手法，帶你進入泰國人滿天神靈既世界。
.
行進既過程或者緩慢，但有效，呢種沉浸式既觀影，令你一步步走入薩滿＞惡靈既世界觀，由第一鏡開始，一輪空鏡，展示山、石、廟同供品，一連串有效既符號，構成左強而有力既氣氛，令你知道大自然個種無情同恐怖，最後睇住少女如何一步步走入邪魔中，所以全套電影真係JUMP SCARE 既位得一個，但氣氛壓到我啟動左「過濾模式」（用手遮到得番字幕）既就不下十次。
.
演員亦係不可多得，假演難做，但真係更加難做，女主角薩滿「念」既撲素同對答，真係好似司徒法正走入深山搵高僧黎訪問咁，但同一時間，「念」係處理「人」事上既無力、關懷同愛，都有無限度既展示，絕對係現力派。
.
從來未試過咁清新、脫俗既感覺，韓國仔既拍法、泰國仔既鬼故，溝埋一齊既威力，居然比老鼠斑有過之而無不及，甚至比我既初戀更加詩情畫意，所謂「舉頭望明月，低頭思故鄉」，係我受嚇完第二日再深思番呢套野，我感覺到兩種東西
.
1: 絕望
「天地不仁，以萬物為芻狗」
電影開首有講，萬物有靈，但只有人既自大，相信自己可以操控命運，相信自己可以違經背道，係人倫人力既強大下控制一切，以為可以將命運改嫁比他人。
然而，神靈根本DONT GIVE A FUCK，佢審視你既態度同你被上身既邪靈根本一致，人類既維度極其量只能係佢既喜怒下苛且過日，而最後一場，係真神下凡大屠殺、定係邪神上身反撲，毫無分別。所以《兇靈祭》隱隱表達出克穌魯既味道，叔叔很喜歡。
.
２：溫水煮娃既庸懶
.
觀眾都認為角色好蠢，點解唔早D求救、點解唔早D離開、點解XＸＸ點解YＹＹ。
因為人性就係庸懶，君不見年中多少人係大災難現場，唔係舉機拍，就係駐足睇，係大難臨頭以前，每個人都以為自己係幸運離得開既一群。
同時，就好似《驅魔人》中既媽媽同女兒，點解出事第一日唔搵神父？因為搵神父係「觀眾視點」，但角色受限於佢既教育、性格、身世，身陷於無能而求救不能。
媽媽點解唔早D行動？因為心有鬼，因為有內疚，因為有害怕...因為直到大難臨頭，先識得割捨。
.
觀眾好喜歡聰明於一切，聰明過導演、劇情、佈局...但要行入去，你先理解到每個人做緊乜野。
.
同場加映：
★加入狂友fb群組【 #狂氏電影綜合症候群 】
★*// http://bit.ly/32xJWLp //
★直接交流 × 影患有救！

【這是一場甘苦與共！】
(2016年舊文。至少應驗了「前面有幾多意外幾多厄困沒有人知」。)

自己是黎明粉絲，屬於麻甩理智型，即是他好靚仔時我會說他好靚仔，他水腫時我會說他水腫，他唱歌好聽會說他唱歌好聽，他跳舞求其我也會說他跳舞求其。

四大天王那時代，把黎明的五官拆散比併，應該會輸盡給劉德華郭富城，只贏一個張學友，偏偏合起來時，除了有時水腫，他的樣子可以霎時間靚仔得散發仙氣(呢個形容係有私心)，而且客觀事實四人中他最高大，穿衣品味最好，他行出來英俊瀟灑的台型具有壓倒性。有可能是誇張記載：九十年代黎明最早攻佔韓國市場，據說他當年掠奪韓女芳心之哄動，不下於今天宋仲基掠奪港女們的程度。劉德華的靚仔向來公認是香港隊代表，只有黎明可以挑戰他而沒有處下風，他們的粉絲鬥得最天崩地裂！

黎明高大也有壞處，是跳舞不容易好看。這樣方面郭富城當然最強，但你看過張學友的演唱會，他跳舞的韻律和難度幾乎迫貼郭富城，可以知道他下了超強苦功。黎明呢，他最公子最貴氣，四天王的體能操練他應該最懶，跳舞亦明顯「求其」。有年又是TVB種的禍，甚麼勁歌總選，竟然要求他們四人一分鐘鬥舉啞鈴，不要以為郭富城大隻，劉華在鏡頭前那種拚搏牛逼不用多介紹，他一分鐘五十下，郭富城張學友死谷各接近四十，只見黎明真心求其舉，結果他應該僅及三十下。或者可以說，他看自己很準，他的有型從來不是來自大動作，於是早期唱〈我的親愛〉，雙手隨便練習幾下炒飯手勢，雙腳一時內八字一時外八字反來覆去翻動幾下，賣個傻痴痴的萌笑，問候聲：「May，你點呀！」粉絲們已經心滿意足。

黎明沒跳舞運卻有歌運，他曾經演唱〈對不起我愛你〉走音被笑足四份一世紀，然後他明白知恥近乎勇，他有努力練歌，後來遇上連串廣告歌從〈那麼有一天不想妳〉、〈情深說話未曾講〉等都唱得讓人刮目相看，成為九十年代香港最輝煌印記。他有很多歌的流行程度，甚至迫貼張學友。大概他成熟了，醒悟從前裝可愛扮天真去得太盡，四十幾歲男人老狗不可能再沒技巧賣萌地跳〈我的親愛〉，於是索性任何慢歌快歌都站得耿直，他的士兵式站姿簡直破壞所有快歌的第一傳，今天他唱〈我愛Ichiban〉時屁股作二十度搖晃已經是天大賞賜，結果開始有人埋怨，他在訪問也承認自己演唱會有點悶，於是今次換場地玩4D，結果惹了禍，同樣也成為考驗黎明成了超天王的契機。

張學友那張臉本來最能經歷風霜，劉德華到今天仍像牛般頑強謹慎，他的臉和鼻和身體都以零脂肪起角見稱，郭富城也超勤力，鑽研演技和溝女的操練從沒間斷，五官保持精緻銳利。如果以五十歲男兒計，最早退出江湖的黎明可能是最不襟老那位，近年看他，臉容有時浮腫厲害，五官也失卻過往神采。上天明顯仍眷戀黎明，他沉藉多年水腫多時，開唱片公司捧人成績不過不失，本來最好的衞蘭，操練體能方面跟他一樣隨心所欲，不願控制自己體重。但他變得很會說金句，其實四大天王沒有一位幽默，黎明只是完全放下偶像身段，不再顧忌說內心直話，直到用北京話直譯廣東話咁直。

從他三十年幾乎沒變的髮型和西裝畢挺，從他一直在四大天王中往往顯得離群獨處，可知道他是位個性超強的人，他的金句往往由衷而發，含金量極高，因為夠真心因為夠突然因為去得夠遠，所以笑死人。今次黎明演唱會每天都在逢迴路轉，他反而貼地應戰。他可以不化妝，頭髮還殘留cap帽柒印的狀態，便誠意滿分地拍片為場地問題解說一次又一次，然後把責任放在自己身上，有新鮮難題，他提出新鮮解難方案。這時候，你會發現黎明已經盡褪從前的脂粉和傻笑，沒以往英俊秀氣，卻變成一個隨心所欲型到爆烈和很會用臉書的中佬。

人和人好簡單，我們曾經這樣愛你，只要你真心努力過，遇上難題碰上困境，只要你坦誠告白，沒學那些官員玩語言偽術，香港人幾時輕易離棄你。你的演唱會要取消便取消吧，要拆帳蓬冇4D就拆帳蓬冇4D，入場混亂排隊要排兩個鐘就排兩個鐘，落雨照頭淋就照頭淋，唱唱下個電幕故障上不上去，你要朗誦歌詞便朗誦歌詞，你係鍾意唱快歌唔排舞便繼續唱快歌唔排舞。

我們喜歡你廿幾三十年，前面有幾多意外幾多厄困沒有人知，只相信黎明不會老點你，有事他會站出來拆掂，要金句有金句要膊頭有膊頭，於是歌迷大眾條氣會順，於是幾多甘苦都願意與你共同渡過，反過來更擔心黎明壓力太大食不飽睡不甜。香港人真係好易商量好易管，要把香港管到現在這種怨氣沖天的狀況，真的要好柒好Seven的領導人才做得到。題外話，同期開演唱會的林峯的鋒頭難免被蓋，接受訪問時他表示沒有看黎明演唱會新聞，記者又抵死，追問「而家我咪話俾你知！」，他只答了一聲「哦！」很明顯他沒有金句胸懷，個人亦懷疑吳千語可能曾經表態想睇黎明，所以他有少少介意。

#咖啡迷思

考完試，又學識拉花，又去過咖啡店實習之後，發現咖啡真係莫大精深，易學難精。以客戶為例，好多人心目中期望的，與實際而正常的，有落差。例如：

1/ 嫌latte唔夠熱
Latte打奶泡溫度不能超過65度，如果好似McCafe習慣咁公司規定打到70度，牛奶入面嘅蛋白質會因過熱而變化，失去奶香及甜度。當然，你可以一句，我鍾意呀！你理得我識唔識飲？係嘅係嘅，顧客永遠是對的，所以壽司師傅見到客人將wasabi同豉油混成泥狀，或者Sommelier見到個客用七喜溝Lafite，都唔會出聲嘅。

2/ 植物奶無拉花
本身植物奶味道和質感與牛奶都有好大分別，Oatly好稀，Vitasoy Café For Baristas 好少少，正常打完奶泡，倒出來都好易是一泡泡。所以改得植物奶就不要對拉花有高要求，拉到是咖啡師特別叻，拉不到也不算是咖啡師的問題。

3/ 影杯Latte影一小時
其實過門都係客，比咗錢，無人會介意你幾時飲杯咖啡。不過影一杯Latte影一小時的話，Latte的奶泡一早沉哂，成杯啡"死哂"，都無乜可能好飲。如果因為自己打卡太耐而影響咖啡質素但又因為咁而負評那咖啡店，實在太唔公平喇。

4/ 咖啡有酸味，我好怕
我哋有種說法，就是飲得手沖咖啡多，慢慢會"追酸"。口味慢慢改變，而家去某d馳名小店飲Single Origin的凍美式咖啡，飲到耶加標誌式酸味最開心，深焙到燶味的連鎖店咖啡已不會想飲。Coffee is a fruit, don't let the fruitiness scare you.

5/ 咖啡師係咪好串？係咪好易得罪佢？
其實好多咖啡師都好nice，唔係惡人。不過同有個性有要求嘅廚師一樣，咖啡師會對自己嘅出品有要求。個客同佢講"個拉花好靚" "咖啡好飲"，正常一定開心。但係未試味就先落三包糖，就同去到餐廳有理無理先落十幾滴豉油一樣，咖啡師會皺眉，都好難怪。其他古怪評語如 Dirty 無搞勻、Ice Drip 無冰、Cappuccino 無拉花、手沖點解無crema...呢d，都聽到慣哂就會當聽唔到。

#雖然有奶便是娘
#咖啡文化是一種文化
#唔識飲可以學但不要推動崩壞
#coffee #cafe #coffeeshop #coffeeroastery #barista #latteart

你好影補版主，聽咗你呢個台一年，獲益良多，想講一聲多謝。
今次我想分享一下我媾到我女朋友嘅經歷。



先講一下自己嘅經歷，以前自己有真命天女症，
對某一個女仔有好多嘅幻想。不過做人總係要面對現實，
後來有一次面對面出街嘅時候睇穿佢嘅大話，亦都睇清楚佢嘅真面目，
破除咗自己唯一一次嘅真命天女症。



由於性格外向，自己係冇咩AA，唔會怕同陌生人傾計。
以前嘅自己係走暖男flow，
不過自從「真命天女」之後都冇再走暖男flow
（即係話只係用過一次，好彩係自己冇被呃錢）。
之後自己覺得要move on，所以就開始約唔同女仔出街。
自己本身有d contact係手，約過唔少女仔出街，咩國籍都有。
只不過當時仲未建立到自己嘅flow，所以好多時一係媾唔到，
一係冇second date，再唔係就被friendzone。自己嘅約會都係AA制，
亦都冇送到禮物，完全唔再走暖男flow，但係又未進化都走alpha嘅flow。



之後聽咗唔同嘅youtube channel。因為唔同嘅channel都有唔同嘅哲學，
所以自己就學咗唔同嘅方法。題外話：個人覺得影補嘅內容係實戰派，
內容好多時都係約會時實戰嘅flow、觀人術同埋破除真命天女症。
係好容易pick up嘅野，加上影片入面有好多例子，可以觸類旁通。



講咗咁多旁枝末節，係時候入正題。我同我女朋友係大學認識嘅，
我地係一個活動裡面認識。認識個日已經抄咗牌，因為活動時間比較長，
所以我地有好多時間單獨傾計。個陣時都冇話開始了解佢嘅價值觀，
傾計嘅內容都係黃腔同廢話多，都係講d串下佢嘅野，又有時笑下佢咁。
然後係活動就黎完結之前我就約佢之後個日嘅下午單獨出街，因為認識個日印象深刻，
大家有講有笑，所以佢應承咗。



第二日（day 2）出街嘅時候我地去咗一間café，叫野食都係AA，
佢又冇要求我請佢，心中就對佢加分。食飯嘅時候再問佢嘅情史同價值觀，
佢都講咗好多自己嘅野同想法，好多底牌都自己揭露出黎。
相反，我自己嘅底牌、有價值嘅資訊都冇點透露。
個時都未知道佢係咩對弈level，所以就再測試一下佢。
食完lunch之後我就話去公園行下，佢好爽快話好。
然後係公園入面我提議玩韆鞦，我推咗佢一陣之後就叫佢推我啦，
佢又爽快答應，之後仲有同佢玩下隔離嘅滑梯。
過程中都有好多微笑，睇得出佢係真係開心嘅，所以就大概估到佢係點樣嘅人。
係公園玩咗一輪，佢之後再食咗個甜品，就知道要開始入情侶mode。
我提議話行返大學宿舍，佢話好，咁個一刻我知道條yes leather已經建立到，
亦都知道自己暫時攞咗上靶位。



但係係轉情侶mode之前嘅野都冇乜用，充其量都係可以俾你參考一下，
估計下對方轉mode之後嘅反應。行返宿舍嘅路上我知道要拖佢隻手，
但係都有少少驚，不過心知如果自己唔再行動嘅話就未必有下次，
所以我就一下拖咗落去。佢個下係想縮手嘅，
只不過我捉得都比較緊同埋佢抽手個下都唔係好大力，所以我都冇放手。
佢問我「做咩拖我隻手」我答佢「拖咪拖囉，啱嘅咪繼續拖落去囉。出黎約會係咁架啦。」
之後佢都冇格手，不過佢又整咗d shit test俾我，話「咁俾其他人睇到咁點算。」
我話「佢地行路要睇路阿，睇路都唔得閒睇妳阿。
睇到妳都未必認到妳阿。
就算認到，咁又點？關佢地L事？俾人睇到妳同我一齊阿，妳應該自豪啦。」
之後就拖著手去咗我宿舍食晚飯睇戲。
當然，當中都有時候係放開手嘅，不過好快我就再拖落去，等佢習慣突然俾我拖手嘅感覺。
睇戲嘅時候我地挨埋一齊，之後我開始摷，見佢又冇格我就開始錫落去，
打茄輪打咗一段好長嘅事件，之後佢話要返佢自己宿舍，
我開咗燈，同佢坐咗係張床到，但係又冇俾佢走，
就開始同佢傾計。佢問咗我好多關於將來嘅野，
其實就係shit test。佢問咗我好多嘅shit test，
佢問一次，我就嘴落去同佢打茄輪，之後都feel到水溫好高。
（佢個陣黎m所以⋯⋯）咁之後我送佢返佢宿舍。
其實點解要送佢返宿舍呢，一黎個陣已經係朝早3、4點，
都唔係好安全，二黎係push and pull，等佢覺得我唔係100%霸道。



之後第三、第四日（day 3、4）我都冇乜contact佢，
完全係ignore咗佢咁。我第四日個陣有活動，
我第三日同佢講我活動完咗之後會contact佢，
之後一個message都冇。因為我已經摸清楚佢係點嘅level，
所以我係吊咗佢一日。
後尾女朋友同我講番佢個陣心lor lor 攣，
等緊我嘅message。第四日我活動完咗，
我返到宿舍我先打電話佢（個陣已經係凌晨2點，佢未訓覺），
之後我話去搵佢，佢話好。但係女朋友係個d比較怕醜嘅女仔所以我要做多d主動，
之後傾左一陣計，我叫佢去我間房訓。個日開始我地就開始拍拖。



同女朋友拍拖都係我做上靶位，我話一就一，二就二，
但係有時都會俾位佢上，但係個d都係控制範圍之內。
都係以糖棍政策為主，繼續穩坐上靶位。



咁次可以咁快手一擊即中，原因有幾個：

－女朋友質地好，對著我係純純兔，小鳥依人（之後聽返，佢同佢嘅前度出界嘅時候佢完全唔俾佢拖，kino）

－我自己清楚媾女flow要點run，加上約會當日心態同轉數都處於優良狀態

－shit test順利拆解

－已破除真命天女症



之後聽返我女朋友講，佢話我眼神好惡，佢見到會驚，會聽我話。
宜家先醒起，我係day2約會嘅時候kino嘅同時我對眼係望住佢，
可能就係咁佢自己對弈嘅氣勢弱咗。



睇返轉頭，今次可以順利抱得美人歸，都想同影補版主講句多謝，
所以想分享返自己嘅經歷，算係一種回饋。


不過有少少想補充返，因為自己係海外嘅聽眾，所以見唔少鬼妹，發現英國鬼妹好多都臭格，
可以港女閪格嘅文化係前朝遺留落嚟嘅嘢。
自己係外國同過日本，越南，馬來西亞嘅女仔出街，當然都有啲鬼妹啦。
個人感覺，比較之下係港女真係零舍臭格?
鬼妹雖然好容易就可以kino上去，去到扑都仲得。不過長遠嚟講想坐穩上把位其實係難

無言感謝



影補溝女計劃:

多謝網友一直支持
也收到很多網友既email
始終溝(真命天女)是一門大學問
如果你一直有溝女上既疑問
想多個人探討
歡迎參加

月費: email 問吧!!
在whatapps 上可以任問有關溝女既問題
one on one
每日都會發放簡易溝女攻略

有興趣 email 我吧
nyksuperman@yahoo.com.hk

blog:
https://learningpickup2018.blogspot.com/

paypal 捐贈
PayPal.Me/nyksuperman