粗口。教育
注意：呢篇文會好長同埋有機會顛覆你根底觀念同一直以黎想法，假如你選擇睇，請慢慢睇同思考。
粗口文化，係世界唔同既語言都存在，若然係最粗既粗口，我唸廣東話粗口相信數一數二。
有一種講法，學語言先學粗口，因為就算你被人吊左野，你都知發生咩事。
從古至今，粗口都係一種禁忌，若然講粗口就有機會被認為教壞人，冇文化，冇修養。。等等等等。但粗口被禁同時，識講廣東話既人同時無人不識。
文字；語言沒有對錯，一句公喜哂夠哂冇問題。
但假如我係對方靈堂講公喜哂，我相信我會打横出個門口，又或者直接係靈堂開多個位比我。
從古至今，性文化同粗口都唔會教育下一代，又或者講d唔講d, 令小朋友有更多問號，換成要小朋友係接觸社會或朋友時摸索，好多時更易犯錯。
教育並非只教單一方面，硬幣有公字，世界有正反，呢個係必然既現實環境。
係80年代，科技，玩意等等未有現今咁豐富，大多時物都係從人與人之間接觸同對外面接觸磨練，從而建立自我觀同世界觀初形。
但而家家長就只怕子女跌親，行錯一步，引致小朋友外在上好似好強，但內在特質就空空如也。例如內心軟弱，欠缺自信，缺乏創意等等。
家長希望子女比自己更強大，但卻依照自己方式而行。好簡單一個問題，一個倒模整出黎既公仔會比倒模更好嗎？
再問你一條問題，古時東西方，人材輩出，思想家，醫學家，發明家等等。。好多好多人材，但你試試呢十幾二十年，科技進步一日千里，你又數到幾多個？
照推理情況，現今應該比古時更多人材，但偏偏少之又少，問題在於古時著重開放思想，著重討論，著重實驗，著重嘗試。
但而家卻著重copy, 壓制思想，形成每個人都似一個倒模公仔。試問倒模公仔如何出人材？
我分享一點自己多年黎既一d個人中心思想，等你地多一個睇法，多一個選擇。
世界就係現實；已經存在就係合理
抗拒接受已存在事情只令自己痛苦
任何問題運用客觀因果黎處境(有病睇醫生食藥等等)
好好運用憤怒力量(未純正既憤怒係唔理智，純正既憤怒力量係理智)呢樣需要恒久訓練自己情緒。
建立自我個性。
世上冇絕對既對錯，因為對錯可以因唔同因素而改變，用善惡黎分野比用對錯黎分野好得多。
世界總有人鐘意你同唔鐘意你，批判會不斷出現，繼續依照自我個性去做就可以。
經驗。智慧只可以從自己發展出黎，他人比既意見最多只幫得一時，而且好多時既意見都係無撚用。
錯誤係你人生養份，繼續嘗試同調教方式就可以。
所謂成熟，例如你幾十歲人睇漫畫玩公仔，身邊既人話你唔成熟，呢個演繹係唔岩。
成熟意思係你有能力適應生活中既模糊事。
按照自己方式生活唔係自私，強迫對方按照自己方式生活先係自私。
好啦，呢篇文夠哂長，暫時唸到既係咁多，我呢篇文原意並唔係改變你，而係想你知道同明白，當你眼光擴闊，睇到更多既野，你明白你係有選擇權，並非冇選擇，呢樣先係我想帶出既事。
多謝@.@v
成熟意思 在 成熟意思在PTT/Dcard完整相關資訊 的推薦與評價
提供成熟意思相關PTT/Dcard文章，想要了解更多成熟書、成熟表現、成熟特質有關歷史/文化文章或書籍，歡迎來小文青生活提供您完整相關訊息. ... <看更多>