『長文，快入，爽』
微辣笑林寺第一季終於完結，有D咩難過係一班人面前講笑？就係係一班知道你會講笑既人面前講笑，一支咪，一個人， 一個接一個唔知大家會唔會笑既笑話，哼~真係會怯，今次感受最大，係勇氣這回事，今次不論創作定表演，都嘗試跳出以往舒適圈，雖然有時跳完出去後，得到既，只有一片沉默，OK，加油，繼續試。
平時慣左自己呢埋創作，今次有比大家拉埋出黎一齊頭腦風暴，好嘈，好開心，好耐都無感受呢種團隊創作氛圍，有人問，一齊創作會唔會影響比賽既競爭性？我可以講，唔怕，因為大家都會比對方一D唔好笑既idea，笑對方一D唔好笑既笑話，當中係真好笑定假好笑，就要靠自己去猜度，所以，我地無時無刻都比賽緊。
今次比賽比到好多衝擊我，就連最後頒獎都衝擊我對呢知世界既認知，非常好，最鍾意呢種事發生，而且結果都好令我開心，呢個果實，真係用左好多時間，甚至通埋宵去種返黎，我個肝都到不禁問一句，為了它，我真的值得被傷害嗎？ 我對眼都不禁問一句，為了它，我真的值得被看日出嗎？好啦，自問自答，值得。
每個人都想要好結果，但，正如我當初推動大家去玩呢個比賽一樣，不論結果如何，最重要係，最後，大家一定會有所成長，當然，輸比我就更好，咳咳，裝作大氣講一句，輸過，才會加快成長嘛，才會更清楚知道自己是否適合走這條路，哈哈，真的，包括我在內，大家都有疑惑過，失落過，我地亦都清楚，面前呢條想引觀眾笑又要有深度又要觀眾有得著又要符合大家心中棟篤笑把尺，仲要每把尺唔同既呢條路真係令人想兜路，不過，我地最後都走過這段路了，呼～～～至於大家會否繼續前行，我唔Q知，我關心左自己先，假如我有份開show，你地又會覺得點呢？
多謝參與同有睇呢個節目既每位
，假如你無睇過呢個節目又睇完呢段文案既話，你確定你唔係鍾意我？快D去睇微辣笑林寺第一季啦。
🐒
#豪dee #微辣笑林寺
微辣棟篤笑 在 微辣笑林寺－初夜「香港站」 - Facebook 的推薦與評價
你有看過black pink講棟篤笑嗎? 你有看過one ok rock講廣東話嗎? 你有看過防彈少年團講食字GAG嗎? 以上這些我也沒有。... ... <看更多>