【Miss K. 小一面試前必睇：學術篇】
（長文慎入⚠️）［歡迎轉載］
今年如果小朋友而家就讀K2，照返往年嘅時序，最快幾個月之後應該就要出席第一間學校嘅1st interview🏫;好多家長都WhatsApp/PM我表示好擔心，因為感覺上一直都未準備就緒😅所以今日我想用一啲嘅時間同大家分享一下💬💬如果你身邊有今年考K2嘅小朋友；亦都歡迎轉載呢篇有關於小一面試學術要求嘅文章內容比佢哋參考一下。☺
一般來講，小朋友喺每年嘅四月至五月份，我都會建議最少佢已經掌握一啲最基本嘅面試應對，而相關"硬知識"亦都要準備就緒🤗好多家長都會好擔心：「究竟學校會考啲乜嘢嘅硬知識？」、「我要幫佢嘅溫習範圍當中，中文、英文、數學應該要學到乜嘢嘅程度？」、「面試要唔要考寫字？定係考串字？定係考認字？」一系列嘅問題喺腦海中一一浮現，家長不知如何入手😅感覺非常徬徨😣
其實回顧返多間人氣小學近幾年嘅面試模式，我覺得學校對學生嘅"學術基礎"有一定嘅要求，唔係淨係「性格啱」、「好match學校嘅嗰種學生type」就一定收✉
其實睇返近呢幾年嘅學校，佢哋都會試過喺唔同嘅環節要求小朋友最少要識得寫自己嘅中文姓名同埋英文姓名，呢個係差不多最基本嘅要求😉
另外，部份嘅學校對中文嘅要求特別高👍會在遊戲或學術問題當中，問相對地比較難嘅問題🤨同樣地，亦都會有另一啲嘅學校🏫對於小朋友嘅英語程度要求比較高，除咗生字或者係句子之外🔤，亦都有啲學校希望小朋友能夠掌握一段故事嘅內容📚當然發問嘅方式可以有好多，例如有啲學校選擇直接嘅個人對答💬或者係進行一啲相關嘅小組活動遊戲🤝另外，數學方面🔢，基本上單位數加、減，呢個已經係最基礎嘅要求➕➖；有啲學校會用文字題或者運用處境嘅情況，甚至乎將數學嘅概念注入遊戲當中，要小朋友以小組或者個人嘅形式去進行一啲數學嘅理解同埋解題，甚至有學校亦都會加入一啲解難嘅元素😏
從以往嘅題種上分析，我認為，小朋友如果只係掌握學術嘅知識，並不能可以充分咁喺嚟緊嘅面試發揮得最好👍
因為學校除咗直接向小朋友發問相關嘅知識之外，亦都會加入好多唔同嘅元素，甚至乎有啲學校會測試小朋友嘅專注力、合群性、表達能力等嘅soft skills👀👂💬💭❤
所以，我會理解面試係一個「個人特質嘅綜合表達」😉
學術上嘅準備並唔係一朝一夕可以達到嘅事情，所以我哋冇可能要求小朋友喺面試之前嘅短時間內將中英數呢啲學術嘅知識背落嚟😙有時候家長會面對一個矛盾，心諗：如果咁早幫佢溫，會唔會之後唔記得咗又要從頭再溫、從頭再預備🤔但係家長一定要留意中英數嘅知識係需要一定嘅基礎😌舉一個好簡單嘅例子：如果小朋友仍然未掌握phonics嘅技巧，咁佢對於嚟緊認字或者串字、甚至乎拼讀句子，再伸延到文章嘅理解會需要花好長好長嘅時間😫我哋唔能夠叫小朋友死記硬背全世界所有嘅vocab😥又例如數學🔢我哋亦都唔能夠一下子叫小朋友跳去理解文字題；佢哋首先需要純熟咁掌握加減數運算嘅技巧，然後配合中文或者英文嘅理解能力，亦要進行小心嘅運算，而且喺回答嘅時候亦都要注意老師嘅指令，因為有時候並唔係直接將答案講出😔
面試嘅老師可能要求小朋友用唔同嘅表達方式，例如係去某一張枱上面攞某一種顏色嘅相關數量💚💛🧡💜以代表數學題嘅答案。當中小朋友需要非常集中精神，亦都需要對自己有信心❤唔好因為其他嘅小朋友做唔同嘅方法去表達或者攞咗其他嘅數量，而麻木跟從；明明自己係計啱而最後老師評分嘅時候就係因為冇信心跟咗人哋嘅答案而變成答錯😫
語文嘅準備嘅方法有好多種🔤一個好有效恒常活動就係一定要閱讀中文書及英文書📚我會建議中、英文嘅比例唔可以偏重於某一個語言。雖然小朋友有特別嘅喜好，但係喺過去嘅經驗話比我知，爸爸媽媽如果係能夠平衡中英文書本嘅閱讀，亦都有良好嘅閱讀習慣，例如每日會花20至30分鐘以上🕧同小朋友進行導讀或者係讓小朋友自己閱讀👀甚至乎當爸爸媽媽讀出文字同埋句子嘅時候，小朋友一定要用手指指着相關嘅字😉呢個方法會讓小朋友容易聯繫每個字嘅發音同埋認出相關嘅文字👍而喺閱讀嘅題材方面，除咗選擇小朋友喜愛嘅主題之外👸🦸♂️🦸♀️🧚♀️🦄我會建議家長可以多揀一啲故事嘅形式，當中有唔同嘅人物、題材方面亦都可以比較多元化、故事結局或者情節亦都要有所不同。例如有一啲嘅女孩子比較偏向揀關於公主嘅書籍；而男孩子就比較喜歡關於機械人🤖、恐龍🦖、交通工具🚄🚒🚑等嘅主題。但係閱讀嘅種類要更加廣泛，我哋唔能夠估計每間學校面試嘅時候會比邊一本特定嘅書小朋友去睇、睇書計唔計分、計幾多分等等🤨
如果小朋友能夠喺面試當中，當老師畀一本新嘅書佢去閱讀，而佢能夠專心❤、投入地閱讀👀，而且能好好咁理解當中嘅內容😉，再有自信地以會話或老師指定嘅形式將答案表達出嚟💬💬。咁係一個非常之好嘅表現👍👍👍證明佢平時嘅閱讀習慣非常好，亦都有良好嘅語文基礎同埋正向嘅個人特質👧👦😍
一篇嘅文章好難一次過表達唔同學校中文英文數學嘅要求同埋佢哋嘅考試方向，但希望以上小小嘅資訊能夠比一啲基礎嘅概念😁各位家長去預備學術嘅要求💪💪
如果大家都想繼續知多啲小一面試其他類型嘅題目，請大家都留個comment話俾我知，等我可以繼續以相關嘅話題同大家分享多啲！如果大家亦都希望嚟緊可以喺Facebook live上直接講吓相關嘅題材，亦請大家可以留言話俾我知☺
#升小面試 #小一面試 #面試學術題 #人氣小學 #2020小一面試 #missk #p1interview #小朋友加油
小組活動遊戲 在 團體遊戲 的推薦與評價
金頭腦「老人活動｜樂齡遊戲｜長者遊戲｜老人團康｜長輩活動｜長輩遊戲 ... 細胞小組破冰遊戲超級變變變淑婉師母. 高雄循理會鄭穎宗牧師每日聖經逐節研 ... ... <看更多>