大家好，我係HR Zucy姐，閱人無數。
你以為一間公司請人，係聘請啲叻人？
錯了，愈同得多人接觸，就愈得呢個世界咩人都有。
好多時，公司只係想請個「正常人」已經好難。
最近因為疫情關係，乜都網上化。員工Work from home，連高層開會都用視像會議。最近老闆就落Order，連幫應聘者面試都會用網上形式。
不過！就算我Zucy姐無得面對面！都可以從文字睇穿一個人！
你哋一定以為用網上形式面試就一定好容易，其實有好多笑料發生。
嗰啲上身著西裝，下身著短褲嘅例子經常都會發生，我亦唔會大驚小怪。
（因為我Zucy姐WFH時，下身都係著緊睡衣）
但仲有好多奇怪事，會喺面試時發生。
例如之前用視訊會面，就有個阿媽亂入鏡頭，個仔喺度見緊工，阿媽突然喺後面出現，不斷鬧個仔做乜唔出去搵工，掛住上網識女仔。
終於個仔忍唔住就轉身同佢講：「阿媽！我已經見緊工啦！螢幕入面嗰個就係間公司同我見工嘅人啊！」
阿媽呆咗一呆，梳一梳頭向螢幕揮手，然後湊埋嚟同我講：「我個仔好叻㗎，你請佢啦。」
仲有，我Zucy姐都好鍾意小動物，面試嗰時隻貓坐喺螢幕面前我都可以諒解。但有一次，面試途中我突然聽到背後有隻貓「喵～喵～喵～」咁叫。
我當時都當聽唔到就算，但個應聘者突然同我講：「唔好意思等我一陣。」
然後佢走去好嬲咁對住隻貓：「喵喵喵喵喵！」
我當堂睇到呆咗…更令人難以置信嘅係，隻貓好似真係識聽咁，無再出過聲。
黎緊JobsDB嘅數碼招聘會Virtual Career Fair，會於25-27 May舉行，畀求職者可以同僱主直接對話溝通，畀雙方都有初步瞭解。如果覺得份工適合就可以申請，HR會再安排面試，避免大家對份工有錯鋘預期。
喺正式對話之前，會有最多五條預設問題，令公司對求職者有初步瞭解，所以希望大家要認真作答。
例如問你邊度出世，唔好懶幽默答「火星」。問你學歷就寫「BB班」或「東昇斑」…因為我Zucy姐係會直接睇到你嘅答案……
答完五條預設問題，就會輪到live chat 時間，俾你同僱主可以真情…呀係真誠對話！
其實類似嘅網上對談我Zucy姐之前都試過。我心諗，雙方對談只需要用live chat window , 以文字形式去會面，應該唔會發生啲咩事啦～但有一次嘅經驗非常特別，我點估都估唔到對方係咩人。
當我同求職者live chat 時，佢問嘅問題幾乎同工作完全無關。
「你公司有冇咖啡機？我唔想飲即沖咖啡粉，想要磨豆嗰種。」
「仲有我想請問，會唔會經常OT搞到冇時間返屋企食飯？連父母生日都唔畀請假？」
「其實我仲有一個問題，想知公司多唔多單身嘅女仔，最好年齡介乎18至25歲啦。」
大家又估吓，點解佢會問啲咁奇怪嘅問題呢？！
原來對方係一位慈母，佢想幫個仔搵工，知道文字live chat唔使見到大家個樣，就幫佢揀一份無咁辛苦，又唔使OT嘅工，而佢唔單止想幫個仔搵工，仲想幫佢搵埋女朋友……
分享完我Zucy姐嘅請人日常，其實細細聲講我都想搵份好工，等我都上呢個Virtual Career Fair睇吓有咩筍工先。
JobsDB Virtual Career Fair
日期： 5 月25- 27 日
詳情 : http://bit.ly/立即上嚟登記啦-1
子喵喵學歷 在 [實況] 子喵醬/子喵喵- 看板LoL - 批踢踢實業坊 的推薦與評價
實況主遊戲ID：子喵醬
伺服器Server： TW
實況頻道連結：https://www.twitch.tv/koneko_0305
實況內容簡介： （或實況主影片 HighLight 等，須超過20正體中文字）
短髮真的可愛，之前還以為是假髮
今天要上銀三
瘋狗娛樂的實況主
有養貓貓超可愛
主播很會跟聊天室互動
-----
Sent from JPTT on my iPhone
--
※ 發信站: 批踢踢實業坊(ptt.cc), 來自: 1.168.97.169 (臺灣)
※ 文章網址: https://www.ptt.cc/bbs/LoL/M.1648043282.A.0D3.html
... <看更多>