//港鐵車務總監劉天成指，香港的行李的與內地規定必須一致，但亦承認留意到部份抵港乘客的行李「比較大」。至於是否本港的行李規定普遍較嚴格，劉天成沒正面回應，只表示會與鐵總商討。//
呢個好笑，高鐵通車，香港「緊隨我國文明法律、風行雷厲依法治港」所以，就嚴格執行相關的行李法例，過大嘅行李全部唔准帶上火車，其中有個case要換做紅白藍袋，令人想到十幾年前「返鄉下」的畫面。
唱國歌啦，快啲唱啦嘛？唔唱唔維權正契弟呀！再唔係好似搭飛機咁，投訴個地勤「叫個話得事嘅人黎見我」睇下大陸啲公安會如何deal你班「刁民」？（拿，我無講粗口架！）
但點知，一個屈尾十，又俾人發現來港嘅大陸人又可以拎個老蓮咁大嘅行李箱。咁即係雙重標準，純粹係要玩你班香港人/ 新香港人啦？最好睇嘅係，呢班由大陸黎香港嘅人，將來再搭返高鐵走，咁佢地啲行李點走到？到時候一定又會上演一哭二鬧三上吊的戲碼，我光是想像，都覺得個站會嘈到人頭痛。
到底香港會在規則上同大陸接軌，無視行李尺寸限制，定係會繼續一國兩制，過大就用返紅白藍？
唔好俾我睇死，好快都係變做前者。回歸廿年，邊一樣野癡完大陸，會唔係俾大陸嗰套污染？
好啦，我唔講啦，呢排喉嚨痛岩岩好返，我飲返杯法國森林蜂蜜先！
#咁鍾意捉行李尺寸就捉左東鐵先啦
#另外呢我有反轉樽法國蜜糖檢查
#好彩唔係奇華代工
#你知啦呢期啲法式野都鍾意搵暴動牌做
#我唔想俾人話我分唔出暴動牌囉
#唔好問我點解喉嚨痛
#都是咸池桃花的錯
#我係受害者好不好
————————————
中秋節深喉硬插入式廣告：
1. 蠟係用黎滴嘅，唔好拎黎煲。
2. 螢光棒對環境影響很壞，唔應該玩。如果非要玩螢光棒不可，我建議各位男士自行在棒狀物體塗上發光物料，用「有機螢光棒」代替。請提醒同行伴侶，唔好太用力拗，雖然不會斷，但還是會痛。
祝大家中秋節快樂！
