關於 奇洛李維斯生平 ，我們在網路上蒐集到這些相關的討論、資訊與評價

《浪魂47》(2013年)，47義士為信條殉道的故事

由奇洛李維斯領銜主演的《浪魂47》，是1.7億美元的A級製作，結果全球票房連成本也收不到，成為當年最大的票房毒藥之一，害得環球電影虧了大本。故事改編自日本家傳戶曉的「忠臣藏」，不過加入了奇洛這個混血兒角色，與及魔法和怪物，再配合荷里活拍法，全部日本人講英文後，變得有點不東不西，兩頭唔到岸，製作雖然A級，但處理手法真係麻麻。可是，去年環球電影居然唔怕死，宣布開拍續集。

這電影的原著「忠臣藏」，是個日本幕府年代故事，兩個藩主淺野和吉良發生糾紛，淺野拔刀傷人，因事件發生在江戶城內，而且是迎接天皇使者的重要場合，幕府將軍綱吉震怒，命令淺野剖腹，取了其領地赤穗城，解散他的武士，貶為浪人。淺野家頭號重臣大石立誓為淺野主公報仇，礙於形勢，他們潛伏了一年零九個月，一夜闖入吉良府邸，將他殺死，並將人頭拿到淺野墳前致祭，最後除了一人不知所踪外，其餘四十六人，在幕府命令下切腹自盡。

這故事深受日本人愛戴，傳頌千古，全因充份體現了日本傳統武士道的「忠義」精神，為了這種信念，他們不惜犧牲一切。另外，報仇行動出現，全因幕府將軍處事不公，偏𥘵吉良，他們只有用行動去抗議，明顯地他們的復仇得到社會上的認同，輿論上的支持，「赤穗47義士」的事蹟，才可以一直流傳下來。用今天角度去看這47人，可能會冠上愚忠之名，不過，在他們的歷史時空，武士為藩主犠牲，是理所當然的事，逃避者反而受到唾棄。

「228」和「47」近幾天出現的數字，巧合地和一些知名歷史事件拉上了關係，是偶然，還是天意呢，天䁱得？活在當下，只求好人一生平安。作為金庸小說迷，在這時候應該努力練習「潛龍勿用」、「見龍在田」及「飛龍在天」三式「降龍十八掌」，即是韜光養晦，努力修練，等待時機，一飛沖天。

講兩句《JOHNWICK3》（輕劇透）
—
「自反而縮，雖千萬人，吾往矣。」
——《孟子‧公孫丑上》
—
　　都係打架喇，唔講動作，想講吓故仔。
—
　　JOHNWICK嘅世界，從來都係一個「執著」嘅世界，喺第一同第二集入面，觀眾都可以睇到奇洛李維斯嗰種不顧後果，莫名到令人費解嘅執著。你搞我隻狗，我就斬你隻手；你燒我間屋，我就搞到你無得再影全家福。而JOHNWICK3，係對「執著」呢個命題再作有意義嘅延伸。
—
　　你有執著，我有執著，其實大家都有執著。故事入面嘅人物，每個人都有佢執著嘅地方，而成故事，而成戲劇衝突。有啲人會有對規矩嘅執著，有啲人會有對利益嘅執著，有啲人會有對權力嘅執著，有啲人會有對地位嘅執著。
—
　　而究竟人可唔以無執著，對咩都無所謂呢？今次第三集，男主角就對呢個問題有咗一個動人嘅回應。一直以嚟，全球嘅觀眾都以為佢一啲都唔怕死，遇神殺神，當所有人無到，因為執著，犧牲一切都在所不計。
—
　　但原來，JOHNWICK係怕死，今集仲要怕死到走佬走到去天腳底。
—
　　當JOHNWICK著草走到去沙漠，太熱太攰太傷，然後休克暈咗，比一個德高望重嘅長老救起，然後長老問，"WHY DO YOU WISH TO LIVE?"JOHNWICK答，佢想生存，唔想死，因為只有繼續生存，先可以繼續掛住自己嘅老婆HELEN。所以完美解釋到佢可以犧牲一切報仇嘅同時，其實佢亦可以犧牲一切去保住自己條命，一切都係因為愛，配合埋男神喺現實嘅生平，何其動人，差啲標出眼淚。
—
　　所以與其話係「執著」，不過話佢哋係人生在世嘅憑依，亦即係好老土嘅嗰種「人生的意義」。人死如燈滅，無返啲執著，無留返啲腳印，同從來無喺世界上存在過有咩分別呢？為咗擇善固執於某啲嘢，「橫眉冷對千夫指」，但同時可以「俯首甘作孺子牛」，卑躬屈膝，但唔係委曲求全，你又搵到自己人生嘅意義未呢？