關於 大佬 媽 咪 又掉馬了 ，我們在網路上蒐集到這些相關的討論、資訊與評價

▪️五月滅罪之星▪️

丫早上上課，和男人吃早餐再接回她後分頭行事。

男人回家唸書，我答應帶丫到堅尼地城逛逛小時候住的地方。

逛了一個多小時準備找家cafe廢hea(好熱啊)。等燈過馬路時，有個阿伯站我旁邊說：呢位母親......

我以為，他又有什麼育兒心得要分享。要知道街上常有阿嬸贈你兩句，例如你個女個頭好亂喎、佢有濕疹可以_____ 、她耳仔好大隻(開始分析面相)..........

「我睇到你個乳房呀，你件衫咁低，你係母親喎」

.......阿先生，你咁係言語騷擾我，一係你道歉，一係我報警。

「咁我真係睇到嘛，你著到咁都係俾我睇姐 (下刪一堆噁心說話不詳述，他邊說還指住路過的外國女人說：嗰個我都睇到乳房呀，再指住個後生女說，短褲我又睇到對腳呀）」

然後低頭跟丫說，阿妹妹，我睇到你母親個乳房呀。

街上很吵丫聽不到他說什麼，反問：咩話？

即撥999。

我報警啦，你唔好走。

「你咪報囉，我真係睇到嘛」。終於綠燈。他還揮手byebye然後過馬路。

+++

一邊報案，一邊死跟。

丫不知發生什麼事，狂問我做什麼。我說前面叔叔壞人，媽媽已報警，要跟住他不讓他走掉，你要行快一點，必要時可能要跑！

帶著小朋友戰鬥力很弱。想當年可除下高跟鞋狂追三四條街，現在只能急步。

途中，他想上巴士避開我，我拉住他上不到。跑了陣，天氣熱，愈行愈慢。只轉頭不停叫我不要再跟住他。

警察到場，兩個軍裝 。

++

在街上站了幾乎半小時落案，簡述事件經過。

對方無案底。他堅稱只係講吓，還辯說「咁我真係睇到嘛」（精神病認證）。他還說並非第一次在街上這樣（調戲良家婦女）但平日都無事呀點會有人咁麻煩去報警。

從言談間看出他不完全正常、有點精神問題，但又並非明顯的智力問題。

這類事情可選擇堅持追究起訴，或和解。

他沒碰到我，我說如肯正式道歉就算數。

報警的目的是讓廢老知道

1）我著咩衫其實唔關你事，我並非祼體露點呀大佬
2）不要以為在街上隨便說什麼都不用負責任 。成日咁樣都無事？hello？
3) 嚇/煩他一次，希望以後減少其他受害人 （他有說趕住去新光戲院幫老婆拿東西，我阻住他好煩。好吧，你打電話叫老婆一齊過來吧，他立即害怕）

最後，正式向我和丫道歉。散場。

（要在簿上簽名確認對方道歉不追究)

+++

在處理事情的半小時，丫說了好幾次，點㗎？我好驚。

「唔使驚，做錯事又唔係你，最多浪費時間遲少少食飯囉，但呢啲人就係要俾佢知，喺街唔可以咁對啲女仔！要報警 （心想: 啱啱先交完税又話再報税，當然報警呀不報白不報）。你睇（指住警察），打999四分鐘就到，我都估唔到原來可以咁快（....咦）。如果第日有人亂摸你，怪叔叔搞你，唔使驚，唔好怕煩。」

++

後來坐下吃飯，她問我究竟叔叔說了什麼。聽後她極shock，竟然有這樣的人說這樣的話？！他怎可以這樣？（單純啊你）

我有再心理輔導。再問剛才她覺得怎樣，她說真的好驚，怕自己行得慢，她說有想過如我跑去狂追，她就入一間舖叫姨姨（？）看住她，她等我回來，她知道我電話。

我問最怕是什麼時候？她說，警察剛才好惡罵叔叔，真的好惡，不知道警察會這麼惡（嗯，你就單純啊），她也怕會開槍（？）。

我有再心理輔導她一次。也有再教育，如追壞人追到去到無人的地方，你如何？（「不要放棄，再跑快啲！」🤦🏻‍♀️）不是啦，要注意自己安全，因對方可能做更恐怖的事。

++

敢肯定，這些廢老還是會再犯。過一排，他的口又會痕。但為了下一代，見一次，就報一次警。

#真人真事 朋友阿媽係藍，有日返到屋企無緣無故咬牙切齒踢佢老公，先生一頭霧水，逃命到阿女家中。阿女 (即係我朋友) 致電阿媽了解，阿媽劈頭一句：「你唔係我個女！(雖然個個月準時收家用) 我得一個女！就係你家姐！點解你班衰人要連我唯一個女都變埋黃絲！嗚 ~ 嗚嗚 ~」但家姐明明藍到喺街見人著黑衫就衝埋去鬧「死曱甴」，點可能變黃呀? 朋友話：「佢唔係黃，只係講咗句『林鄭做得好差』，阿媽就激動到家暴老竇洩憤。我阿媽好鍾意林鄭，接受唔到任何人講林鄭壞話。」

我真心覺得考第一嘅林鄭好叻，只有佢本尊可以促成黃藍立場唯一一致嘅呢件盛事-----就係一致鬧爆佢。葉劉、向太、仲有直接問候林鄭老母嘅麥美娟，亦不妨問吓林鄭老公同兩個仔有個咁嘅老母係咪好歡欣。而今日，我聽到呢位大媽係咁死心塌地支持林鄭，我再一次深受啟發-----無論你做得幾錯，都依然會有人認為你啱。無論你做得幾啱，都依然會有人認為你錯。既然係咁，仲介意三姑六婆點睇？千山我獨行不必相送啦各位。

#王迪詩 #Patreon逢星期四晚獨家直播 會員可隨時重看昔日約20場直播
** 收看方法 ---> 加入 https://www.patreon.com/daisywong 成為會員，6月26日Patreon post說明了如何睇live。

** 8月13日直播內容 (會員可隨時重看) :
周庭被冠以 The Real Mulan 的稱號登上了BBC。睇住周庭、之鋒由十五六歲嘅𡃁仔𡃁妹一路成長，愈大愈堅強，雖然仍是愛玩Gundam嘅𡃁仔同BB咁樣嘅𡃁妹，卻比那些一把年紀的人更成熟勇敢。有人說不知香港人前世做錯什麼，今世會得來一個林鄭，但確實也不知香港人前世積了什麼福，今世會得到這麼優秀的年輕人。周庭被捕，我問自己23歲的時候，我在做什麼。明明可以像一般少女那樣拍拖扮靚追韓星去日本旅行，她卻偏偏選擇擔起了時代的使命。如果我有命活到73歲，我將會做什麼。看看黎智英先生， 一個富豪本來可以去外國安享晚年，他卻明知會被捕仍選擇留低。人生就是由一連串「選擇」而組成。選擇留下來的人，都是用自己的命來做抵押品，去換取更高的價值。今次直播就講吓人生的選擇、各種選擇引致的得失、代價與收穫、錯過與遺憾，還有我從周庭身上看見的青春與無悔。願每一位香港人都用自己的「選擇」去守護我們所真心相信的。

** 8月20日直播內容 (會員可隨時重看) :
木村拓哉24歲演《悠長假期》，靚仔到唔係人類，但我反而到現在才迷上成面皺紋的47歲木村大叔。有人話佢老得一塌糊塗，甚至有網民話佢有張相似「湯渣」(吹到厚厚的微曲短髮真心係中年男人大忌，秒變老坑 + 娘味升級) 我是到最近看《BG貼身保鑣》，真是服了！原來木村拓哉這麼出色！他和太太工藤靜香因為熱愛滑浪，未到四張已經容顏盡失，但日本很多明星都對年齡和衰老很坦然，不會像韓國、大陸和香港一些藝人整成膠面，那個角色就算卑微衰老也要像那個角色，不會像劉華那樣chok到六十歲。為什麼日本演員可以這樣？我認為跟日本文化有很多關係。看著木村的轉變，由盛世美男變成蒼老大叔，好像很唏噓，我卻由蒼老大叔才開始能夠欣賞他，我也曾經覺得世上所有美好的東西終究都會失去，包括青春、愛情、生命，每個人最終都會死，然而木村卻令我看見了如何不用唏噓地做人。 #Patreon獨家直播 同你講木村拓哉、他30年來哪部戲最好看、講我認為超級好睇的《BG貼身保鑣》、也講一些日本文化文學。

** 8月6日直播內容 (會員可隨時重溫)：
香港人不能不認識這個人，事實卻幾乎無人聽過他的名字──楊衢雲。1861年生，在香港讀St Paul，創立香港史上第一個革命組織輔仁文社，主張推翻滿清，後來孫中山由美國來港，把在檀香山成立的興中會與輔仁文社合併，楊孫二人都是英語流利、有國際視野，都是大佬，最後楊衢雲成了興中會第一位會長，指揮起義，事敗流亡，再回到香港繼續努力，卻於1901年在中環結志街52號2樓寓所被清政府派人暗殺，終年39歲。這麼一位重要人物，家人害怕被滋擾，跑馬地墓場的墓碑連名字也沒有，只刻有編號6348。後世人只知孫中山是「國父」，楊衢雲的名字卻連聽都沒聽過，因為蔣介石下令要抹掉楊衢雲，他為什麼要這樣做？我們從小在教科書讀到孫中山是偉人、國父、無私讓位予袁世凱……吓？真的嗎？還是我們都被騙了？今日中國之所以有共產黨就是因為孫中山。辛亥革命其實只是符碌？碰上明明有兵在手都驚到震的廢官，捐狗窿逃走棄城才令革命成功？Patreon獨家直播 ，王迪詩同你詳細講這段香港人必須知道的歷史。

** 第 1 集直播內容 (會員可隨時重看) :
有一個國家，在香港幾乎沒有人知道它的歷史，但我敢說凡有良知的香港人，聽到這國家的歷史都會深受震撼，我最近重看它的歷史，哭了一整盒紙巾。你一定要認識這個國家，我會在直播中為你介紹。

** 第 11 集直播內容 (會員可隨時重看)
【古典音樂與西方政局歷史】貝多芬、蕭邦都係手足？有人以為古典音樂好悶，同今日生活無關，那是誤解，其實作曲家的人生同西方動盪的歷史時代不可分割，同政治有好大關係。那個年代一樣大把人爭住舐當權者鞋底，有良知的音樂家一樣面對清算打壓，冇咗份工……同今日一模一樣。知道這些歷史之後再聽蕭邦，就會一下子明白，驚嘆：「啊！原來係咁！」同純粹「幾好聽」完全兩回事，今日的香港人再聽蕭邦，入心入肺。

** 7月30日直播內容（會員可隨時重溫)：
林鄭咁威，堂食點解推一日就要縮？折磨香港人真係冇後果？地盤工人真如藍絲所講「廿年都係踎街邊食飯盒」，所以唔忍心睇見地盤工人冇啖好食就係「虛偽」？無論「真膠」定「假膠」，膠都係污染地球。什麼是「辱華」？迪士尼《木蘭》想討好大陸人誰知被指「辱華」，兩面不是人，全軍覆沒。中國model臉上有雀斑，又係「辱華」？有能力侮辱你的人，只有你一個。

** 7月23日直播內容（會員可隨時重溫)：
蠢人，地球上無處不在 (外太空大概都有)。美國社交媒體瘋傳一則謠言，指口罩鼻樑上的鐵線是5G天線，政府用這條天線來監控人民，更可導致腦癌。你以為好白癡，但好多人信。歷史上有好多抓破了頭皮都無法理解的敵意，例如點解有人咁憎猶太人？不是一般地憎，而是要將他們殺光，要滅族那種程度的恨。追溯起因，其中一條導火線竟然係有個乜水抄咗本類似TVB師奶劇的廉價小說，用來炮製謠言、fake news瘋傳，結果影響了很多人，包括希特拉，造成災難性後果。相信fake news的不只無知大媽，還有不少高學歷、見過世面的人。點解呢？那部抄回來老屈猶太人的廉價小說又荒謬到什麼地步呢？這些歷史事件我今天看在眼裡，深有共鳴。直播同你詳細講。

** 7月16日直播內容（會員可隨時重溫)：
我逢星期四做Patreon獨家直播推介了多本 #香港人必讀 #好書 ，曾深入導讀的《動盪》(《Upheaval》作者：賈德．戴蒙) 讀者閱後大讚獲益良多，我認為這本書是十歲到九十歲香港人必讀，否則無法理解今天身處的世界。今次直播更有趣，調轉來，我會講解為何「不要」買《從帝國廢墟中崛起》(作者: Pankaj Mishra) 這本書，它代表著現今世界相當流行的一種思想，盲點、偏頗之處在哪？並會補充它的盲點而談談大家最喜歡聽的歷史，由推翻世界權力棋盤的「對馬海戰」、當年小國日本將大國俄兵打到全軍覆沒，講到火燒圓明園的真正起因，原來跟香港有很大關係。

** 第 3 集直播內容 (會員可隨時重看) :
- 為什麼這個我認識多年、有學識、對我不錯的人，甚至是結婚二十年的伴侶或曾共患難的知心友，竟然會是藍絲？！背後成因是什麼？
- 談歷史、踢爆「偉人」孫中山、談馬克思、尼采....

** 7月9日直播內容（會員可隨時重溫)：
疫情反彈，有人陷入恐慌不安，但真的無需慌亂，香港人有足夠能力應對自救，今晚 9pm一齊在live傾吓偈，舒解吓緊張情緒，我還會講一些香港歷史，從前這片土地上發生過什麼災難，香港人又是怎樣由黑暗走出來，有淚也有笑，有失望也有驚喜，路是人行出來的，別怕。

** 7月2日直播內容（會員可隨時重溫)：
喂喂，一片愁雲慘霧嘅？比賽都未完，大家就咁沮喪咁驚？需知道，而家唔只打緊一場實體戰，更關鍵嘅係一場心理戰，呢鋪係贏係輸，食粥食飯，關鍵係香港人嘅心理質素。

** 第 10 集直播內容 (會員可隨時重看)
深入導讀一本書和一部電影，一個由年輕時去闖世界、到決定做警察、到自殺的人，他生命裡有沉甸甸的兩個字──理想。對不公義和醜惡的現實看不過眼，想改變卻只落得孤單。家人政見不同，尖銳地對立，他在大時代裡轟轟烈烈地活了一場，一生緊扣著二戰後的歷史，對今天的香港人卻深有共鳴。我們應該怎樣去面對這個世界？

** 第8集直播內容 (會員可隨時重看) :
上海資本家的最後十年，舐完鞋底變condom。民國時期兩位風靡上海的金枝玉葉──從小學習中西藝術，操流利英語，衣著前衛，相貌絶美，活像公主。誰也無法料到，她們竟因為在歷史關口上做了一個不同的決定，結果一個下了地獄，另一個徘徊於人間與天堂。

** 第6集直播內容 (會員可隨時重看) :
Life Planning - 下半生，難道就這樣過嗎? [亂世版]。我早兩年曾就這個題目在灣仔做過現場演講，相信有些讀者當時也有來，今次live這個是「升級亂世版」，即使以前聽過現場演講，今次聽這個live也不會覺得重複，會由個人講到社會、世界。當然，每次都會推介好書。

** 第4集直播內容 (會員可隨時重看) :
- 健康飲食 ---- 我吃什麼令皮膚靚、頭髮有光澤、有益健康? 在哪裡買到?
- Netflix 及好書推介 ---- 介紹好劇好戲，包括非常好看的職場劇集和令人久久不能釋懷的愛情好書 、中英文好書、哪裡網購中英文書最平最多選擇。

雖然我成日講，傷殘真係好慘，唔開心想去自殺都唔得，但傷殘人士呢個身份，某程度令我哋比正常人佔優，亦係不能否認的事實。

我一直都話，正常人入到港大係好叻，不過我唔同㗎，我入到港大係特別叻的！點解？咁唔係因為我真係叻過其他港大學生，而係因為「我咁樣都入到港大」。你唔信唔緊要，但事實就係，隔離屋陳師奶個仔入港大真係乖仔又叻仔，至於我入港大呢，係會自動昇華去另一個層次，會俾人覺得係個勵志故事，是好應該上報紙接受訪問發放正能量的！

唔好同我講你唔會咁諗呀，我唔信㗎！咁諗唔係錯，係人性嚟，我亦唔係起晒鋼想批鬥啲正常人。我只係想指出，其實殘疾人真係唔好認為自己永遠都係弱勢，相反，喺好多時候呢，殘疾人，或者所謂「有需要的人」，是好着數的--雖然如果你俾我揀，我都係寧願做個付出多啲嘅正常人。

我見到網上有人話，殘疾人是自帶光環的，無論發生乜嘢事，只要一搬殘障出嚟，正常人都要立即收皮。例如係幾年前上晒報紙的殘疾大學生，有同學話覺得佢唔適合做groupmate，因為其實佢俾唔到有用嘅idea出嚟，諗嘢又慢。不過最後呢，佢哋都係一齊咗--如果你唔同個同學一組，個同學就會話你係歧視緊佢，教授就會認為係你錯。

我係同意㗎，現實情況的而且確可以係咁：你唔同我一組，因為覺得我哋根本唔夾，我仲要係freerider嚟。不過因為我本身係殘疾，所以我寫個email俾professor，然後你就變成歧視我的衰人了--嗱，你望吓我，係幾咁排除萬難刻苦耐勞先入到港大？我考DSE實係晚晚挑燈夜讀不停加時狂做pastpaper㗎啦，有乜可能會freeride先？殘疾人肯定是好人來的。

親，我都曾經以為天下的正常人都係仆街，十個有九個都歧視我哋、僱主一定係戴有色眼鏡睇人的。直到我親身去見工同返工，先發現少年我實在太年輕了。話說我最近又想搵工，因為sem 2時間表出咗，睇個勢都是返唔到兩日full day，窮L必須搵多份工才能夠維持生計。但問題來了，搵工的話我要就時間地點工作性質，唔止就我自己，仲要就埋阿媽。其實我都想利用吓so-called大學生的優勢去搵啲時薪過百嘅工作的，只係我確實無辦法控制到上堂秩序，啲細路唔衝埋嚟撞死我已偷笑，再加上我不可能企同行成粒鐘去教小朋友做功課，所以都唯有睇住細佬返一個鐘等於我做兩至三個鐘。見UNICEF呢份工嗰陣，我問得好清楚「係咪真係唔使搬嘢」，做落我先發覺，即使係做paper work都唔知點解可以剩落幾斤要回收要掉的廢紙。同事們都對我好好，擺個紙箱係我隔離，叫我掉啲廢紙入去，佢哋就再拎去回收；有時有一大堆文件要碎，佢哋都會幫我拎啲過去，話碎完先再叫佢哋--但我當然不會使到人哋咁盡，通常都係自己逐少逐少拎去碎，走多幾轉，賺吓啲親力親為覺得自己好叻叻豬嘅成功感都幾開心㗎。

就連腦細有時拎一大棟文件過嚟要我幫手check，喂大佬成棟嘢我真係搬唔返去俾你，咁無㗎，咪打個電話同腦細講「我做完喇」，等佢自己過嚟我位度搬返棟嘢走囉。腦細佢都好明白事理嘅，一齊出去食飯仲主動成程幫我攞袋，我淆底話自己拎得喇佢都堅持唔俾返個袋我--我問你喇，如果當初見工嗰陣，腦細預視到入職之後係要搬吓呢啲濕碎嘢而喺明知我做唔到又唔想加重自己及其他同事嘅工作量嘅前提下決定唔請我，算唔算係「歧視」我嘅殘疾呢？

再舉多個例子，暑假嗰陣我馬不停蹄去見工，因為驚無人請吖嘛，就乜嘢都去見。其中有一份係做接待，要招呼學生同家長嗰啲。我有事先講明自己係行動不便，但佢都叫我照去。去到見到仲有幾個正常人同我爭，其實自己都打定輸數㗎喇。雖然把口就緊係話我係行得樣衰啲姐其他嘢都應付到，但當人哋問我電話響同細路急尿要帶去廁所你會做咗邊樣先，我諗都唔諗就答聽電話。我堆砌咗個理由嚟解釋點解係打電話先，無如實講我帶唔到小朋友去廁所。最後人哋當然無請我，而呢件事令我反思嘅係：殘疾人搵工真係好L難，但咁係基於自身能力嘅限制，而唔係我道聽途說嘅「人哋走嚟歧視我」。

即係咁，我相信佢唔請我，除咗係因為我見工嗰陣表現唔好之外，我身體嘅問題都的確係原因之一。咁算唔算係歧視呢？對我嚟講唔係。好老實講，咁份工就係要行行企企招呼人，你見到我行成咁，再加上當時有其他能力比我強嘅正常人喺度，你請佢唔請我，完全係好合理的。當然我可以話，我行得慢啲姐，扶住周圍一樣帶到小朋友去廁所，你唔應該因為我隻腳咁就唔請我云云。唔好忘記殘疾人係出嚟見工，我好好彩遇到好上司好同事，凡親要拎嘢已主動會幫手，但呢樣嘢唔係必然㗎，無人有義務體恤你嘅傷殘。尤其喺商業社會，而加人哋係請緊人，唔係開善堂，當然係以賺錢、以請到最幫到手的員工為先--雖然如果世上多幾個願意提供額外協助的僱主，我哋會易生存好多。

好似我上面咁講，我都好想去apply一啲教人做功課之類嘅工，特別係教SEN嗰啲，真係可以去到$200一個鐘的。我曾經以為智力正常係萬能，講學歷的話，我唔會係最差嗰堆。但現實就係，教人唔止要用腦，仲要用手腳，你要handle到班失控的細路，淨係得個腦係無用㗎。所以我一直無真係去apply，因為我覺得要請的話，人哋都請咗正常人先啦。人大咗，我慢慢發覺世上真係無咁多歧視，正如我識咗班正常嘅朋友，人哋一齊去旅行去玩但無預根本照顧唔到自己嘅我，咁難道又係歧視？無錯，朋友係可以照顧埋我，落手落腳幫我沖涼換衫，都係無問題的。但幫係人情，唔幫係道理，呢啲嘢從來都不是老奉㗎。又有幾多人諗過，點解你哋會覺得健全嘅人一定要幫殘疾人？點解因為你係殘障我就奉旨要同你一組、同你做朋友，否則就係無知冷血涼薄刻毒？點解傷殘就一定要求人哋幫自己？點解殘障好似大L晒，喺地鐵度撥開一個隻腳會踢到人嘅自閉小朋友都係錯--我阿媽或者同我出街的朋友都會咁撥開同埋擋住有機會整到我嘅人，但不是打，會講唔好意思的--點解只有弱者有資格保護自己，健全人反擊就係歧視兼法西斯？點解要設立關愛座去令殘疾人士優先，卻間接限制咗正常人使用嘅權利？唔通啱啱落街嘅我真係會攰過一個企咗十個鐘嘅sales？點解一搬傷殘出嚟就會得到支持，即使野蠻都變得合理？我唔明，我真係唔明。

社會一定會存在歧視，無可否認傷殘確實係弱勢，但對我嚟講，歧視係明明你知道我有能力勝任呢份工作，甚至比正常人做得更好，卻因為見到我嘅殘障而決定唔請我；歧視係明知我可以同你哋一齊去商場食飯，卻因為驚同我一齊行出街會俾人笑而唔預埋我。有錢人係可以做善事，但凡事都有個譜，你無可能叫佢哋捐晒成副身家出嚟，幫啲有需要嘅人；唔係只有窮人啲錢先充滿血汗，有錢人嘅金錢，都係一手一腳賺返嚟㗎。

我無特別清高，殘疾人有嘅福利，例如傷殘金同$2搭車優惠，我都一樣照拎緊用緊。就連去迪士尼，我都會拎傷殘證去換張卡，玩所有機動遊戲都唔使排隊。我想講嘅係，殘疾真係慘㗎，但都唔好恃住自己慘而橫行，唔好因為自己喺某啲事情上比唔上健全人，就認為全世界都要遷就你，更甚係用殘疾嚟開脫自己所犯嘅錯，一般人係未必要因為一個人嘅特殊需要而去忍讓佢的--社會係好好，見我哋慘，已經俾咗我哋一啲額外嘅好處：正常人會好慷慨咁對我哋投以讚賞，話我哋係學習榜樣，如果唔係都唔會有咁多勵志故事啦！SEN喺大學入面，攞獎學金都容易啲㗎！我唔係叫你歌頌殘疾，殘疾係仆街㗎喇，不過都要知道，去迪士尼之所以唔使排隊，係因為健全人體諒我哋、想我哋唔會因為無辦法等得太耐，而失去玩嘅權利，但正因為咁，我每個機動遊戲，都只會玩一次。要記住正常人都係人，同樣要留返啲資源同空間俾佢哋去使用。講到底，要消除歧視，達至真正的「傷健共融」，最好嘅唔係高呼要別人包容，而係盡量做好自己，不要過份強調自己嘅障礙，嘗試去融入呢個社會，喺有能力嘅時候，都主動分擔吓正常人嘅工作。

當你尊重健全人應有嘅權利，我發現其實佢哋好自然會接納你成為其中一份子，更加唔會介意分多啲資源俾你，佢哋真係會欣賞你嘅努力同明白背後嘅得來不易。