關於 土 瓜 灣 地舖 成交 ，我們在網路上蒐集到這些相關的討論、資訊與評價

街市最近生意好好。

【80後「賣菜天后」簡利珍 4700萬購北角地舖https://bit.ly/2WfTJUE】

【街市大王建華集團3680萬買土瓜灣菜檔 租客「升呢」做業主: https://bit.ly/2LqGFJF】

錄影日期: 2019年7月8日(星期一)6pm
【足本PRO版】《博收購系列 (4 of 4) - 收購舖/樓重建，條數點計?》 Scenario 3: 四個號碼收購重建 (馬頭圍道101號，99號，97號，95號)
個案地址: 土瓜灣馬頭圍道101號，大家姐海天堂龜苓膏舖，建築800呎，叫價3500萬，收實2650萬，租28000

買舖買樓博收購如何計算價值? 相信這系列是全港有史以來最詳盡關於博收購的影片。

全文內容:

買舖 要買得 PRO，上兩集同你講咗單一number 或者兩個 number 地盤發展，由於 EUV (Existing Use Value 現用值) 都係高過 RDV (Redevelopment Value 重建值)，因此該地盤單一或者兩個合併都係無重建價值。咁再買多兩個又點呢?

馬頭圍道101，99，97，95號，4個number 地盤面積合共3584呎。我哋又計過，重建最好就係起幢24層高嘅大廈，合共68米高，總樓面29,673呎。一梯4伙，個單位實用面積saleable area 217呎，sorry, 啱啱好係納米樓。下面4間舖，每間實用面積551呎。

計法同以上 Senario 1 and 2 一樣，唔再計多次啦，你自己睇。

總之，計完一大輪嘢，Redevelopment Value 重建價值就係$317,600,000，亦都係個 Land Value。 每呎樓面地價 AV (Accomodation Value) 就係$10,703。

之前講過，101及99號兩個number 加起來的EUV (現用價值)就係1億2268萬，97及95號兩幢同101及99號兩幢，其實都係差不多一模一樣，就當價值一樣，咁四個number 嘅EUV 就係2.45億。RDV (重建價值) 3.18億，高過EUV (現用價值)2.45億，高出30%，因為重建有錢賺，代表有機會引來發展商一次過收購呢四幢大廈啦。

咁呢間馬頭圍道101號大家姐舖又值幾錢呢?

之前講過，一係就發展商逐間逐間同你傾，可以係天價，可以係市價，可以係賤價。 但通常收購，佢都係「收收埋埋」收咗樓上住宅單位先，因為資金成本較低及可以較低調處理， 收到七七八八，先m同下面間舖傾。 如果收足八成啦，佢就搵把刀仔勒住你條頸，一係你就賣，唔係就向土地審裁處申請強制拍賣。 好似呢度咁，每層嘅業權份數係七分之一， 幾百萬嘅樓同幾千萬嘅舖都係一樣， 我做發展商都梗係收樓先啦。只要每幢收咗樓上6個單位，就可以強拍樓下間舖。 因此，你要作最壞打算。萬一強拍，你可以袋到幾錢呢?

你想詳細了解強拍， 可以睇我2018年5月錄過嘅呢條片， 我相信係全香港有史以來最詳盡嘅收購三部曲。我同我公司分析過好多強拍嘅cases 判詞， 逐個逐個睇，好悶。 法官嘅判詞，估值方式同以上計算方式都係差唔多。

以2018年灣仔皇后大道東153號強拍case 為例， 嗰時係一幢六層高嘅大廈， 地盤面積865呎，合和已經收咗業權份數87.5%， 唯一喺三樓最後一伙業主過咗身，發展商買唔到。合和就係2017年向土地審裁處申請強拍，業主代表依然無任何feedback。

根據發展商搵咗 Savills 做嘅估值報告，嗰幢大廈嘅 EUV (Existing Use Value) ，根據 Direct Comparison Method 直接比較法就係樓上每層值約500萬多啲，地舖值4,251萬，全幢合共$68,860,000。法官都接受咗呢個 EUV 估值。

而 RDV (Redevelopment Value) 方面，用咗 我上面解釋過嘅 Residual Method (剩餘估值法)之後，即係從GDV (Gross Development Value) 總發展價值，減除 development cost 發展成本 (包括建築成本，專業費用(例如建築師/測量師/工程師/律師/會計師/設計師等)，利息成本及發展商利潤等)。

雖然係人都知道合和會拼埋佢自己側邊合和二期嘅地盤一齊發展， 但佢聲稱只可以用單一number去估值幢樓嘅RDV價值， 因為呢幢樓還呢幢樓，側邊地盤還側邊地盤。咁先至可以質低個價收購到更平， 吹佢唔脹，法官又接受咗合和嘅講法， 大石砸死蟹。

合和代表話單一number 地盤去睇， 最好就起一幢五層高嘅商住混合樓。 總樓面面積就係349.6平方米，地積比率4.35倍。地舖就每平方米賣$905,000，閣樓$226,000，住宅就賣$228,000。一平方米等如10.76平方呎，減去發展成本每平方米$30,309，就得到RDV 地價8120萬，即樓面地價 8120萬除總建築面積349.6平方米，等如每平方米 $232,265。

法官接受咗合和一方以的EUV, RDV, 及GDV 估值，因此，係2017年12月6日判咗可以強制拍賣，Reserve Price 底價 8120萬。 當然如果小業主反對的話， 可自行聘請測量師估值， 提出有關理據向法庭反駁。

十單強拍，九單半都係底價成交， 因為你諗下， 如果我入嚟搶， 合和之前收開嘅成本已經係低好多， 我就依家起碼要畀8120萬以上先買到， 先畀合和賺一筆之餘， 我仲未必有能力合併到側邊個地盤發展，因此，除非有心玩嘢，道理上唔會有人入嚟爭。

土地審裁處判出嚟嘅拍賣底價，其實真係可以話係小業主賣樓賣舖嘅最後一關。 呢關守唔到，就一定畀人吃硬。呢單都係咁，2018年1月25日強拍，合和成功以8120萬底價強拍統一業權。 超平!

扣除拍賣開支同埋轉讓契律師費開支後，嗰8120萬就係按 EUV (現用值)的比例分配比業主。即係話，樓上未賣嘅三樓單位業主就分到大約608萬。因此，如果有個傻佬諗住搏收購，用一千萬買入三樓單位落釘的話， 合和咁樣申請強拍，釘子戶就分分鐘倒蝕近400萬啦。

皇后大道東153號樓下間舖，如果係其他人嘅，強拍後就分到約 5000萬。因此，如果你識計數，當年如果你想買入間舖博合和二期收購的話，就唔應該比多過5000萬啦。

去返去馬頭圍道101大家姐間舖，單一number 或者兩個number 發展都係唔值錢，無發展商會來收購。起碼有4個 number 才會引到發展商來收購。之前講過，4個number 的話，馬頭圍道101，99，97，95號，地盤面積合共3,584呎。RDV (重建價值) 就係 3.18億，高過EUV (現用價值)2.45億，高出30%。

因此，如果發展商收超過八成業權，就可以申請強拍。 土地審裁處判出嚟嘅底價， 按照佢過往判詞，應該會係3.18億。 如果又係底價成交的話，以EUV 現用價值比例派錢，地舖業主每間應該可以分到約3230萬。

以上係假設發展商忠忠直直，用四個number同一時間向土地審裁處申請強拍喎，如果大吉利是，好似皇后大道東153號咁，前後腳，分開申請強拍，咁個拍賣底價你所分到的錢就可能遠遠低過3230萬啦。

可能你覺得咁再合併埋側邊啲地盤呢? 會唔會RDV(重建價值)更高? 答案係會。但同樣地，EUV (現用價值)都非常高。因為你睇睇，左右兩邊都係一幢12層高的大廈， 地積比率已經用盡， 發展商要收購重建呢兩幢大廈根本無水位。 因此最大機會，都只係四個number一齊發展。

最後，大家姐呢間舖如果真係以2650萬買入，連厘印費及手續費成本要成2915萬，博收購，我就覺得太博啦。即使博到4個number 一齊重建，可能都只係收到3230萬，賺11%，仲要唔知等幾耐。 期間現有租金回報只係得1.3%，太低啦。三四厘都可以等下。因此我去到盡都只係俾最多2400萬，但整整下呢個video, 我覺得畀多咗添啦，因為真係幾博下，唔知要等幾耐。

我相信呢個係香港有史以來最詳盡分析商舖/樓收購個案價值嘅video。 我哋盛滙商舖基金四分一嘅資金就專買博收購的舖，揸長線。其餘一半係睇地區發展，揸中長線， 淨返四分一就係專買平舖，筍價，短線轉手俾啲想買舖，但唔想煩嘅買家。

想了解更多我哋盛滙嘅商舖基金，投資額300萬港幣起，歡迎隨時whatsapp我或者致電 2830 1111 查詢。希望呢條video 嘅 Senario 1, 2,3, 對你日後買舖買樓博收購出乜嘢價亦都有所啟發。

盛滙投資商舖基金熱線: 2830 1111 或 whatsapp +852 90361143

盛滙商舖基金 Bridgeway 網頁 www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享https://www.youtube.com/channel/UCEN66AnLghXESgCDIsz-3Nw

購買李根興的「買舖 要買得 PRO」書，請付款$198，透過以下渠道:
(1) PayMe at 9745 3555
或
(2) 永隆銀行戶口
020-644-0000-3123
(Bridgeway Development Company Limited)

付款後，請留你的地址給我們，我們會馬上郵寄給你。或你可到我們盛滙辦公室領取。 中環皇后大道中16-18號新世界大廈一期1502至3室。電話 2830 1111。我會親筆簽名給你。多謝!

#香港史上最詳盡的博收購舖樓影片，#博收購如何計數，#買舖博收購，#強拍如何分錢

【PRO版】錄影日期2019年6月24日(星期一)下午1時
《博收購系列 (1 of 4) - 收購舖/樓重建，條數點計?》- 收購計算基本知識。

個案地址: 土瓜灣馬頭圍道101號，大家姐海天堂龜苓膏舖，實用538呎，租$28000，61年樓齡，叫價3500萬

大家做生意都可能希望日後都想買多幾間舖，其實如果遇到發展商收購，如何計算價值? 有什麼地方要留意及最大陷阱? 現在用真實個案和你分享。

.............
全文內容:

買舖 要買得 PRO，就要自己識計數， 尤其是係博重建嘅舖或者樓。買舖博收購就好似去婚姻介所識女仔咁，個個女仔個agent 都話好生養，等收購，但係唔係真係個個都咁生得， 抑或好似舖咁， 等到幾十歲都冇人吼， 搞到日久失修， 一嚟就好似迫婚咁強拍收場呢?

香港超過50年樓齡嘅樓有超過6000幢，唔拆的話，平均每年再多600幢。我後面係其中一個。呢間土瓜灣馬頭圍道101號嘅海天堂大家姐涼茶舖， 樓齡61年，個個agent 都吹水話可以博收購。前排放盤3500萬，減下減下，依家話收實2650萬，連釐印及手續費，成本要2915萬。我都唸過去馬，博一博，出價到2400萬， 但最後我哋都懸崖勒馬，唔加多250萬，點解?

簡單答案就係 Senario 1 單一number 重建唔值錢、Senario 2 兩個number 都唔值錢、Senario 3 四個 number 重建博到都只係袋3230萬。

我都係個測量師，今次我就一連四集，同你解釋下 (1) 舖同樓收購基本知識，同第2、3、4收購個案 senario 1, 2, 3條數點計。

希望那明白，我無心得罪任何人，百貨百客， 但我真係好想攞個真實例子同大家講下點分析收購盤。

我哋嚟緊8月份會推出我哋籌備咗大半年嘅「旗艦」嘅《盛滙商舖增值基金》， 專買有潛質嘅街舖增值，包括埋我哋呢幾個月為呢個基金買入咗嘅7間街舖。This is it, 無其他基金啦。投資金額三百萬港幣起，投資800萬及2500萬以上有 discount， 第一輪集資8000萬港幣，額滿即止，先到先得，有興趣可以聯絡我或同事們。 當中四分一嘅資金，我哋會投資喺有重建潛力嘅舖，博收購。

我後呢間馬頭圍道101號大家姐嘅舖，舖內實用面積538呎，連入則天井151呎，租金28000。單一呢間舖，地盤面積為895呎，係一幢七層高的商住樓，1958年落成，間舖就佔不可分割業權份數嘅7分之1，地區就規劃為住宅(甲類)嘅地盤， 高度限制100米， 地積比率住宅為7.5倍， 加埋商業元素就最多可以起到9倍，記住同其他大部份樓一樣，只可以最底三層做商業用途。

呢個地盤， 單獨咁睇就係單面向街，即係 Class A Site。街(Street)嘅定義，就係起碼要有4.5米闊。 唔夠嘅話，就只係一條巷仔 (Service Lane)，但都起碼要有三米闊。如果係Class A Site, 做住宅嘅覆蓋率(Site coverage ratio) 就多67%，越高，覆蓋率就慢慢減至33%。 地積比率 (Plot ratio) 就按建築物高度，由最低嘅3.3倍，起得越高，就升至最高嘅8倍。

如果係非住宅 (non domestic)，覆蓋率(Site coverage ratio) 頭15米去到100%，越高，覆蓋率就慢慢減至60%。 地積比率 (Plot ratio) 就ABC site 都無分別，按建築物高度，由最低嘅5倍，起得越高，就升至最高嘅15倍。

一般嚟講，如果乜都得，就盡量起非住宅，即係 office/酒店咁，因為同一地盤，免補地價，樓面可以起多一半。但因為呢個 site 係規劃咗為 Residential A 住宅(甲類)， 只可以頭三層係商業，其他都一般係住宅。

要同呢間舖從收購角度做估值，就先要明白收購都係三個原因。

市建局來收購， 佢就按間舖市值嘅110%(如果出租)或者135%(如果自用)來俾錢業主收購。 何是市值， 唔係睇同區七年樓齡喎， 因為樓越舊越唔值錢，但係舖越舊反而越值錢。 而佢係搵兩個測量師做估值，以價高者為準。 當然業主通常都會搵個「醒目」測量師，估值更加高，同佢拗啦。

好似我榮光街呢道，全部畀市建局收緊。(2) 第二個原因，就係私人發展商來收購。收幾錢? 真係唔識答你! 有時可以「市價」，有時可以「天價」，仲唔想賣? 分分鐘變成「賤價」，有時佢可以玩死你。 半夜打嚟唔出聲， 走廊電線被切斷， 樓梯通道被淋糞便，甚至發生小火災等。 呢啲我諗大家報紙都見過， 我唔知堅定流， 總之傳媒就見唔少啦。

(3) 最後一個原因，就係強拍。 買得舖博收購，硬係要作最壞打算。 萬一發展商收收收收曬上面啲樓， 收足八成，申請間舖去強拍，咁你可以袋到幾錢呢? 強拍條數又點計呢?

咁你就先要知道乜嘢叫做 EUV (Existing Use Value 現用價值) , GDV (Gross Development Value 總發展價值) 同埋 RDV (Redevelopment Value 重建價值) 。

以我後面呢個馬頭圍道101號舖為例 (1) Existing Use Value 現用價值就係按呢個建築物現有用途作估值，即係個地舖，連閣樓，加12345樓嘅大廈。以呢個物業在空置交吉的情況下作根據，同埋並無顧及呢道嘅重新發展潛力。 依家啲單位喺市場道成交緊幾錢，就係幾錢，用comparison method 市場比較法。 大廈有乜嘢重建潛力都唔關EUV事。

市場嘅話，地舖就賣緊每呎$45,000，即係值$24,840,000，樓上就賣緊每呎$10,000，6個單位加起來就值3650萬，全幢大廈就值$61,340,000 嘅 Existing Use Value.

(2) Gross Development Value 總發展價值 就係睇個物業重建後，總售價係幾多。 例如重建後係合共提供5000呎樓面，每呎賣$20,000，咁總發展價值就係1億元

(3) Redevelopment Value 重建價值就係以上嘅 Gross Development Value 減去拆樓，發展成本及發展商預期利潤(一般為樓價嘅15%), 剩餘嘅就係塊地值幾錢。 你要記住喎，發展商嚟收購你間舖，佢目的唔係要你間舖，係要塊地。 要先拆咗間舖，先有塊地。佢願意畀你嘅錢，就係塊地嘅錢。

要計RDV的話, 再睇睇後面呢間舖。有三種方法發展個地舖(Senario 1) 單一number 重建, (Senario 2) 連埋則邊相連舖重建，兩個 number, (Senario 3) 連埋再過的兩間舖，4個number一齊發展，但條數點計呢? 先去片:

租鋪睇今日，買鋪睇前景，重建就係前景之一。 般若波羅蜜都要知去邊道。咁Senario 1 單一number 重建地盤條數點計? 第二集同你講。

Summary:

《博收購系列 (1 of 4) - 收購舖/樓重建，條數點計?》- 收購計算基本知識

個案地址: 土瓜灣馬頭圍道101號，大家姐海天堂龜苓膏舖，叫價3500萬

三大原因收購:
(1) 市區重建局
110%(出租)或135%(自用)
兩位測量師估值，以較高者為準

(2) 私人發展商
市價、天價、賤價

(3) 強制拍賣
EUV (Existing Use Value 現用價值)
GDV (Gross Development Value 總發展價值)
RDV (Redevelopment Value 重建價值)

盛滙投資商舖基金/買舖/租舖/放舖熱線: 2830 1111 或 whatsapp +852 90361143

盛滙商舖基金 Bridgeway 網頁 www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享https://www.youtube.com/channel/UCEN66AnLghXESgCDIsz-3Nw

購買李根興的「買舖 要買得 PRO」書，請付款$198，透過以下渠道:
(1) PayMe at 9745 3555
或
(2) 永隆銀行戶口
020-644-0000-3123
(Bridgeway Development Company Limited)

付款後，請留你的地址給我們，我們會馬上郵寄給你。或你可到我們盛滙辦公室領取。 中環皇后大道中16-18號新世界大廈一期1502至3室。電話 2830 1111。我會親筆簽名給你。多謝!

#香港有史以來最詳盡的收購計算影片，#收購舖和樓如何計數，#舖樓收購基本知識

今日新聞: 第2462成交(註冊)， 成交1350萬。 梁朝偉蝕讓土瓜灣新柳街2a號地舖 ，2013年買入舖1500萬。梁朝偉的2A鋪(利富行工具舖)是大單邊(新柳街及高山道)，舖闊15呎 x 27呎，建築約500呎。 大單邊。 簽約日期2021年4月9日。

《經濟日報》【名人賣舖】梁朝偉沽土瓜灣舖位　7年蝕逾150萬

 股樓投資19:57 2021/04/28

影帝梁朝偉於2013年底以1,500萬元購入土瓜灣新柳街地下舖位，近日該舖位以1,350萬元沽出，帳面蝕150萬元。
據土地註冊處資料，梁朝偉所持有的舖位為土瓜灣新柳街2A號地下舖位，舖位面積約500平方呎，現以1,350萬易手，帳面已蝕150萬元，連稅項及其他支出計，實蝕金額或逾200萬元。

至於新買家則為去年申請強拍的新朗發展（實業）有限公司，翻查紀錄，上述舖位所位處的新柳街2A號一幢樓齡約62年的舊樓物業，去年5月份獲申請強制拍賣，當時該舖位估值僅839萬元，梁朝偉亦有提出反對通知書阻止強拍。時至今日，在本港經濟未整體復甦的情況下，梁最終仍是以蝕讓價將舖位轉手予上述公司。
據了解，梁朝偉與妻子劉嘉玲早於九十年代起投資住宅及舖位，且獲利甚繁。夫婦二人於土瓜灣、西半山等地區作長綫投資，對市場運作及物業發展前景頗有經驗，惟最近不敵經濟環境衰落而無奈蝕讓一舖位。

。。。。。。

《30/11/2020 錄影內容》

今日新聞 - 第2073成交(堅 - 收購) 成交1600萬，收購唔畀分了。 馬頭圍高山道26號，車行，建築800呎，地舖成交1600萬。闊24呎，深30呎。

。。。。。。。。。。

馬頭圍梁朝偉間舖最新 update as of 9:28pm Monday:

發展商直接搵我，同我講 (100%堅):
(1) 發展商沒有同梁朝偉成交過1500萬，流料，無成交! 市傳是流料。
(2) 佢哋本身都唔太搵到梁朝偉， 839萬只是測量師估的價錢。 他們沒有開這口價給梁朝偉。 至於他們出幾多價，就唔方便講啦。
(3) 發展商仲諗緊方法同梁朝偉溝通，negotiation in progress. 影帝太忙拍戲 ?

我幫他們澄清 - 無成交過! 李根興 Edwin

。。。。。。。。。。。。。。

梁朝偉的2A鋪(利富行工具舖)是大單邊(新柳街及高山道)，舖闊15呎 x 27呎，建築約500呎。 大單邊，道理上是較值錢， 較單面向街的舖一般值多8成至1.5倍，按人流決定。

如果高山道26號舖成交了1600萬，2B舖(補習社)成交1250萬，這間舖感覺應值約1500至1600萬，即接近梁朝偉當年的買入價。(2013年底他以1500萬買入)。839萬又真係低得滯，I'm sorry 發展商?

【信報】梁朝偉高山道鄰舖賣1600萬，今年5月被財團向土地審裁處申請強拍的紅磡高山道26號、新柳街2A至2B號舊樓再有新進展，高山道26號地下剛以1600萬元沽出，較估值高出46%，現時項目只餘下影帝梁朝偉持有的一個地舖尚未被收購。

高山道26號地下，建築面積約800方呎，由新朗發展（實業）有限公司以1600萬元購入，呎價2萬元。據強拍文件顯示，測量師今年3月對該地下的估值為1096萬元，收購價較估值高出504萬元或46%。

「鷄記」麻雀館家族賺409倍

資料顯示，上址原由香港首間麻雀館「鷄記」創立人林坤的家族成員林瑞琼以個人名義於1961年以3.9萬元購入，近年由林氏家族另一成員林子英成為遺產執行人。以最新成交價計算，相較59年前的購入價大幅高出1596.1萬元或409倍。

新朗發展（實業）有限公司原持有高山道26號、新柳街2A至2B號約83.33%業權，故在今年5月申請強拍以統一業權。原本餘下3個地舖未能成功收購，今年8月以高估值25.3%的1250萬元購入新柳街2B號地下，現加碼購入高山道26號地下，故尚餘新柳街2A號地下未能收購。

新柳街2A號地下由梁朝偉於2013年底透過公司斥1500萬元買入，惟物業估值僅為839萬元，較購入價低661萬元或44.1%，因此一直拒絕出售，並在7月透過律師向土地審裁處提出反對強拍。

。。。。。。


業主有舖放售，記住聯絡我。馬上出價買入你間舖? whatsapp 我 9036 1143 或致電 2830 1111 李根興

www.bwfund.com
www.edwinlee.com.hk

想收到最即時的商舖「八八卦卦」資訊，可 whatsapp 我 90361143， 好多事唔方便公開講。

購買李根興的【李根興的生意哲學】(最新2020年6月出版 - 定價$198)，或【買舖 要買得 PRO】(定價$198)，連親筆簽名，可 whatsapp Suki (+852) 5566 1335。

【超貴街市舖?】第2084成交(堅) 感覺4分。Just sold，省234萬稅!

深水埗大南街327號 (桂林街大單邊)，建築面積500呎(闊15呎 ，深26呎)，成交5500萬，回報2.1%。租98000。 順華豬肉檔。

原業主1988年2月以180萬買入。原業主叫價7000萬。

老實說，我覺得好貴! 貴市值一成。 我覺得好大機會是買舖自用。

買家我唔知係邊個， 是經美聯做。但買家分分鐘是順華新鮮豬肉(租客)買來自用，即背後是建華集團「 豬肉大王」老闆文卓培或有關人士。

建華今年最近也同時用3680萬買入了九龍城道41號舖，租客變為自用，及以8280萬買入土瓜灣下鄉道35號(47號)舖。兩間都是大單邊舖! 好似這間咁。

See my previous video below:

https://youtu.be/weyAqEwK-x0

https://youtu.be/M8F6tEUCVwk

如果買家真的是買舖自用，長遠唔會輸。

但作為普通投資者，就唔好亂咁跟人。 佳寶賺、建華賺、祥興賺，唔代表你會賺。 佢自己可以做租客，打條租落去馬上賺， 進可攻退可守，但一般投資者唔得!

從一般外人投資角度，街市舖，今時今日真係好旺好旺好旺。 人流「呃到人」?，但這間唔平! 5500萬，可以買雙倍咁大間的彌敦道/軒尼詩道二級旺段了。 這間舖唔知幾時可以賣過億 (可能要等伊波拉病毒、03沙士、禽流感、豬流感加肺炎Covid 21 同一時間襲港??)， 但彌敦道/軒尼詩道嗰間，只要等中央放行，遊客返嚟， 落返條鐘錶珠寶/藥房的租約，馬上可賣過億。

這個街市位， 可能要等日後 LV 喺道開才可以。Will see.

但記住買舖自用，一般冇人後悔。投資則除外， 但一般投資者唔好亂跟風! ? 李根興 Edwin

(最新消息: as of 14/12/2020, 估中咗! ??? 新業主是建華集團， 專買街市大單邊位! 只有佢才會俾這口價! 大家唔好盲目追 ? See below...)

據土地註冊處資料，深水埗大南街327號地舖，建築面積約500平方呎，月初以5550萬元成交，呎價約11萬元。

新買家為米路有限公司（GREAT DANE PETER LIMITED），公司的註冊董事為文景華(MAN KING WAH JOSH)，其父文卓培是建華集團董事長，因集團屬香港最大豬肉零售商，所以有「豬肉大王」的稱號。

。。。。。

我剛開始成立個 Whatsapp Private Message List (Not group) 。如你想知道多些最貼市的商舖資訊及我個人分析，可以whatsapp我 (+852) 90361143，我可加你入 《李根興「堅堅流流」商舖資訊》 private message list。??

好多嘢唔方便公開講。

李根興 Edwin

《強拍是按EUV比例》剛曝光: 第2081成交(堅 - 註冊)， Soho士丹頓街49號地舖Quench 酒吧收購 3157.6萬， 樓齡52年，建築面積800呎。闊14呎，約深40呎。如非強拍，市值應都是約3000萬。

原業主 Lau Lee Cheung 於2003年11月用425萬買入， 持貨17年6.4倍。

士丹頓街49號 basement 地庫，2017年8月22日，曾經成交2680萬。

士丹頓街49號M floor，2017年5月31日，曾成交1125.4萬

成交比較:
- 2020年4月8日，士丹頓街57號舖成交4000萬，
- 2018年1月，士丹頓街51號舖成交4880萬。

〈強拍間舖可以分到幾多？〉

如果你揸住間舖，你要搞清楚，佢唔係將你間鋪拿出嚟拍賣，而係成棟大廈100%業權拿出來拍賣，再將錢分攤俾各小業主。 點分？收到嘅錢就會按土地審裁處裁定嘅比例分攤畀各業主。 而土地審裁處只係會按現有物業交吉嘅價值去作評估(Existing Use Value) ，唔會用未來重建後嘅價值 (Redevelopment Value)。 佢亦都唔會考慮你僭建嘅範圍同埋超出地契許可用途嘅價值計算。 所以即使你間鋪僭建出嚟嘅範圍好大放咗好多張枱， 或者你好醒，搵個朋友租你間舖打到個租值好高， 佢都只係當你間舖交吉咁計算嘅姐。 當然如果你唔贊成佢嘅估價， 嫌分畀你嘅錢唔夠，你可以搵個專業測量師做個估價，提供證據作出反對。

舖收購知識:
https://www.youtube.com/playlist?list=PLZwHll-Yhn927YbpdO7vT703dAogpFTDI

這間舖成交比我想像中平，市值都是約3000萬。 但通常收購價，是較市價高50%。

可能因為發展商已經申請強拍， 一面凶個業主，另一面同佢慢慢傾。 如果同一大廈的49號地庫都曾經成交2680萬，地舖道理上起碼值多 x 2價值。

售價一般來說， 樓上舖是地舖價值的三分之一，地庫是地舖的五分之一。 但這間49號舖的地庫後面巷仔有獨立入口，因此價值較值錢。

地舖賣咁平，怪就怪佢可能是最後一伙強拍前售出，原業主可能心驚強拍後袋錢仲少，同仲有排等。

最近坊間有三單的收購，是原業主是蝕本收場，頭兩單堅 sold，第三單未成交。

(1) 土瓜灣啟明街，市建局收1131.3萬 (1215.4萬買入)
(2) 大角咀埃華街恆生ATM，市建局以1341.7萬收購 (1700萬買入)
(3) 梁朝偉的高山道大單邊舖，私人發展商測量報告估價839萬 (1500萬買入)。

可能士丹頓街49號舖的原業主因為以上三單的新聞嚇窒咗?

李根興 Edwin

。。。。。。。。。

我剛開始成立個 Whatsapp Private Message List (Not group) 。如你想知道多些最貼市的商舖資訊及我個人分析，可以whatsapp我 (+852) 90361143，我可加你入 《李根興「堅堅流流」商舖資訊》 private message list。??

好多嘢唔方便公開講。

李根興 Edwin