【嚟玩吓粵式漢檢好冇？】其實日語漢字讀音真的很過癮，尤其是用日語讀廣東話！
以下是網友 Kumono Shota 的舊作，未玩過的來玩玩吧！
－－－－－－－
【★★★ 粵式漢檢 ★★★】
識玩條件：起碼要識晒日文五十音＋識粵語＋識日文更佳
玩法好簡單，同日本漢檢（日本漢字能力檢定）一樣，
不過係粵語版。睇完例子你就會明。
用日文標嘅詞語基本上都係中文詞語嚟，日文係冇嘅。
例１） 啱啱瞓醒就要即刻仆去【さつが】，想唞多陣都唔得。
→答：刷牙（さつが）
例２） 截極都截唔到架【しょうは】，搞到今日又遲到。
→答：小巴（しょうは）
例３） 你睇佢跌到【いっぽくいちろく】，都係叫白車啦。
→答：一仆一碌（いっぽくいちろく）
例４） 個【①さいろ】冇大冇細，見到老師都【②すんすんこう】。
→答：①細路（さいろ）； ②吋吋貢／寸寸貢（すんすんこう）＊
＊雖然「串串貢」都係通俗寫法，但呢度答「串串貢」係錯嘅，因為「串」日文音讀係「せん」。
例５） 你咁【①ろうれい】，【②へんこ】仲敢同你玩呀？
→答：①狼戾／狼唳（ろうれい）； ②邊個／辺個（へんこ）＊
＊由於係中文嘅字句嚟，但又同時係日文問法，所以你用日本漢字答定用繁體字（正體字）答都冇問題。但中國簡化字唔接受。
