0922 - 0923 宇宙船 扭蛋劇場 月球上的人
N: 喂喂喂，小姐，唔好入去住……你填咗申報表先……
O: 下？真係要呀？
N: 安心出行都可以。
O: 地點係咪填……
N: 係呀，鬼屋，你填鬼屋吖。
O: 安心入鬼屋呀？
N: 你唔填我地一陣唔嚇你㗎。
O: 你係鬼呀？
N: 我係呀。
O: 你似侍應多啲喎，著晒西裝。
N: 我係吸血鬼。
O: 你都冇尖牙。
N: 我收好貴……
N: 唔好咁多嗲啦，我地就收工㗎喇……快啲入去啦~
O: 你地幾點收呀？
N: 九點半囉。全世界都係㗎啦~
O: 你地鬼嚟㗎喎……
N: 咁……異世界都係㗎啦~九點半囉。
O: 唔係十點咩？
N: 你地一陣行出嚟都半個鐘啦~入去啦~
O: 等陣先~等陣先~有冇地圖呀？
N: 你手機咪有囉~
O: 唔係喎~你地個地圖喎~
N: 你咪一眼睇晒囉~
O: 咁我都要知邊間屋打邊間屋㗎？
N: 我地今年冇屋喎……
O: 冇屋？咁啲鬼呢？
N: hea晒喺街囉……
O: 咁我同去中環有咩分別呀？
N: 嘩客人乜你咁講嘢㗎……我地遠咁多……成個氣氛喺返晒度啦~
O: 好悶囉……
N: 悶悶地咪好囉……
O: 以前明明好刺激㗎……
N: 你下下攞以前比，點比呀……以前要刺激，你入元朗咪刺激囉~去北角咪激囉~去太子咪刺激囉~你係咪搞錯咗啲咩呀？哩度唔係水馬公園喎……
重溫請到：
唔係喎 在 強調語氣；半信半疑〔gaa3〕佢好叻㗎！ 佢唔信你㗎！ ... 的推薦與評價
好似唔係喎！ 〔m4〕 呣！諗下先！ 〔m6〕 呣！我知啦！ 咩：表示懷疑或者輕微不屑；多數用喺問句〔me1〕係咩？ 嗱：表示特指嘅語氣；提問或者引起注意；用喺句子前， ... ... <看更多>