關於 同時攻略四個大佬 ，我們在網路上蒐集到這些相關的討論、資訊與評價

#蘋果 //近日唯一曾鼻子一酸的，是網上收到這句話：「議員身份終會到期，契媽身份卻永存。」//
————-
//這一年的11月11日，是香港近代史一個分水嶺。這一日，北京人大頒下命令，以殺無赦的姿態圖一錘消滅香港的民主聲音。事件核心，不淨是有關四個被即時DQ的立法會議員，也不單止涉及立法會內其餘15名宣佈總辭的民主派，而是北京變相說明，任何聖上認為不愛國的人，都不容於香港的權力架構之內。Shoot to kill！

//有關總辭，網上有如此評論：「抵死！」「早知今日何必當初。委任得你，就DQ得你」。這類近乎幸災樂禍的話，大概是指民主派當初根本不應留任議會，現在已失總辭的「最好」時機。當真？先回看一下：之前，林鄭及北京以疫情為理由及藉口，取消立法會選舉，於是立法會延續一年。絕對同意的是，接受延任，技術上就是接受北京委任。

問題是，選擇離開的人，是自願的，之謂自由意志，有甚麼政治迫害沒有？牌面就是看不上來。而留任只為一份薪水？出奇吖，除非講明係義工，有哪份生計事必要白做？你又怎麼知道我沒有四出向公民社會冷暖人間捐錢？這一筆不說了，只覺得俗。

當然，「留」派也不必自行封號甚麼忍辱負重，純粹權衡輕重，見眼前街頭抗爭不成，總希望盡量維持議會戰線、國際戰線。

那日，當權者採取閃電攻略，由北京下令、林鄭執行至立法會認可，過程三兩個鐘頭，沒有司法程序，不須立法投票。於是，我在立法會的最後發言，是就政府迫害老師及教育界的一條口頭質詢回應：楊潤雄你基本上是承認「誅九族」的手法。西方有句名句：「愛國是無賴的最後避難所。」而將「愛國」變成教師專業條件，楊氏不也就是一個無賴。

或說，這款嘴裏嚷嚷，就好算是議會抗爭？大佬，好過冇吖。起碼篤眼篤鼻，於議會留下正式記錄。純粹說話表達無意義？也就不必捍衞言論自由了！

在會議廳，當然也有人身安全考慮，你衝，霎時先趕你出議事廳，之後又隨時清晨上門又拉又鎖，告你呢樣嗰樣。惟有兄弟爬山各自努力。但我們起碼對新聞負責，對歷史負責。再再下一代的香港人會知道，於此一章有如此歷史大事，我們並沒有噤聲。

#戰役可輸 #戰爭不能放棄

在去與留問題鬧得熱烘烘的日子，有多少國際傳媒關注？對不起，幾乎沒有。與外國記者對談間的一個焦點，不就是一個議會不可能完全沒有反對聲音、人民的聲音。

這一回的衝擊，卻是鋪天蓋地。差不多所有認識的國際傳媒，一日之間都已來訪。一國兩制已死之說，原也已流傳許久，但這次是北京把最後一口釘釘進一國兩制的棺材；同時，北京也許亦自覺為香港的民主運動敲起喪鐘：香港人聽着，大勢已去，乖乖歸隊，乖乖聽話。

然後又來批評，民主派這一次為甚麼不留下？喂，行走江湖要講義氣，而剩返得15人，距離三分一否決權的數字相距太遠，坐喺度好似鴨仔畀佢地逐個DQ，自行打擊軍心？儍的嗎。

然後呢？香港人仍然請勿氣餒。可以輸一場戰役，但不能放棄一整場戰爭。

做了兩屆立法會，第一屆迹近痛不欲生：講本土好似大逆不道，且給同道批評為歧視；有議題給辣㷫到行去主席台抗議，即給保安五條大漢飛撲攔截，坐在前面的同黨卻只低下頭裝看不見。當然還有一大場雨傘運動。

對上一屆，議會內的民主派很早就開始邁向齊上齊落，跟抗爭的年輕人不割席。（近日唯一曾鼻子一酸的，是網上收到這句話：「議員身份終會到期，契媽身份卻永存。」）

是這麼走過來的。當然會有人認為蛻變過程太慢，但總朝着好的方向走。人類歷史充滿愉快的意外，包括柏林圍牆倒下、「等埋發叔」。I believe in humanity，人性向善居多。人性必勝。//
https://hk.appledaily.com/local/20201113/KAYQ6IV7ANG35G34TVFODEJOBA/

《咎由自取的失分 抹煞前線的努力 車路士對修咸頓賽後分析》
.
由三分變一分，相信除左令一眾睇住直播既球迷氣憤之外，對場上經已付出足九十分鐘既球員黎講亦難掩一份失落，個別球員「自殺式」犯錯可以話埋下失分既伏線，亦同時抹煞左前線球員喺比分上既努力，其實哩啲學費都已經交左接近一季去到依加都仲交緊，身為主教練既林伯特需要負上不能推卸的責任。
.
繼續源用4231陣式，正選陣容上有佩利錫正式復出，令添姆雲拿可以回歸正箭頭位置，身後支援既亦繼續係夏弗斯，而蒙特就依然兼任左翼鋒角色，雙中場分別用左佐真奴配搭簡迪，至於四人防線就用上蘇馬同基斯甸臣為中堅組合，賽前傳出有小傷既捷維爾亦趕及復出同艾斯派古達擔任左右兩間，而門將就由基柏接替於國家隊訓練時受傷既文迪，堤亞高斯華就因倦勤而並無在賽事名單之中。
.
以結果論黎睇著眼點過份側重於個別球員既失誤而引致既失波，但其實今場波理應平均分為入球與失球兩部份黎睇，雖然最終都唔能夠全取三分，不過喺進攻層面上其實有唔少值得觀賞既看點可以分析，先講組織攻勢，過往車路士由後場開始組織主要都以短傳同地面戰為主，不過自捷維爾接任左閘正選後，好多時後場既波都會經由右閘到中堅再到佢腳下，而捷維爾既視野同能力可以省略左中場轉換直接將皮球傳上前線發動攻勢，比起中堅同樣以長傳方式唔同既地方係，哩位英格蘭左閘除左可以選擇向前傳上邊線之外，亦可以以拋物線方式彎入中路，變相令進攻套路更加多元化。
.
由於添姆雲拿偏好走向左路發展，多番見到佢成功接應到捷維爾既長傳，德國人回歸正前鋒後可以得到更大既活動活間，可以令佢專心於前線捕捉機會，而今場波兩個入球亦見得到添姆雲拿既個人質素，早前亦多次強調球迷們無需過份擔心佢會有步向莫拉達後塵既機會，因為兩者係截然不同風格類型既前鋒；至於喺佢身後既夏弗斯亦漸入佳境，繼續以前場多面手既角色串聯攻勢以及為隊友製造機會，更同雲拿一樣正式取得英超入球，而佐真奴亦終於「擦出」助攻。
.
略略講完組織同入波喺進攻層面上既野之後，就係時候到令人氣憤既失球部份，而喺哩部份之中亦可分為兩個範疇，除左場上球員既失誤之外，另一個位就係林伯特既安排同臨場部署上同樣都存在失誤，先講前者，睇返三個失波，除左最尾禾確特彈射命中隊友改變角度入網果球略有幸運成份之外，前兩球都係由於球員個人失誤所造成，先由夏弗斯於中後場區域推失波所致，當時睇到哩個畫面之後第一時間令人聯想起巴克利過往既犯錯，同樣地係喺接近哩個位置推失波，其實唔係唔比你向後推，但係喺哩個位推真係好危險，基本上一推失就等同伏左後面既隊友，哩方面夏弗斯就真係要交下學費。
.
至於第二球失波，亦係大眾球迷著眼同車迷們氣憤既一球失波，蘇馬回傳力度不足派出「醫院波」，同時基柏喺禁區內撲救存在猶豫，撲救失敗後雖然有基斯甸臣試圖解圍，但最終都被對手以半空門方式射入，如果單計責任的話，蘇馬同基柏兩者難辭其咎，前者犯錯後無嘗試起跑跟返轉對手彌補自己既失誤，返而覺得龍門應份地幫佢補鑊，至於基柏既心理狀態其實都已經打唔起，多次自我犯錯或被防線「放伏」到就連自信心都無埋，而其實喺哩球失誤之前兩者都經已出現過誤會畫面，當時蘇馬呼喝基柏出黎將皮球沒收，其實果下對手都唔算壓迫得蘇馬太西利，理應自己由能力轉身再組織過，而基柏本人都覺得無必要出龍，蘇馬幾時變左後防大佬連出龍都可以由佢叫？場外人都睇到兩者明顯存在心病，對一條防線黎講絕無半點得益。
.
最後就講到林伯特，要講既野亦唔會比球員少，先講防守佈置，佢都執教過左一季時間，球隊依然喺防守死球時存在明顯漏洞，今場波對手兩下死球時都能輕鬆地喺禁區頂位置施射，而哩個區域係並無任何藍衫球員進行防守，變相只要解圍不遠，對手就可以有空間輕鬆起腳，防守唔洗教都唔識教係兩件事黎，而林伯特好明顯係後者；令一個問題就係臨場調動，其實球隊喺下半場已經開始失去壓倒性優勢，尤其係喺六十分鐘打後形勢已經交到修咸頓為主導，但感覺上林伯特好似無乜目標咁，換完薛耶治入黎就等完場咁，去到下一個換人已經係要數到八十六分鐘既占士，果時其實未被對手扳平已經係好彩。
.
你要縮既，其實理應六七十分鐘要開始換人縮，如果你要谷多粒既，就早啲換艾巴咸入黎跑下，唔係去到九十分鐘先換佢入黎踩下草咁，你臨完場前先換佢入黎請問有咩用？感覺上林伯特喺球隊仲係些微領先3:2果時係完全無方向，完全無任何為球隊再鞏固形勢既目標；最後一樣想講既就係喺戰術安排上，喺國際賽前對水晶宮時都有睇到同講過，果場波球隊既中前場除左做迫搶之外，亦好肯落腳去制止對手製造攻勢，講緊既係對手連半場都未過到時已經被打斷，果時明顯見到球隊係有刻意咁做，但今場波完全見唔返哩樣野，中前場肯落腳既就只有簡迪一個，其餘人就淨係企位迫之後就再無其他跟進動作，都講過咁做既話變相令對手好輕易咁透過短傳就破解到你哩招，無系統性既迫搶只係掛羊皮賣狗肉，亦無助為後場減壓。
.
學費唔係唔想交，而係交到有冇意義，都經過左一季多既時間，陣容上亦都有補充同提升，但內容上依然都好似維持原狀咁，失既波都依然繼續都係咁，根本上只係等邊位球員犯錯，而林伯特就好似永遠立於不敗之地咁既樣，如果係咁的話前線入幾多球，後面都真係同你失番咁多球。
.
《岩睇既比個Like支持我地啊！》
作者 : BluexLion車迷手記
-------------------------------
同場加映《令車迷們「瘋狂」的一個暑假 淺談藍軍大灑金錢的一個轉會窗 – 後場篇》
https://bit.ly/2T6r2YE
.
#Chelsea #車路士 #修咸頓 #英超
https://s.fanpiece.com/nnT7mUh

［情人節趙完唱系列］拿，有圖有真相，絶冇走數。高流灣戰記。天花亂墜

1. 交代返。真係情人節同囡囡去打邊爐架。到步時大約十點半，目測都有四五枱客，還好（邊爐舖呢期真係無妄之災）。

2. 其實高流灣在山林道舊舖時（＊），好多時都冇位，亦都因為咁，我近幾年係少去咗（少去咗係講緊幾個月去一次，高峰期係一個星期一次）。咁你話，可以訂位嘛。梗係可以，但我呢啲好多時都臨時先知幾點到，有時又會忽然唔去（主要係就睇戲），就無謂阻住人張枱。

3. 係喎，本人，一度，就係所謂嘅，嘻嘻，「熟客」。記住，熟客就係香港特有，地球上最西嘅生物（＊＊）。咩係熟客？原來有啲人覺得一個月去一次就熟客。咁你見到我好似兩個月食咗四十次「金色不如歸」，去到坐低姐姐已經知我食乜嘅地步，就唔知叫乜。正如2002至2003年間，我日日在灣仔嘅「大胃王」（而家好似係Feathers and Bones，波士頓隔隔），差不多同一個時間到（因為坐村巴），每次坐同一個位，叫同一個餐，飲同一樣嘢。阿姐都係問句「係咪照舊」。

4. 個重點唔係你去幾耐，而係「熟客」，不能自稱，只能人地當你係。一自稱就好low．而我等古老石山，都係係好慣人地同我講「你叫我陳先生得啦」甚至「我係陳生」。正如我亦唔係好接受到你留言叫人地做「小編」。

5. 講返，在高流灣，全盛時我係個個星期至少去一次。咁當然係有貴賓卡，有折。後來我有次冇帶張卡，同返佢講（哈，好low），呀老細直頭話「你唔使呢啲」。咁未算，有一期，佢地係免我汽水醬料錢嘅—記住，係人地主動waive你，你開口就太cheap了。所以後來佢地冇再畀呢啲優惠我，我亦唔會出聲亦唔會去少咗。人地畀你就係人情，唔畀你係道理，唔好當自己巴撚閉（更何況，雖則我去得多，但小叫海鮮，又唔開酒，其實單價唔係最高）（都唔記得講，其實高流灣都唔少高端大陸人去）

6. 以上都係舊事。後來嘅事，講過了，因為幾樣嘢少咗去。首先佢太好生意，好難訂，同埋好嘈，而我唔知點解香港人打邊爐咁撚嘈。第二，因為我成日最後一刻先決定到，咁就唔好訂枱阻住地球轉。第三，以前山林道嗰個位，星期五晚呢，係好撚難截的士嘅。咁但我有期係鍾意打半夜邊爐，十二點先去打嗰種，甚至在嗰度睇波（自己ipad啦），打完實冇車。第四，有年半囡囡不在香港，而我仲未癲到會一條友去高灣打邊爐（雖然係試過的）

7. 聽聞打邊爐會播毒，我冒住成為疫苗撚嘅風險，都要講句，係咪架？到底元兇係打邊爐，定圍埋一齊？你坐到咁近，我估你食乜都會中招。但而家去打邊爐，唔好話六個階磚，真係十六個階磚內都冇人。

8. 昨晚目測，十分開心，吾道不孤，都話四五枱客，而全部都係情侶。坐房嘅未睇（我未神經到去逐間房踢門睇，英雄本色咩）。證明係真係好多人情人節打邊爐嘅。

9. 而其實我對上一次去高流灣，已經係舊年（咁都係幾個月前啫）。所以當諗去邊食情人節大餐時（其實都係嗰幾檔邊爐），就決定咗去高流灣。亦都講真，知道生意唔好。方榮記係我近一兩年新寵，星期一先去過，生意少咗但還好，況且自己舖，其實真係改嚟打乒乓波都仲得。但高流灣啦喎，真係要去關心下。

10. 雖然呢，都講過，我呢啲，海鮮又唔叫，酒又唔開，單價分分鐘唔及平均（其實應該有嘅）。亦都唔好天真到以為自己幫到啲乜。但一來自我感覺良好，唔好有乜事發現自己留憾。二來，都真係精神支持。今日再見到老細，直頭大家拍拍膊頭，真係又一股暖流傳遍全身。

11. 生意，就梗係唔好架啦。但又現實講句，高流灣玩咗咁多年，照計之前都賺唔少，做生意梗有順流逆流，應該冇事嘅。當然大家如果可以，就去支持下。我就冇佣分的，但都話識咗老闆多年。

12. 另外仲有樣嘢想講，其實嗰度啲員工，好多都認得我，亦都真係做咗好耐。你諗下，飲食業喎，其實唔容易。所以相信老細對員工係唔錯嘅。

13. 順手講返，你見到了，男子漢大丈夫，言出必行，答應過女人嘅嘢要做得到！真係見情人節，醒條魚畀囡囡呀！好似坐監過節加個橙咁！五舊水架大佬！

14. 講開橙，隻公仔，戴銀鏡嗰個就叫阿橙。原因係佢個label寫住orange．另外，亦係特登肺炎帶佢出嚟。點解？因為佢嚟自立陶宛—你有冇見立陶宛有人中招？（同樣道理，之前我去方榮記，就帶咗隻羅馬尼亞嘅公仔，同埋一隻烏克蘭嘅公仔）

15. 呀，講埋條魚。食完，仲可以去椒鹽炸骨。唔知啲米芝蓮廚抄到未？只係呢樣嘢，國民（？）都唔好妄自菲薄。啲鬼佬邊識食！

16. 當然唔係廣告post．我幫襯呀飛哥時，都真係未有 Facebook呀！無數人可以作證。女我都換咗幾條，但幫襯邊爐就都係嗰幾間（好似有啲唔妥）。

17. I mean，講真的，打邊爐對我嚟講好神聖，同我打過邊爐嘅女仔，真係十隻手指數得晒，一定少過同我上過床嘅女仔。上床呢啲普通嘢可以求其，打邊爐咁神聖嘅就要真係有愛先可以架嘛。

18. 即係你諗下，遇著個叫碟腸仔嘅女，係幾咁冇癮呢。

19. 不過都係lover conquers all．未識囡囡之前，我其實話過打邊爐叫午餐肉嘅人係落地獄的，但同咗佢一齊後，我唔止冇阻住佢，仲會有時食埋一份。邊爐雖然緊要，但愛更高呀！

20. 唔好意思啲思路同時序有啲跳，話晒都寫咗好多篇文，又半夜兩點半。其實我都係因為打完邊爐唔好即刻訓，先寫呢篇文。

21. Btw，唔使話我知打邊爐唔文明之類。一日仲有日本人，一日打邊爐都係文明。正如食鯨食肉都一樣（食過一次，認真怕怕）（其實挪威都食過）。

22. 見飲大兩杯（可樂），你又肯睇到呢度，爆多單嘢。其實當年有段時間呢，我係一腳踏兩船嘅（請掟石）。咁你知，呢啲大時大節，就最考功夫（＊＊＊）。而囡囡（當年仲未坐正）居然早早幫我解決呢個問題，主動話「不如12號或者13號食」，真係呢（放心，佢係冇第二個的）。不過我老母知道呢個故事後，就覺得囡囡呢啲好有機心，云云。

23. 我諗，我應該收聲

（＊）山林道舊舖仲有做，而寶勒巷新舖只係開咗幾個月，唔知係逆市擴張定咁啱遇著社運啦。而家整多單肺炎，堅係大檸樂。

（＊＊）關於熟客，寫過兩篇文。　
我們痛恨的是特權　還是特權不在自己手中？（http://bit.ly/2vxgrNS）．
17蚊食Ruby Tuesday的「不公義」（http://bit.ly/2tZgGkn）

（＊＊＊）請睇舊文，【情人節攻略】三個人的晚餐：三角戀情人節如何自處？（http://bit.ly/33kTU2K）

有時會俾A0網友激死
一條女都未拖到就擔心一腳踏兩船既問題
而產生罪疚感....

影補大佬, 你好呀, 第一次接觸你既片係好男人病毒, 到依家已經都一年啦
多謝你呀, 我終於知道自己以前approach女仔既問題係邊到,
就係自己本身係一個不折不扣既beta男
今次冩貓俾你, 係想請教你小小有關溝女既問題
(呢到小小心意, 不成敬意 )

咁就先介紹下自己先,
小弟今年2x歲, 正式既拍拖次數係0
瞹昧既情感關係叫有過2,3段,
都係D一星期到一個月既霧水情緣
最後都係俾人burn既多
一直以黎, 我都認為愛情係生命中最重要既事
直到大學三年級果陣, 接觸到積極心理學(哈佛教授講果個)
先覺悟到, 其實愛自己先係最重要


咁我想講既呢個女仔, 就係我大學畢業之後出黎做野果陣識既
我地係係公司training果陣識既, 佢既笑容好吸引到我
因為唔係同一間舖頭做野, 所以一完左training
就借D易抄左佢牌
之後就同佢text game啦,
但呢個text game既過程就真係令我好辛苦
就好似玩緊填問卷遊戲咁, 我問一句佢答一句
我成日都係度諗要同佢講咩好
最後真係頂唔順, 就無再搵佢

之後, 過左四,五個月, 佢又搵返我
話想約我出黎食飯, 想還返隻USB手指俾我
(無搵佢之前最後一次見面, 我將D XXXXX入左落個USB手指到送俾佢)
之後再出黎見面傾計都有講有笑, 同wtsapp既佢完全唔同
令我覺得都可以做下朋友, 間中出黎食下飯咁
之後果三年, 都有keep住同佢半年到出黎食一次飯咁
每次出黎食飯, 我地都傾好多野, 當中當然不乏大家既愛情觀
所以佢都算好了解我...

我地一直維持住咁既朋友關係, 一直去到今年既1月呀
果次食完飯之後, 佢wtsapp問我要唔要同佢拍下散拖
佢既原句係咁 ” 既然你未有拖拍，不如陪我玩住先啦 ”
我當然就係答應佢啦, 但我已經唔係當年既我
唔會俾佢既ioi沖昏左頭腦, 都係抱住一試無妨既心態去

係一月中果陣, 大家出黎date左一次
咁我就有拖佢, 咁佢都尷尷尬尬咁無乜力咁俾我拖啦
之後就傾下跟住落黎, 大家應該點
佢同我講其實佢有D內疚(眼濕濕咁),
因為佢撩起左我股癮, 佢驚我會投放好多既感情
但佢未必回應到

咁係2月頭果陣, 我就sd左更表俾佢 (下稱C小姐)
因為佢係返office hour, 我就shift duty既
大概去到10號, 佢都仲未同我約日子
我就覺得自己俾人輕視咁, 佢的確係撩起左我股癮, 想拍拖既癮
之前既我真係毫無動力去溝女, 尤其係想左你既台之後
覺得溝女會係一件攰到仆街既,
自己仲係由零開始去克服 (同陌生既女仔搭訕會勁緊張)
跟我就去date另一個女仔, 佢係我一個青梅竹馬既朋友

原本我以為過左成10日C小姐都無約我, 應該都係無嫁啦
但就係我約左青梅第二次date果陣, 佢就搵我, 而且個日子係青梅既前一日
果陣諗既係即管再去睇下點啦, 同時又有D罪疚感, 覺得自己同時搵兩個女仔
有D一腳踏兩船既感覺, 但最後都知道係自己罪惡感過敏
說服自己話兩邊都未係女朋友

第2次同C小姐date
今次佢既狀態就好左好多
咁我今次就無一黎就拖佢
基本成個date, 除左食飯就係搭住佢膞頭咁行
唔知係咪太舒服, 無乜想拖佢既意欲XD
去到後期, 唔知講到乜, 佢話都要鼓勵下我, 就拖住我搭佢膞頭既手XD
之後去送佢去搭地鐵
咁我就想錫佢, 佢縮左縮話太多人, 輕輕抱左下我
我即時諗起你講過, 咀要搵人少D既地方, 咁我就微笑點點頭就走左

完左之後, 我同佢有以下既對話



可能你會有疑問
一切都好似向住好既方向發展
點解我仲會sd email俾你呢

其實都係同之前同樣既問題
我大概24號sd左我既更表俾佢
佢就到依家仲未覆我, 我個心就定唔到落黎,
成日都想去搵第D女仔
但我又唔想係我搵第2個女仔, 佢又搵我
好矛盾, 我應該點做先好?

by xx




影補溝女計劃:

多謝網友一直支持
也收到很多網友既email
始終溝(真命天女)是一門大學問
如果你一直有溝女上既疑問
想多個人探討
歡迎參加

月費: email 問吧!!
在whatapps 上可以任問有關溝女既問題
one on one
每日都會發放簡易溝女攻略

有興趣 email 我吧
nyksuperman@yahoo.com.hk

blog:
https://learningpickup2018.blogspot.com/

facebook:
https://www.facebook.com/%E5%BD%B1%E5%83%8F%E8%A3%9C%E5%AE%8C%E8%A8%88%E5%8A%83-244250179271606/

IG:
https://www.instagram.com/learn_relationship/

paypal 捐贈
PayPal.Me/nyksuperman