《尖沙咀食日式燒烤。本佐日本燒肉料理 》
又係打邊爐和燒肉無間斷嘅季節，今次我同朋友嚟到嘅係尖沙咀一間日式燒肉店。
佢響尖沙咀酒吧林立嘅赫德道，都算易搵，我見佢話新開，入到去格局同之前嗰間燒肉店差唔多都係充滿日本風，應該係啱啱頂手無耐。
同其他嘅日式烤肉店一樣用電子點餐，食幾多件幾多，基本上種類大同小異，都係肉類刺身海鮮壽司炸物小食蔬菜等等。
佢的肉類種類唔算話好多，肉質正常不過不失。其中以牛肉粒我個人比較喜歡。
另外佢啲壽司和刺生還不錯，可以encore, 有round好彩佢仲有三文魚腩添，好肥美！另外火炙壽司都係要必點嘅。不過我見到佢壽司吧枱得一個師傅，見佢有點踢腳，所以出嘢食都比較慢。
佢嘅海鮮同埋小食反而有驚喜喎，佢啲海鮮基本上都係用錫紙包一兜兜咁裝好，連錫紙兜一齊放落去燒原汁原味！小食方面我最鍾意佢嘅炸多春魚和脆薯格，食到停唔到口。
最後佢仲每位送一個movenpick 雪糕！一定要食，超級市場賣緊30幾蚊一個，感覺抵啲😂
整體來講食物都叫不過不失，可能新開張漏單情況都有，出食物亦都有啲慢，希望之後再嚟食佢會有進步啦。
______________________________________
店名：本佐日本燒肉料理
環境🏝：7/10
服務💁🏼♀️：6.5/10
價錢💰：7/10
食物質素🍝：7/10
整體🙆🏻♂️: 6.5/10
地址: 尖沙咀赫德道4號TheHART 3樓
#吃貨玩樂在尖沙咀
#吃貨玩樂
吃貨玩樂在尖沙咀 在 #吃貨玩樂 - Explore | Facebook 的推薦與評價
為食小樂Foodielok is eating 晚餐 at 黑門水產すいさん. ... 其實他位於尖沙咀K11對面馬路，即係一蘭隔離，都算幾好搵，加上佢嘅門面好大好靚燈火通明，一眼就睇到。… ... <看更多>