關於 原來佢對上一次紅館 ，我們在網路上蒐集到這些相關的討論、資訊與評價

暴龍哥近排喺中環海濱開咗個車展騷，引起全城話題，誠意十足不過美中不足，尾場落大雨搞到音響壞壞地，好在暴龍哥執生能力勁，成功拆彈。

開戶外騷係易啲瀨嘢嘅，最經典數到黎天王，佢可以話係中環海濱界 KOL，五年前開騷瀨過一次！當時佢用帳幕搭咗個場出嚟，等班歌迷 C C 服服睇騷唔洗淋雨，不過咁就出事，原來啲帳幕布料唔符合消防處防火標準，結果佢唔只要拆彈，仲要拆帳。

好在當時佢關公上身，即時拍片向全港歌迷道歉，而且喺 social media 不斷更新情況，同歌迷交代進展，所以話有交帶嘅男人真係加分，最後仲不計成本俾歌迷退飛換飛。當時買唔到飛嘅，個個去晒中環核心外圍聽黎明喺核心內圍唱歌，萬眾齊心到呢。尾場仲喺 social media 開咗四分鐘 live，當時可以話係創先河。而家個個歌手開 live 唱歌，明仔一早已經做咗！當時成幾萬人睇 live，最後個 post 11 萬個 likes 添。

經此一役，學明仔講番句：「坎坷過後有艇搭」，佢「金句王」地位更加鞏固，金句唔只夠深度，仲夠耐人尋味，絕對值得列入本港非物質文化遺產。嗱收到 wind，事隔五年，黎明今年嘅搞作就係：上紅館喇！！！！yeah～～今次無得喺核心外圍聽㗎喇，所以好準備定空肚撲飛喇～

#中環海濱show #金句王 #拆彈專家
#真係好經典 #要寫喺教科書 #PR101
#想當年個個去核心外圍湊熱鬧
#黎明上紅館喇 #原來佢對上一次紅館 #係十年前 #好衰要人等咁耐

【關心妍CY師生合唱】CY 陳澤言跟關心妍學唱歌已一段時間，終於師生合唱《腍》的Acoustic版本。
當CY接到這個邀請時，坦言受寵若驚，「真係無諗過會得到Jade邀請，尤其之前無試過同人合唱，覺得好神奇！但同時都有壓力，不過依然好開心好興奮！」Jade就大讚學生，更因為上次合作過之後，非常欣賞CY的唱功，一想到做合唱版，就馬上想起他，「CY真係唱家班，我呢首歌唔易唱，佢入到錄音室都要練，但係佢好快pick up 到，原來隻歌比較適合男仔唱，佢唱得好好。」

被前輩讚賞，CY開心之餘也謙虛，「唔好咁講啦，我覺得自己無Jade唱得好，我唱到好哽耳就真。不過今次真係一個好好學習機會。」未來CY正式踏入樂壇，繼續向唱歌事業發展，正緊密籌備個人第一首新歌，而派台「處男作」就給了Jade，正好為他打了下一支「強心針」打打氣。

至於Jade就透露已經入紙紅館，希望明年於紅館舉行第三次個唱。「對上一次紅館演唱會係十年前，下年都係我入行二十周年，所以希望今次入紙成功，可以同班樂迷見下面之餘都好有意義，我自己都好期待！到時請埋CY來做嘉賓，一齊再合唱！」CY聞言即開心表示，「好呀，我正想問，請唔請我一齊唱呀。」

#關心妍 #CY陳澤言 #腍 #紅館
#香港製造 #MadeInHongKong #香港人撐香港音樂
#2021新歌 #新歌 #廣東歌 #2021廣東歌
----------------------------------------------
?? Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
? MEWE：https://mewe.com/p/谷live
? 谷撐音樂流行榜：https://bit.ly/3q6yB0l