《新派日式燒肉店🍖 小田和牛食べ放題🐃》
今次去咗佐敦新開業嘅和牛燒肉一郎食「和牛食べ放題」。放題可以食2個鐘，一共有6款菜單，定價由$ 348 去到$1,098，除咗有全港獨家供應嘅日本鹿兒島縣「小田 A4 和牛」🇯🇵🐂，仲提供多款新鮮海鮮🦐、蔬菜🥬丶前菜丶飯面🍜同湯，亦設有自助區供應多款沙律丶飲品丶甜點丶雪糕🍨同果汁飲品俾食客自由選擇🍹。��餐廳感覺開揚整潔，空間感大，枱面並冇油漬同黏笠感，比平日嘅燒肉店乾淨好多✨。另外仲有個櫃窗可以睇到店員切肉嘅過程同首創「燒肉新幹線」，餐廳中間有條輸送帶，以智能化方式送餐，的確係好有新意。
當日食個好吸睛嘅「舟・盛合」，有睇頭之外集齊牛、豬、雞、海鮮同蔬菜於一身😍。另外仲有「桶．盛合」，包含小田和牛牛肋肉同牛里脊肉。相比之下小田牛真係嫰滑好多🐃，其餘嘅牛就比較普通。
另外仲食咗啲日式料理，包括：
📍生牛肉壽司
牛肉厚身但比較難咬開👉🏻👈🏻，個人唔太欣賞。
📍炙燒壽喜燒壽司
店員會用火槍係你面前即時燒熟兩大片生牛肉🍣，生熟程度可以自己揀，然後再點上由生雞蛋🥚同壽喜燒醬汁調成嘅醬油，味道真係好好👍🏻。
.
📍壽喜燒牛肉丼
牛肉大片而且嫰滑，用蛋汁撈飯🐣🍚加上蔬菜同壽喜燒醬汁味道唔錯。
.
📍博多豚骨拉麵
拉麵比較腍🍜，湯底亦唔算濃郁比較普通
.
📍南蠻炸雞
炸皮太厚而且腍身，冇咗炸雞嘅精髓😭，雞肉唔夠嫰滑，整體需要改善。
.
📍明太子海鮮煎餅
煎餅太薄，未能夠做到外脆內軟，感覺有啲油膩，有改善空間。
.�值得講吓出面嘅open area有大量飲品可以自由選擇，仲要唔係用普通汽水Hea你🥤，係有多款唔同口味嘅果汁🍹，呢點值得加分。
.
和牛燒肉一郎
九龍佐敦佐敦道 31-37 號百誠大廈 3 樓
@ 和牛燒肉 一郎
