關於 南丫島渡假屋推介 ，我們在網路上蒐集到這些相關的討論、資訊與評價

打風呢啲，特技嚟啫，嚇我唔到嘅！

嚟緊個星期天氣好返啲，放榜前後/考完試後，壓力真係幾大，Sem break當然係食盡玩盡佢啦。潮友要癲得起，當然唔少得過個靚夜、同朋友狂玩、狂食宵夜同傾成晚啦。

上次推介過南丫島短短地嘅本地遊，好多潮友又繼續問PND，如果想玩兩日一夜大嶼山，應該點鋪排～好啦，出發！今次先唔講大家熟到爛嘅營車，就介紹靚靚渡假屋同附近點玩先精彩。

Day1，可以玩梅窩、食梅窩、住梅窩

搭船入梅窩，可以先去海灘玩水！居民潮友就介紹，呢面以熟食中心為主，餐廳、bar、cafe等都有但唔多～咁食咩好？最好當然係自己買野喺銀礦灣燒烤場對住藍天碧海燒吓朱古力棉花糖waffle啦，經濟又實惠，而且行兩步就係沙灘，仲有沖身設備同廁所，夠方便。

想平少少，但又唔想住銀礦灣酒店，盲中中住咗間又乾淨又靚嘅渡假屋《梅窩海景渡假樂園》嘅VIP家庭房，價錢唔貴，暑假閒日一晚都係$680-$1112起，離海灘30秒路程，最多可以4-5個frd一齊攬住瞓。

呢度比較似酒店(中左圖)，一間房連廁所，可以揀望山/望海，間房啲裝修好新，利申：有潔癖，覺得堅係乾淨。問返reception原來因為2年前重新裝修過！廁所有齊毛巾、牙刷、杯、梘液、風筒、夾萬等咩都齊。

Day2 入大澳食玩買

呢間渡假樂園包早餐，食埋就可以check out出發，行返15分鐘去碼頭搭1號大嶼山巴士直到大澳，大約40-50分鐘車程，(大澳1日遊則喺東涌搭大嶼山巴士11號入去)到咗大澳，行程可以如下：

南涌-東方小衹園(荔茸酥、蝦醬炒飯、生炒骨、私人推介世界級腰果糊)→復興行(魚蛋~)→隱姑茶果→大澳小食香妃卷→車站豆腐花→大澳燒烤店(星期六日開)→其記魷魚(星期六日開)→張財記蝦豬餅(星期六日開)→大澳炭燒雞蛋仔叔叔/華記雞蛋仔→大澳餅店(沙翁)→貓cafe→蘇廬→14:45行返出去橋附近上街渡$25去睇海豚(如果見到海豚,記得禮貌地請船家唔好駛太埋,遠觀先唔會撞親海豚哦)→文物酒店有落→去Tai O Lookout食下午茶→17:30街渡出返大澳巴士站→紅樹林/碼頭睇日落影相(帶神棍呀)→搭11號巴士返東涌→回程

暑假價錢：
雙人標準房 $680, 週未 ＄1000 （地下房可帶小型寵物，16kg 以下）
VIP 家庭房 $1112 週未 $1445 （可入住4人）

預訂渡假屋可參考
http://holimood.com.hk/SW03-A%20%E6%A2%85%E7%AA%A9%E6%B5%B7…
一次過可以睇哂營車、營同渡假屋，同訂埋，夠方便，上癮了，亮點係有九折。

#PNDouting #PND梅窩 #PND大澳

經過final嘅歷煉，終於到Sem break，PND帶大家搭船去玩啦！無論有錢定無錢，當然係時候同班潮友去癲吓，重點係食、玩、過夜。

長洲就真係成日住成日去，比較多小店可以掃街，南丫島又如何？由於唔少潮友不斷推介PND去探索南丫島嘅小店，好似cafe、豆腐花、涼粉、土耳其卡巴、海景餐廳、海水味等，又問PND喺南丫島可以住邊度，既然發現咗質素唔錯嘅渡假屋，就介紹吓俾潮友啦，而且價錢唔貴，一間都係$585-$650起，Tips：見到所有南丫島渡假屋，六月嘅星期日至四都做緊九折，所以，閒日去啦。

南丫島榕樹灣大街行10分鐘，就會嚟到呢面嘅一幢渡假屋，一房一廳一廚房一廁所，共350呎，間屋唔細呀～仲有大玻璃窗望到出面藍天同綠，街景，可以揀有露台/無露台，有嘅可以搬埋爐上去燒野食，個廳間隔幾大，開埋梳化床可以一班朋友瞓哂喺上面！

廁所有齊毛巾、牙刷、杯、梘液等；廚房有電磁爐、餐具、微波爐同雪櫃，一應俱全，比較似屋企，煮返個韓國薯仔麵加芝士做宵夜，再玩killer同搵ipad煲劇煲通頂(佢地有wifi/潮友old school啲都可以用DVD機嘅)，朝早再煮埋All Day Breakfast做早餐！

距離南丫島大街啲餐廳、cafe、酒吧都算近，土耳其卡巴、南島書蟲、農舍都係必去之選。晚飯，um...試過喺B.B海景餐廳坐outdoor食晚餐，雖然唔算超水準，但羊架幾好味。 建興亞婆豆腐花，只有招牌豆腐花$10同豆漿$7，冷熱同價，雖然豆花唔太冰凍，但豆腐花食落幾香豆味，加完黃糖再食，凍凍地甜甜地夠脆口，返市區前行去食返碗都唔錯呀！

預訂渡假屋：

http://holimood.com.hk/%E5%8D%97%E4%B8%AB%E5%B3%…/DF71A.html

參考 @holimood 或 holimood.com.hk
一次過可以睇哂營車、營同渡假屋，同訂埋，夠方便，上癮了。（我又準備去camp yeah）

#PNDouting

<拍拖「渡假屋」推介>

長洲-輕鬆浪漫假期

農曆新年剛過去，情人節又快到，今年農曆假期未有時間外遊，但又想放鬆一下，所以就想不如襯週末到長洲過一個輕鬆的浪漫假期，當作預祝情人節！網站Holimood向我們推薦了長洲的超人氣Spa海景渡假屋，我們決定一試！

Spa海景渡假屋位於東堤泳灘旁，選擇了星期五晩入島，人流較少，更能細味小島的浪漫情懷。進入房間，感覺很新穎和驚喜，想不到長洲的度假屋也有如此質素。房間以深色為主調，牆上有些日本風的磚石作點綴；燈光帶點時尚格調，在晚上顯得很有未來感。露台的景色當然讓人驚喜不已，擁有天然的無敵大海景；你看到照片裏天上的藍色星星嗎？滿天星星很浪漫吧，原來是度假屋的細心設計，在露台的天花上裝上很多小小的燈泡，隨著時間閃動及𨍭換顏色。吹著海風，望著海景，然後播點音樂聊聊天，應該能盡訴心中情吧=］你會跟你的最愛說甚麼浪漫的話呢？

早上起來，在露台遠眺的感覺又截然不同，由露台往外望，可以飽覽整個東堤泳灘的景色；極目遠眺，你更能看到南丫島及香港島。坐在露台的椅子上，在180度的大海景作伴下看看書，放空一下，又是一樂！房間的另一特色是有一個SPA大浴缸，做SPA時更可以透過大玻璃窗望到藍天，感覺很療癒。其他酒店的設備如70吋的大電視，DVD播放機，風筒、牙膏牙刷等也一應俱全，不過couple們記得要自備拖鞋，房間沒有提供喔。

這次長洲的浪漫假期很放鬆。忙碌工作，有時就是要對自己好些吧，今年的情人節是星期五，慶祝過後隔天到小島度假也很不錯喔！Couple們快些開始計劃你們的浪漫假期了=］

渡假屋價錢：http://www.holimood.com/…/double-suite-cheung-chau-wi-fi-0…/

Also follow us at
http://instagram.com/datingspot