關於 千與千尋 三 個頭 ，我們在網路上蒐集到這些相關的討論、資訊與評價

【#日本鬼神傳說系列｜#爭吵不斷的舞首 】
提起千與千尋，除了無臉男之外，你還記不記得三個會跳又有大叔樣的頭顱？原來這三個頭顱的出現也有個故事？他們就是舞首啦。

舞首是出自神奈川縣真鶴町傳說中的怨靈，記載於《繪本百物語》。相傳鎌倉時代，有三個武士 ── 小三太、又重、惡五郎，他們都認為自己力大無窮，經常因為大小事而爭吵。在真鶴町的祭典中，三個人喝了點酒，結果又吵起上來，最後還拔刀互砍。惡五郎先攻擊小三太，再斬又重，但被又重逃到山中。惡五郎於是斬下小三太的頭顱，但又被又重追上，於是惡五郎同又重互砍，結果雙方的頭顱都被砍落地。

雖然三個人都屍首分離，但三個頭顱都依然繼續吵架，吵下吵下還跌落海中。不過即使在海中，他們都還是爭吵不斷，在海中叫罵，還會從口中吐出火焰，互相詛咒彼此。

真的一想起個畫面也覺得嘈，相反千與千尋入面的舞首就安靜得多啦！
------------------------
新書 冷知識手冊《吾港吾知》在各大書局有售
<想每日閱讀冷知識？將專頁設為搶先看吧！>
◆ 每日分享知識、每月推出課程
◆ 網站：https://www.beginneros.com/
◆ Youtube：https://goo.gl/OEJrGt
◆ Instagram：@beginneros

【#日本鬼神傳說系列｜#爭吵不斷的舞首 】
提起千與千尋，除了無臉男之外，你還記不記得三個會跳又有大叔樣的頭顱？原來這三個頭顱的出現也有個故事？他們就是舞首啦。

舞首是出自神奈川縣真鶴町傳說中的怨靈，記載於《繪本百物語》。相傳鎌倉時代，有三個武士 ── 小三太、又重、惡五郎，他們都認為自己力大無窮，經常因為大小事而爭吵。在真鶴町的祭典中，三個人喝了點酒，結果又吵起上來，最後還拔刀互砍。惡五郎先攻擊小三太，再斬又重，但被又重逃到山中。惡五郎於是斬下小三太的頭顱，但又被又重追上，於是惡五郎同又重互砍，結果雙方的頭顱都被砍落地。...
See More

《法羅群島的午夜凶鈴》

原來今日係農曆八月的第一日。即係鬼月終於過去啦。但就喺鬼月的最後一日，我喺法羅群島遇上左靈異事件。（膽小者請有心理準備）

琴日我同大地之子如常大概10點就刷牙訓覺。但唔知點解黎左法羅群島之後，我成日都會半夜乍醒起身去廁所。基本上每一日朝早3，4點左右我就會發d人有三急的夢，之後就要起身去廁所。廁所係喺樓下，而睡房係喺樓上。所以每日我都會開住手機電筒去廁所。我去廁所的時候都盡量放輕腳步，驚嘈醒大地之子。我一落到廳的時候，突然有一個黑影閃過，我個心當堂嚇一嚇，原來係我隻貓魚蛋行過。但係我個心仲係跳得好快，淨係想拿拿臨去完廁所返房訓覺。

我將電話放左喺洗手盤上面，就當我去廁所去到一半之際，我突然聽到好強烈但短暫的震動聲（頂，我打到呢度個人起晒雞皮），我知道呢個並唔係我用開的電話震動，但我都自欺欺人咁睇下係咪黎自我部電話，咁當然發現唔係啦。我嗰下即刻9秒9連手都無洗就衝上房。我即刻大被蓋過頭同捉實大地之子隻手。但我一直都訓唔著，過左十分鐘左右，同一樣強烈而短暫的震動聲再次出現，我忍唔住搖醒左大地之子：「你聽唔聽到？」大地之子睡眼惺忪咁話：「聽到咩？」我同佢講我頭先喺廁所發生的事，佢話我聽錯，佢咩都聽唔到，就喺我地講緊野的時候，震動聲又出現！今次大地之子都聽到。佢好理智咁話：「哦！可能係我個電動鬚刨呀，我放喺廁所充緊電。」於是大地之子就走左落去關左個充電器。就喺佢返入房的時候，震動聲又出現。今次我地兩個對望但係都講不出聲。大地之子攞起佢部iPhone黎睇，發現無任何電話訊息。我問：「會唔會係你部work phone？」於是佢決定將部work phone 放喺床頭，下次再震就知係唔係。

隔左十分鐘，又再震。而喺我身旁的work phone 係無震過架。我地兩個再次互望。大地之子突然成個人企左起身，帶埋張棉被衝出房。我問佢去邊。

「我落樓下訓，既然震動聲唔係黎自間房，就係黎自樓下啦。」

勇敢的大地之子誓要查出真相。但係大佬呀，你都唔係留低我自己一個喺房架。我就拉埋我張被跟埋佢落去訓梳化。就係我地訓落梳化之際，震動聲又出現，仲好大聲好接近，跟住伴隨住「啪嚓」一聲。有野跌左落地！我地兩個嚇到彈起左，慢慢行去聲音的來源---牆架！我地一望發現地下有部舊式Nokia手提電話。真係午夜凶鈴呀😱我地執起部電話，上面寫住：

「low battery 」
所以佢就係咁震，仲震到跌埋落地XD

其實呢部電話係大地之子的公公上星期畀我，等我有咩事都可以聯絡到人(大家可以睇返《與大地之母一日遊》 https://www.facebook.com/whereisfaroeislands/posts/311967062609123）今次真係畀佢嚇餐飽，我地熄左部機之後就拿拿臨上返房訓返覺好嘅。

雖然成件事好無厘頭，但我又覺得好好笑，好想同大家分享，我地就咁被部電話嚇左成晚，最好笑係大地之子衝出房的時候用棉被包實自己，淨係露出左個頭😂好似千與千尋的無臉男XD

---------------------------------------------------
想睇更多法羅群島靚相？
請follow ig: whereisfaroeislands
https://www.instagram.com/whereisfaroeislands