【日日做牛做馬，不如殺左腦細？讀《你想殺死老闆嗎？（我們做了！）》】
#香港文學
#推理小說
香港推理作家，又點止得陳浩基一個咁少～今次就同大家介紹下 #係香港大但依家係加拿大 嘅作家文善嘅作品《你想殺死老闆嗎？（我們做了！）》啦！
就咁聽個書名，係咪覺得「好奇葩」，好嘩眾取寵？其實文善同陳浩基一樣，曾經以前作《逆向誘拐》攞過「島田莊司推理小說獎」，所以論推理，其實都有返咁上下；而呢本近作《你想殺死老闆嗎？（我們做了！）》，則係一本以本格推理為主線，實際想帶出香港社會問題嘅社會派作品——可能，呢個故事只有香港人先寫到？畢竟，故事入面嘅病態社會，除左香港之外，就別無他選了。
▍點解要殺死老闆？
首先要講明嘅一點，就係故事發生係一個叫「崗康市」嘅地方，而唔係香港——不過，雖然佢嘅地理環境同香港完全唔一樣，好明顯「崗康市」，就係一個象徵香港嘅城市。
呢個地方，樓價飛升、人工智能取代人類，工作機會愈嚟愈少、生活壓力大、小朋友兩歲開始就要補習，整個城市由金融同地產主導——呢度仲唔係香港？本書主角本身係倫敦生活，佢嘅夢想係成為一個偉大嘅演員，但一直半紅不黑；佢後來受邀到崗康市，打算加入金融公司，放棄演員夢想而成為一個金融才俊。
點知，第一次去公司，老闆就唔知點解比人殺左，而且又離開唔到公司，又同唔到外界聯絡——於是故事演變成一個推理作品常見嘅「暴風雨山莊」模式，就係大家同兇手共處一室，一方面離開唔到，另一方面又唔知邊個係兇手，而人又一個一個咁被殺——主角們就要係極大壓力之下，搵出邊個係兇手。
▍搵食姐，犯法牙？
其實殺老闆，只係一個綽頭，並唔係真係講緊辦公室生活太痛苦，所以一怒之下殺左腦細；而呢本書嘅本格推理方面，其實係弱咗些少，不過都唔係呢本書嘅重點——作者文善真正想講嘅，其實係香港嘅社會問題：
面對現實，好多人要放棄理想，做一啲自己都唔想做嘅事；面對樓價失控，人性亦都同步失控……而所謂嘅地產、金融業、精英、才俊，其實，好多都只係虛構出嚟嘅空中樓閣——係瘋狂嘅社會現實同生活壓力壓逼之下，先會出現左呢本小說。
▍文善係邊個？
本書作者文善係香港出世，1997年移民左去加拿大。雖然佢已經長居加拿大，但一直堅持華文寫作，係遠方堅持左香港文化。佢提過，加拿大生活壓力唔大，先令佢有好多時間睇書，積累左創作嘅營養，假如無移民嘅話，相信唔會開始寫小說添。亦因為佢嘅移民背景，亦影響左佢作品中嘅角色，例如話《你想殺死老闆嗎？（我們做了！）》嘅主角，就係由倫敦回流到崗康市。不過，同樣可惜嘅係，文善嘅小說雖然有濃厚嘅香港色彩，但佢既大部份作品都係台灣出版，認識佢嘅香港讀者都唔算多，不過，佢嘅前作《逆向誘拐》其實正係拍緊做港產片，相信好快就會上映架啦，實在相當期待呢！
_______
《你想殺死老闆嗎？（我們做了！）》好適合上班族睇架，大家 #不如試下 將本書放係office檯面，你老闆可能就唔敢同你鬧交呢～
傳送門：http://www.books.com.tw/products/0010763933
============================
#香港文學 系列
#1 【細嚐一口老香港韻味：也斯《喝一口茶》】
https://www.facebook.com/ohreadly.hk/photos/a.827045410812540.1073741828.823631624487252/833844423465972/
#2 【過咗50年香港人仍然冇屋住：劉以鬯《香港居》】
https://www.facebook.com/ohreadly.hk/photos/fpp.823631624487252/834795146704233/
#3【為咗生活，海明威嚟到香港都要寫武俠小說，林黛玉都要做包租婆：讀劉以鬯《酒徒》】
https://www.facebook.com/ohreadly.hk/photos/a.827045410812540.1073741828.823631624487252/836591016524646/
#4【香港警探反攻全球：讀陳浩基《13．67》】
https://www.facebook.com/ohreadly.hk/photos/a.827045410812540.1073741828.823631624487252/839224432927971/
============================
"Oh Readly?" - Flip a page everyday.
#一班鐘意睇書又想荼毒大家睇書嘅90後
#多多指教
============================
👀現已接受投稿！
💥方法好簡單～Inbox我地就可以架啦
我地會：
1️⃣標明係讀者投稿
2️⃣用你想用嘅筆名
3️⃣Tag返你嘅blog/ page（如果你有）
🔹我地希望Oh Readly可以變成一個大家交流書本文化嘅地方
所以feel free聯絡我地啦！🔛
============================
加拿大生活壓力 在 大家在加拿大的生活有比在台灣好嗎？ - 看板Canada 的推薦與評價
大家午安！
最近在看去加拿大的資訊發現台灣去加拿大的人蠻少的
念書發展都好像比較會選美國歐洲
想知道目前在加台人生活還ok嗎？
你們會繼續留下嗎？
我目前計劃碩班後過去工作，不論發展
單純想體驗那邊的生活～～
--
※ 發信站: 批踢踢實業坊(ptt.cc), 來自: 140.112.215.50 (臺灣)
※ 文章網址: https://www.ptt.cc/bbs/Canada/M.1637296815.A.E18.html
※ 編輯: leewo (140.112.215.50 臺灣), 11/19/2021 14:51:39
※ 編輯: leewo (140.112.215.50 臺灣), 11/22/2021 13:56:24
※ 編輯: leewo (140.112.215.50 臺灣), 11/24/2021 18:56:47
... <看更多>