日本其實好大! 唔係淨係得東京、大阪、北海道……北海道其實好大，唔係淨係得札榥、小樽、富良野…
北海道可區分為：道央、道南、道東、道北
最多人去嘅札榥、小樽、登別、二世古、富良野…就係屬於「道央」
遠少少去到旭川(旭山動物園所在地)開始至紋別、稚內…等地就屬於「道北」
夜景好出名嘅函館就屬於「道南」
比較少人去嘅其實仲有「道東」，包括十勝、帶広、釧路、網走…等地
由香港直飛北海道，只有一個距離札幌約50分鐘車程嘅「新千歲機場」(道央)可以選擇，而由道央揸車往道北、道南或道東，起碼五、六個鐘閒閒哋，如果仲要落住雪揸都幾辛苦! 如果去札榥、小樽已經去到厭，想去下北海道嘅其他地方，但又唔想揸咁耐車，同埋行咁多回頭路，其實可以：
『唔好買直航機票!!!買中途要停站轉機嘅機票!!!』
由香港飛往北海道，但中間要喺羽田機場轉機，喺羽田機場轉機往北海道，即係坐內陸機啦，坐內陸機就可以直接飛去北海道嘅*其他機場喇!!舉例由羽田飛去釧路(道東)，再由釧路一路經網走、紋別(道北)、向道央，如富良野、札榥玩落去，咁就順住路咁玩，唔洗因為就個國際機場，而走回頭路，跟住就喺新千歲機場離開，回程直飛返香港，又或者再玩盡啲，*由新千歲飛返去東京，或日本其他地方，玩多幾日，先再返香港，都得!!!
咁問題黎喇…究竟道北、道東又有乜好玩呢? 呵呵呵…我二月就會去喇!!到時記得留意啦!!!
*1
道東：帶広空港、釧路、根室中標津空港、女滿別空港、
道南：函館空港、奧尻空港
道北：旭川空港、紋別空港、稚內空港、利尻空港
*2
要停站嘅機票，可於去程或回程停留轉機所在嘅地方，但只可選去程或回程中其中一程停留，而去程同回程係喺不同嘅機場，呢個係基本嘅OPEN JAW模式，但各航空公司做法不同，購買機票前當然要問清楚先啦!!
利尻空港 在 ANA 利尻空港 - Rishiri Airport - Facebook 的推薦與評價
ANA 利尻空港 - Rishiri Airport, Rishiri-gun, Hokkaido, Japan. 39 likes · 7 talking about this · 1016 were here. Airport Terminal. ... <看更多>