等我交代一下寄書進度比大家聽，比大家了解最近兩個月近況。
喺講之前，我係承認今次寄書物流問題上係一個嚴重錯誤，所以汲取今次教訓，絕對唔會再比呢件事再發生。
六月尾時侯，當時正式印起《孔集》，當刻我已經即刻每日批量寄出比讀者，後來由於好多人同時間都訂咗《失蹤》，而失蹤印起時間係書展時期，所以要等書展完結後，我先可以拎到書再一併寄比大家。
我唔想讀者喺短時間內比兩次運費，所以我將訂咗孔集同失蹤嘅讀者放後，優先寄咗只係訂咗「一本」孔集嘅讀者。
所以就經常出現 「點解有人收到書，而我仲未收到」嘅錯覺。
大概去到八月中，我基本上已經寄哂所有訂咗「一本」孔集嘅讀者。
而失蹤亦喺書展完結後已經補到貨比我寄比大家。
所以我開始寄出「訂咗多於一本書」嘅本地讀者，諗住先處理好本地，再寄澳門，最後係海外。
我知道有讀者可能有私人理由想早啲收到，所以透過Whatsapp搵到我嘅，基本上我全部一一處理同優先寄出。
本來按照呢個速度節奏，我預計九月中就已經可以寄出所有書比讀者。
好景不常，問題又出現，我發現有部份訂咗一本孔集嘅讀者係錯誤寄失( 大概係M、K同L姓氏)，所以我要補寄返比呢班讀者。
但同時間，因為運輸儲倉問題，孔集同迷蹤突然間遺失咗，所以不斷去搵究竟去咗邊，以致近兩星期都無辦法補到貨寄比大家，相當抱歉。
而我手上只有跟蹤同失蹤可以寄，我自己都心急如焚，因為我自己想寄都寄唔到比大家，我自己都好困惑會唔會先寄咗失蹤同跟蹤比大家先，之後孔集同迷蹤補到貨我再寄，但咁做不但令讀者付運費成本增加，亦令訂單次序好亂，所以我一直靜待補貨日子。
好消息係，孔集同迷蹤已經搵返，短期內安排到時間就會補到貨我，到時我正式再寄比大家。
暫時剩餘三成書未寄出，當中包括澳門同海外朋友，我希望十月頭將所有書都寄出。
可能你會問，點解唔覆inbox同出Post講下進度。
其實之前都交代過，我inbox長期被好多不明帳戶同鬼帳戶長期洗版，所以長期 「99+」下我完全覆唔到，亦睇唔哂大家inbox，所以增設返個 Whatsapp 比大家查詢。
同樣地，書展後，實在承受唔到呢種壓力，為咗唔令到情緒爆發，所以我壓力大到刪除咗孔明個Facebook逃避一切。
我選擇咗默默寄，直到寄完後，我先有勇氣面對大家。
有人會問點解唔請人幫手寄而自己一個人寄?
去到八月中，我已經請咗人幫手寄，但其實只係節省入單部份，因為每本書都要我簽名，所以無得完全假手於人，每本書都要經我簽名同包裝入袋，同時亦要同收件員夾時間拎書先可以寄出。
所以我已經用我最大努力同時間去寄了，我敢同大家講，寄書喺呢幾個月一直都放喺我首位之中，從不間斷，收工後即刻返屋企入書寄書直到零晨，絕無走數同唔寄書。
汲取今次教訓，下次出書時保證唔會再出現呢類情況，我亦諗到完善嘅物流系統解決，希望今次寄書事件能夠得到大家原諒同體諒。
書展後，本來想好好休息一下，但發覺不但無休息，情緒壓力反而更大。
好多突發事情發生，一切都預計唔到，但願黑氣快離我而去，讓我專心寫作，享受其中。
再一次為受影響讀者致歉。
總結一下：
1. 系統無取消到你張單，即使係未確認，都係無問題，唔洗擔心
2. 嚟緊補完貨後會陸續寄剩餘三成嘅書
3. 先處理本地，之後先處理澳門海外單
4. 好多都無聽電話收件/錯資料/填錯嘢，我會個別通知返大家處理
5. 如果有其他查詢，如改地址等，可以Whatsapp 97852961 問返我
好多讀者都會擔心我究竟發生咩事潛水咁耐
係，的確發生好多事，但唔喺到講了
遲下有機會再同大家講...暫時平伏中 想盡快回復返穩定
感謝你地一直對我支持 不離不棄
有哂心理準備比大家屌了! (但希望屌得細力啲...)
唯有盡快遲下寫多啲故仔報答返大家
出倉處理物流查詢 在 [問題] 淘寶未實際到關卻收到報關通知？ - 看板e-shopping 的推薦與評價
上週四發了一個化妝品特貨，在這週一收到ezway報關通知，我本來還蠻慶幸居然過年前
物流都沒卡！清關流程正常的話通常週三就能刷到黑貓物流了。
然後我就看著他從週二已放行到現在都還刷不到物流。
忍不住詢問了集運店家，得到的答覆是貨品還未報關，所以當然沒有物流：
還有這種提前申報的操作嗎？至少我這半年沒遇過。這家我也好一陣子沒用了，是這次想
發特貨才回頭找他……
有沒有人清楚這個又是收空運發海快還是什麼其他奇怪的操作嗎？
--
※ 發信站: 批踢踢實業坊(ptt.cc), 來自: 223.140.176.138 (臺灣)
※ 文章網址: https://www.ptt.cc/bbs/e-shopping/M.1612419407.A.3A1.html
... <看更多>