日本東京高級扒房進駐山頂 🇯🇵 - 37 Steakhouse & Bar
．．．．．
好耐冇去過山頂，無意中知道有間日本扒房係果度開左就專程去試下。去到比佢地既環境吸引，面積好大而且有情調(圖7-9)，客人唔多。食物方面，我地點左 4-Course Testing Menu。4 Courses 包括：前菜、法式清雞湯、主菜(4款選擇)同甜品。
．．．．．
先講前菜，有兩款選擇包括：黑松露大啡菇•配和牛溫泉蛋(圖2) 及 日本帶子伴牛油果蓉•配魚子醬海膽及柚子果凍 (圖3)。兩款前菜賣相都好精緻，帶子新鮮，味道清新，配上牛油果蓉同魚子醬海膽，喚醒了味蕾；黑松露大啡菇切開會看到蛋漿湧出，好吸引！入面釀有和牛肉碎，上面舖了一層芝士，連蛋漿入口，口感多汁鬆軟。
．．．．．
法式清雞湯(圖5)，餐廳話呢個雞湯係用雞既精華熬出嚟，無添加任何糖、雞粉及味精！湯既顏色好清晰，中間有隻鵪鶉蛋同少少魚子醬，飲落味濃帶少少甜味，相信都有加少少肉落去煲。
．．．．．
主菜方面，我地點左法國烤雞(圖1)及慢煮牛小排(圖4)。法國烤雞有好多香草係面，亦塗上了蜜糖去烤焗。香草味好濃好出，我個人都幾鐘意。而且，雞口感超嫩滑，雞皮好脆薄，好juicy！慢煮牛小排亦肥瘦均勻，表面亦塗上了蜜糖去烤焗，朋友都讚好味。
．．．．．
最後甜品係豆腐雪糕加雜莓，面頭有一大舊棉花糖，賣相吸晴。(圖6)
—
37 Steakhouse & Bar HK (山頂)
山頂山頂道118號山頂廣場1樓102-103號舖
·
🥑生酮友好食品：(Dirty Keto) 日本帶子、黑松露大啡菇•配和牛溫泉蛋、法式清雞湯、法國烤雞。
—
#small西式
#small中環
冇 菜賣 在 有冇見菜檔咁賣菜- 大埔TAI PO | Facebook 的推薦與評價
不過就在澄清文刊登後，有疑似當時在場的網民再還原真相，指台媽所謂的禮貌發問其實只是：「This is Priority seat, Priority seat! OK?」，被問的乘客是因為怕麻煩 ... ... <看更多>