關於 其實成日想寫心情文 ，我們在網路上蒐集到這些相關的討論、資訊與評價

【一個人帶娃的苦笑，上集】
#深情文 #長文慎入 #找共鳴
前日同林小姐食緊麥當勞，然後佢突然間話想去廁所，呢個時候我就變得好煩惱，站響人生交叉點，完全唔識抉擇❗❓可能你會問究竟有啲乜嘢需要決定呢? 去廁所咋嘛，好簡單好基本嘅要求啫， 但如果你係 #一個人帶娃 ，事情就變得冇咁簡單喇， 究竟我應該。。。

1️⃣將枱面嘅食物全部打包帶埋去廁所? 但，哪有手拎?
2️⃣勇敢放手一搏帶佢去廁所之後返嚟繼續食? 怕唔怕畀人收咗?
3️⃣ 叫佢忍住唔好痾，最壞打算係瀨尿? 最後係咪要我抹地?

。。。。 無論邊一個選擇都會有取捨， 無論邊一個抉擇我心入面嗰句都係，#如果多一個人喺度就好啦。

好多全職媽媽大部分時間都係自己一個湊小朋友，而我面對早出晚歸爸爸、零後援、零抖氣位嘅現實， 每日24小時當中幾乎有20小時係我同佢單打獨鬥！ 識我嘅人都知道，我幾乎任何時候都帶著林小姐， 當中嘅辛酸真係有血有淚， 但又唔知點解咁好笑！

｛最難熬的，手抱期｝
未識企、未識坐、唔可以直抱、唔可以用孭帶。。。「那時候，我練成咗單手神功， 如果唔係我覺得我應該會陣亡。」

#去廁所
每次單拖同bb出街，遇到一個最大嘅難題，一定係去廁所， 好彩的話你可以搵到一個有換片板嘅殘厠， 唔好彩嘅你只能夠單手抱住佢， 再坐無影凳。。。 可以幻想到個情景有幾咁狼狽。當時，我買咗一個神器可以幫助我企喺度都去咗廁所添，我都覺得自己好瘋狂。

#去醫院
我自己試過要入急症，無可奈何都要一齊去（爸爸出咗trip添啊! ），林小仲響急症室玩到好開心，啲人問我小朋友病都咁精神，well，病果個係我.... 然後就有人問，點解要帶埋小朋友黎，心中OS:唔帶係咪放響你屋企先? 是咁的，媽媽們係無資格病的，留醫更免問。 ♡感恩果次雖然事出突然，契媽及好友們都表示可相助，心頭一暖!

#去餐廳
單拖絕對唔能夠去自助取餐嘅餐廳，一系列快餐，想都別想， 因為你既冇手攞餐盤，又唔可以去攞位先，簡單黎講就係完全唔work!

#搭van仔
其實手抱bb坐bb車出入係比手抱方便， 但又唔係每個地方都好方便bb車， 如果你要單手抱住一個bb，再收起bb車上車落車，其實都幾危險， 尤其初生bb車摺極都係好大架!

#搭巴士
你以為搭巴士會比較容易啲咩? 我話畀你聽我係超級地獄黑仔王， 每次帶bb車上巴士一定會遇到輪椅， 然後你只要無奈抱住個bb再去摺返架車，然後都唔知可以點。。。 重點係你以為個個巴士司機會停車畀你慢慢搞咩?哈哈。。。

#剪頭髮、睇牙醫
話說其實我呢兩年半都冇去過髮型屋剪頭髮，或者睇牙醫，其實你覺得有人會俾你抱住個bb剪頭髮咩? 有牙醫會畀你抱住個bb整牙咩? 有時你估唔到生活上咁簡單嘅活動都做唔到， 唔好再諗去咩整指甲做facial啦。

#綁鞋帶
響街甩咗鞋帶你諗住綁? 唔好太天真呀，哪有手，那時候的我，絕對係唔著綁帶鞋出街，甩咗真係唔知點算。

#倒垃圾
話說我屋企個垃圾房係響出面嘅， 要倒垃就要開門出去， 人生交叉點又黎啦，究竟應該將個bb放喺屋企出去定係抱埋佢去呢， 呢個係我到而家都冇答案嘅...

#跑步
其實生左林小姐之後我係冇跑過步，抱住佢跑步會唔會搞到腦震盪㗎? 放佢響bb車上推住跑步咁刺激? 唔好講跑步啦其實兩年半年我都冇做過運動。。。

#放狗
識我嘅朋友都知我經常性一拖二， 但其實米哥好慘㗎因為我抱住個妹， 唔可以再同佢瘋狂跑步追逐， 又唔可以玩掉水樽， 行又行得慢過人。。。

#影相
最遺憾就係冇合照， 就算見到啲好靚嘅景相同佢影返張靚相， 都只能夠自拍，下下大頭相，就係咁囉，習慣就好!

#沖涼
或者你要等小朋友瞓咗可以偷雞去沖涼， 或者你可以選擇帶埋佢入去沖涼， 或者呢一切其實只係個機緣巧合， 嗰日能唔能夠有機會咁啱畀你把握到時機去沖涼， 講彩數嘅啫。 #利申 我一直都係同個女一齊沖涼嘅， 我都好懷念自己一個人沖涼嘅感覺。

#煮飯
基本上我都唔會煮一啲步驟太複雜嘅菜式， 因為你唔知幾時會出現狀況，要立即放低手頭上嘅野去處理， 試過煎緊條魚行一行開好快就燶曬， 有試過過度發酵麵團， 結果唔食得， 經常發生白忙一場嘅效果。 所以我最鍾意就係蒸嘅同燉嘢..

｛後話｝單打湊小朋友， 我冇諗過會遇到咁多荒唐嘅困難， 有啲好微小嘅願望原來都變得咁奢侈， 但有正正真實咁樣發生緊， 唔需要好偉大先做到媽媽， 但做咗媽媽你就必須要變得強大， 包括心理質素， 其實兩年半唔剪頭髮都冇乜嘢呀， 唔好再問我點解留到啲頭髮咁長啦。。。哈哈，貪靚囉。

註: 由於林小姐當時滿月後每隔日都要返醫院做物理治療， 路程需要轉兩架van仔， 而且逗留響街嘅時間長至七小時， 所以。。。

#下集再續 #mrs1amology #mamablogger #全職媽媽 #misslam #全職bb #單打媽 #零支援 #零假期 #24hrsStandBy #其實成日想寫心情文

#大阪心齋橋 #心齋橋Daiso #日本100円店 #大阪必買

Hello大家好, 今日又會去大阪心齋橋Daiso3樓, 介紹一下浴室和家居用品, 現在是農曆年尾, 大家都好需要買新的物件去佈置家居, 收集了大家的意見, 除了家居用品, 我其實什麼都會講下, 多謝大家寶貴的提示, 希望2020年, 話題可以廣闊一啲.當然不少得我最鍾意講的十大必買, are you ready?

第一必買, 新正頭, 買對鼠年的新拖鞋, 當然有其他款式啦

由200yen至300 yen都有, 即是港元十幾廿蚊

這些拖鞋非常舒服喎, 話說我有位朋友跟我說

他七十幾歲的阿嫲, 陪阿爺去睇醫生

阿嫲話給他聽,醫生給她黑面

是咁的, 阿嫲問醫生, 可唔可以開一些偉哥藥給阿爺

醫生答她, 偉哥有三種醫藥成分, 一種效力20%, 只是可以抬高少少

50%藥力, 可以枱高度一半, 最勁是 100%, 可以射到上天花板

阿嫲就叫醫生開隻20%夠啦, 因為阿爺每次小便都滴滴仔

次次都搞到對拖鞋濕曬, 醫生聽了之後就黑面, 叫阿嫲返去要好好檢討下

看這個醫生樣子似老羞成怒, 因為他的年紀同阿爺一樣

第二必買, 夾腿健胸伸展器, 坊間有好多說這個物件可以做收陰機

話說我有另一位好朋友, 在美容集團是做top sales consultant

整個集團有幾十間舖, 老細是女人, 好錫我朋友

公司要推出一個新的產品, 效果是收陰機, 老闆娘第一時間打電話叫我朋友去試下這個服務

免費試完之後, 感受下產品的功效, 再大力推銷給客人

我朋友打電話給予她的老公, 話是老闆娘很好的offer, 好唔好做呀,老公?

她的老公回答: 你生仔開刀㗎嘛! 還是很緊,當然不用啦!

我朋友就說自己不做啦, 將個這麼好offer, 送給她的女經理

女經理又打電話給她的老公問下意見, 她根老公說

我生過喎, 又不是開刀, 千載難逢機會喎

她的老公回答: 我夠大咪得囉, 唔好做呀

女經理又將這個offer, 交給一位即將結婚的consultant

consultant又打電話給她即將結婚的男朋友

男朋友回答: 你都未生過, 唔使啦

女經理唯有打電話給老闆娘, 好有禮貌婉拒了這個offer

老闆娘答她們, 你們都不識貨, 我叫第二間分店的員工試下。

個個爭崩頭呀, 實在究竟收陰機的用家, 始終都是男人

不知大家是否同意呢?!

第三必買, 通淋巴刮刮板, 除了刮面之外

都可以刮小腿、刮手臂拜拜肉

用呢個來刮面, 除了可以通淋巴

亦可以瘦面, 幫助血氣循環, 令到面色紅潤

人面部的氣息, 會反映了你當時的運氣和身體健康狀況

我早排遇到一位下屬, 她以前是在馬會投注站做經理的

我問她, D人中頭獎是否真的有樣睇㗎

她說面相就不懂, 不過氣息就真是好好的

每個嚟領頭獎的人氣息, 都是好有光澤、紅光滿面

面相學實在有這回事, 鼻是財帛宮,

尤其是如果鼻的氣息好明亮有光澤, 財運特別好

如果你鼻上面突然間生暗瘡, 最好就不要去賭錢呀

面相學上面有一隻叫做酒糟鼻, 酒糟鼻的面相, 是個鼻成日紅卜卜，好似飲醉酒一樣

以前我跟一位好出名的師傅學面相

他對酒糟鼻的男人形容詞相當好笑:

如果你個鄰居是一個酒糟鼻的男人, 你屋企隻貓乸都要收埋

即是話酒糟鼻的男人是相當鹹濕

第四必買, 壽司磁貼、 掛牆袋

我自己一個人住, 經常驚自己忘記交電費水費

我不是自動轉帳, 怕自己忘記, 所以將帳單放在這個掛牆袋

或者用磁石貼在雪櫃上面提醒自己

我有位男性朋友, 他是這樣氹老婆的

他的老婆收工的時候, 收到他whatsapp, 說今晚要加班, 叫他老婆自己食飯先

留了一些餸在雪櫃給他的老婆, 他的老婆好失望, 因為當日是他老婆生日

返到屋企, 見到雪櫃上面用磁貼有一張字條

是這樣寫的: 請不要太快動作打開雪櫃

他的老婆看了字條, 更加心急

打開雪櫃, 原來是一支玫瑰, 在這個時候,

門鐘響起, 她的老公點了一支蠟燭在個生日蛋糕上面, 跟他老婆唱happy birthday to you..

他的老婆差點要喊出嚟, 條橋是我教這個男性朋友的

記住我的口訣啦: 要令人歡喜, 記得在Timing做起

第五必買, 首飾戒指頸鏈手鈪耳環架,

放在這個架上面一目了然, 好容易就搵到, 又不會痴到一舊舊

黑白架的底色, 配襯五顏六色、金光閃閃的飾物

除了將飾物整理得井井有條, 亦都不失為一件藝術品

精美又便宜的擺設, 是否增添你屋企良好的磁場呀

只要略思小計, 就請得財神到位

男士送一條頸鏈, 加上這個飾物架,

送給另一半的時候, 跟她說: 送埋個架畀你、等你無時無刻掛住我

女士們可以這樣回應: 我筆試將你掛在架上面, 是在個心裏面呀

旁觀者可能聽到有啲想嘔, 不過當事人只想一生跟你走

但求每日為情, 花點心思, 我願默然, 帶著熱誠

很想一生跟你走, 在我畢生心裏, 身邊的你, 三生都可能未夠

第六必買咕臣攬枕, 小小的攬枕, 除了可以令你坐著有個support

亦可以裝飾下張梳化, 我經常看到那些愛情片

一對情侶, 最鍾意將啲咕臣攬枕, 你掟下我我掟吓你

場面相當溫馨, 有時一對情侶講兩句不中聽

可以用這個道具, 叫對方收口, 總好過你兩句唔啱

掟鞋、掟刀义呀, 床頭打交床尾和, 掟過攬枕好好多

家和萬事興，Lin King㩒住拎

第七必買, 去角質浮石, 有竹炭、米糠、 豆乳

適用於手肘、膝蓋、腳跟等容易產生厚繭粗皮的部位

肌膚需要新陳代謝，肌膚表層一些老廢的細胞就會殘留在肌膚表面，

這就是老廢的角質，角質的長期積累會導致我們的肌膚變得暗淡無光澤，

還會影響肌膚對護膚品的吸收，應該盡快去除。

小小一個去角質浮石, 使出還原靚靚拳

第八必買, 焗桑拿衣物一套

原來今時今日去gym, 是好貴的

自從我沒有了California infinitive個membership之後

我就沒有再參加任何健身室, 最多行下山、落街跑步

如果你們想出多啲汗, 著這套衣物就非常之好啦

如果你嫌佢好像青山院友的制服, 你可以著返件外套在出面

第九必買, Gel甲貼紙、指甲飾物

我有朋友開美甲店, 但凡過年前這些日子

美甲店的booking都好Full, 有了這些美甲裝飾物

時間和金錢都慳番

第十必買, laundry bag,這個洗衣袋,

是軟性物料, 就算你洗手間好細都不會阻訂

沖完涼, 載住啲污糟衫, 不用東一忽西一忽

有啲人屋企細, 會攞落樓下洗衣店

有了這個袋, 是否方便好多呀

不知我今日介紹的十大必買, 你們最喜歡那一樣呢?

留言跟我分享下! 臨走記得給個表情符號以示支持呀

希望大家可以在年尾, 執返靚間屋, 執拾好自己靚的心情

迎接金鼠年, 我們下一條片見, 88!

請用片右下角調4K睇片。

熹暉柔媚地穿過玻璃窗，打照在我們臉龐上。我托了托方正的青框眼鏡，望見了倒後鏡中的自己，嗯，勉強掩蓋了點點歲月痕迹。右邊挨着我的，是我女兒。她把清爽的短髮繞到耳背，除了一對黑眼圈外，肌膚都仍然散發着嬌嫩。

我跟她頭依偎着頭，嘴巴一張一合，喁喁噥噥。紅頂小巴的引擎隆隆聲響，堵住了喃喃細語。隨着車子疾馳，惺忪之意驟退，司機與乘客開始閒聊着，嘟嚷着少了一位常見的晨客，司機盯着前方，大聲嚷嚷：「佢成日周圍去，邊似得宋太日日晨早開工咁勤力？」我抖動了一下，只報以淺笑。我，就是宋太。身旁的女兒感到眾人注目，於是挽着我的手，頭低垂。

良久，小巴到了總站，小巴內只剩下我倆。司機迅速地關上門，大喊：「照舊兜埋入去啦！」我點點頭，感激這位清晨第一更的司機，每天都特地載我們到目的地。我拍拍臂膀的小手，女兒啊，快下車了。

離開車廂反倒清靜，我跟她手牽手，享受着晨光散步至鐵閘前。女兒其實快三十歲，不知怎的，我還是覺得那雙手好小，好小。銀閘緩緩升起，按鈕讓自動玻璃門敞開，一片暖色盡收眼簾，澄黃的燈光下，仍見小店每個角落都擺放了女兒最喜歡的小熊維尼擺設，貓狗圖案的枱布帶點童稚，但最令我目光停滯的，莫過於牆上的一幅掛字「喜樂常來，常來喜樂」，這正是小店名字——「喜樂餐飲‧教室」，我必須提醒自己。視線稍移到一旁的維尼鐘，快七時了，猛地一下，眼前黑了黑，隨即脖子上就掛上了一條圍裙，女兒則在身後為圍裙打結，哈，真貼心。

輕撫一下小手，我急急步進廚房，迎接早市的來臨。雖說早市人不多，而且只售炒蛋、通粉、多士等簡單食物，但廚房只有我一人支撑，還是得提早準備。老實說，現時請一個廚師動輒幾萬元，店裏只做早午市，生意不是很好，故不是全日都需要廚子。與其這樣，自己做得來就做吧，畢竟小店是申請政府資助去經營，我只是負責人，總不能維持每月虧本一至兩萬元。

廚房外傳來杯碟鏗鏘聲，我側頭往外一瞥，女兒已經佇於水吧位罝，泡着咖啡、切切檸檬。她，就是我開這家店的原因。眸子裏倒照出咖啡的旋渦，整個人就這樣陷進去，愈陷愈深。

單手撑起半邊天
旋渦底處，是三十一年前。我跟已過身的丈夫，都仍然是懲教署職員。我們結婚才大半年，他證實得了肝癌。當時，我才懷孕三個月。那時有小產迹象，其實我大可以不要小孩，但我堅持把孩子生下來，因為打從肚子隆起開始，我已經愛她。結果女兒半歲那年，丈夫就離開了。抱着伊伊啊啊的小娃，心裏湧起一股恐懼，到底前方會否更迂迴？我深呼吸，告訴自己無論如何要把她養好。毅然辭去懲教署工作，朋友都說我傻，但你明白嗎？她沒有了爸爸，如果媽媽只顧工作，讓別人帶大她，於心何忍？當時只有一千九百元的政府孤兒寡婦金，要獨力供樓，即使有一些積蓄，不工作還是不行。故此，她唸幼稚園時，我到附近的超市做理貨員，我一點不嫌棄，她將來，會以媽媽為傲。我深信，既然衪奪去我的東西，就會還給我別的。

「媽咪，要個C餐啊。」女兒的聲音把我拉回現實，我看了看單子，暗忖是否又寫漏了多士，「要唔要多士啊？。」我大喊，只見她走到客人面前詢問，一臉靦腆。看着她姣好的臉兒，的確掩藏了她有輕度智障的事實。是的，女兒出生不久後，我又面臨另一難關。
孩子兩歲的時候，仍然不懂說話，帶她去做評估，對方說她只是未開竅，始終，她外表跟正常人無異。後來她唸幼稚園時，很厲害地科科考一百分，我就不以為然。到了一年級下學期，那一天的情景我不會忘記。「點解你咁唔用心，我咁辛苦做嘢，收工仲要返嚟教你！」那年某天，我對她呼喝了。因為跟她做功課、溫習，她總是轉頭就忘掉，反正要作文作句時，她就怎樣都辦不到。「媽咪，對唔住。」她只會說這一句話。我大意，根本不知道她有問題，心情很是煩躁。她見我沉默，眼眶的淚水直墮到功課簿上，化開了歪斜的字體。那時候，我應該要發現她還有自閉症的，明明在學校已經被同學欺負，又不懂跟我傾訴，她覺得家裏最安全，一放學要立即回家。我只管生氣，忽略了她其實可憐。直至小學五年班，我覺得不妥，再帶她做一次評估，方才證實她有輕度智力問題。當時確是晴天霹靂，事情一件接一件，很累。然而，事情既然發生了，就要面對，不能逃避，不能覺得醜，她有甚麼罪？她沒有罪。

啊，很痛！痛楚把我喚回廚房，看看手心，原來被爐子燙着，輕按一下，不怎麼痛，赤痛，來自心扉。

了不起的一雙手
思憶冗長，現實匆匆，早市已過。來到全日最旺場的午飯時間，客人通常是附近工作的朋友。我又蒸又炒，準備着各式小菜。我們賣的是兩餸套餐，每天五至六款小菜，配藜麥飯及一碗湯。我不是甚麼廚師，只如一餐住家飯，希望客人吃到媽媽的味道，所以堅持少油少鹽，不加味精及雞粉。女兒雖說負責水吧，但經常要幫忙做樓面，因為小店聘請了五至六位「朋友仔」，這是我對殘疾人士的暱稱。他們做事比較慢，缺乏信心，需要你去吩咐他才會做，所以女兒就充當了他們的小領袖。她甚麼都要做，洗垃圾桶、洗碗、通渠，她不怕髒、不怕辛苦，又願意教別人。她，有她的自信。女兒並不是天生比他們聰敏，只是一路伴我走來，訓練有素而已。
日子難過還得過，隨女兒漸長，眼見她沒甚工作的機會，政府沒有措施幫助她們，除了入工場。當時，工場薪水五十元一天，工作九小時，吃飯車費自付，她很乖巧，堅持了八個月。記得那年是二零一一年，湊巧一間茶餐廳找人頂讓，我把房子賣掉，開了第一間茶餐廳。做了一至兩年，發現女兒情緒很低落，我才驚覺，不是人人能包容她們。於是，我帶着她搬來長沙灣開店，又聘請了幾位朋友仔來工作。有一天，有一位朋友仔問我：「點解我人工咁高？」我一臉愕然，我說你做多少小時，就有多少錢。他說，原來外面並不是這樣，有些無良僱主，人家做八小時，只算你五至六小時，這些朋友仔知道，只是不懂保護自己，這是不對的。堅持付正常工資，而且還要一併聘請家長來照顧他們，經營相當困難。支撑到二零一六年，覺得不行了，於是頂讓予別人。當時女兒及幾個朋友仔，只能於家中望天打卦。

有一件事我很深刻，一位議員在會議上說過：「佢哋可以攞綜援。」但我介意，為甚麼要她們十七歲取綜援至七十歲？做人應該有基本態度及目標，天生我才必有用。何況，她不是不願工作，只是害怕。就如我的女兒，初初怕燙，又不敢捧餐，我告訴她：「咁唔好做啦，返屋企啦！」她聽畢就乖乖嘗試。有時候，覺得她的倔強還真像我。我知道，她們不是不行，只是要一個機會。抖擻精神，我嘗試向政府申請一筆錢，給我一個機會，重新經營一間食店；給朋友仔一個機會，繼續訓練自己。

最後成功了，所以店名加上「教室」二字。雖然蝕錢，但我不擔心這裏做不下去，因為山窮水盡時，上天會派很多天使在你身邊，幫助你渡過難關。正如我身旁這一位義工，分文不收來幫忙。所以，一定捱得過。我同樣是小店的義工而已，沒有薪水，車資都要倒貼。沒有半點怨言，因為我握住了，他們多麼了不起的一雙手。

終於忙過午市，瞄一瞄電話，即將踏入八月。三十年了，今年剛好是我先生過身三十年。正在收拾碗筷的女兒忽然抬頭，與我的目光對上，她甜甜一笑。先生過身後，她就是我的命根。很多父母覺得兒女來討債，如果這樣想，就永遠不會對她好。於我而言，她是一個小天使，不記仇、不怨懟，這是我在她身上學到的。現在生活苦，只要有她，我都不怕。「你就犀利啦！一個人做咁多嘢，睇住咁多小朋友，好偉大。」一把女高音帶我抽離思緒，是一位師奶熟客，她也是一位天使，經常拿些有的沒的來店裏，想幫輕我一些。我跟她寒暄幾句，心裏卻半點受不起這讚賞。我不是偉大，我只是為了我的女兒，因為她，我看到很多現實，聽到很多訴求，他們告訴我自己的經歷，被人家欺負，我只是順手拉他們一把。說實話，有這樣的女兒，才懂得為其他人去做，如果沒有她，我不會這麼偉大，真的。

終於抽出時間上廁所，女兒硬要跟着來。鏡子裏是我倆的臉，我瞥見自己皺紋又深了，畢竟快六十；她還是帶點稚拙。十年後，我們會如何？到時女兒都四十出頭，而我，會先走一步，不能再包着她的小手。我一定要幫她自立，創出自己的世界。小天使為我撥撥頭髮，一陣熱流湧上，於眼眶內打轉。女兒啊，媽媽從來沒有後悔過，這三十年來，如果沒有你在身邊，可能早就撑不住了。
步回店子的路上，粗糙的手如往昔般握着小手，死緊的。很想很想，不放手，就這樣，一直走下去。

採訪：黃寶琳 攝影：胡浩賢﹑謝本華

喜樂餐飲‧教室
地址：長沙灣福華街584號地鋪
電話：2371 0187
營業時間：7:30am-6pm
詳情： http://bit.ly/2vZbklW

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)