當年會考，爭兩分先升到原校。
鍾意睇書嘅我，偏偏一直都掌握唔到考試技巧，唔識猜度考官嘅心思，甚至唔理解出題者嘅思維，所以我老早就知道自己並非考試嘅材料，只係雙親未明白罷了。偏偏爭兩分無法升上原校，心有不甘，好想跟漏夜排隊幫我撲學校嘅母親大人講，其實自己唔係材料，不如算了。
直到今時今日我都頗後悔無講出口。
因為母親大人直到今時今日都好愛炫耀「我當年幫你排學校排通宵…」Well，作為要脅女兒嘅政治籌碼，薄弱得嚟又好似充滿咗愛，對我而言係情感勒索，對佢而言乃係歌頌緊母愛嘅偉大、無私嘅付出。Anyway我當時懵盛盛，讀咗一間唔係原校但又相逢恨晚嘅band3中學，入面有最有耐性嘅老師，最有心嘅副校長，同埋最慈悲為懷嘅訓導主任，即使當時事情發生得頗多，直至今日都好慶幸無揀我媽排通宵果間。所以話，人生嘅嘢，只係一種選擇，我有同年朋友會考8分，但今時今日打份工薪金係我五倍；亦有朋友28分，最後選擇了墜樓結束短暫而燦爛嘅一生。
我當年爭果兩分，後尾升上中六之後重考考返了，仲考多一分㖭，話曬我都攞過5星（當年得5星，未有5星星），我覺得夠我威威㗎啦～
#dse又有乜好怕喎
#其實佛教大光幾好 #只係多蚊咗啲
#雖然唔想回憶返果啲唔開心嘢
#不過大光後山有貓❤️
#真係最美好嘅回憶❤️
#原校其實都幾好嘅 #話曬都band1
#我好守規矩渾渾噩噩渡過咗5年
#點解無記吓小過大過果啲曳嘢
#淨係記得當年追星追到迫阿媽陪我去台灣
#然後就去咗第一次台灣嘅自由行😆
#我阿媽又會傻更更俾我安排行程😆
#考幾分都唔及我孝順陪阿媽旅行😆
其實佛教大光幾好 在 佛教大光中學Buddhist Tai kwong Middle School | 有冇過去鬼屋走一 ... 的推薦與評價
87-90年果繼時間啦..系由林村河沿路行上去,之後多人知道左,d同學個個都好似參觀一樣,第一間真係好驚好恐布,外面牆身比d植物沒圍著,入到去好似花園地方旁邊有一個圓形燒 ... ... <看更多>