剛剛同朋友睇左一套劇。一套我覺得值得用醫療角度分析嘅劇。
阿茲海默症（Alzheimer’s Disease，亦有人叫佢腦退化症或者認知障礙症）係其中一個最常見嘅「老人病」，而呢個病近年係媒體上亦都越黎越受關注，但係除左「無記性」之外，大家仲記得幾多？
我地到目前為止都唔太清楚阿茲海默症嘅成因，只係知道病人會有神經退化嘅症狀，隨住病情加劇，大腦甚至會有明顯嘅萎縮。初期症狀包括失去短期記憶、表達能力同埋理解能力開始緩慢、情緒行為改變、判斷力減退；慢慢，病人會開始失去更多記憶、時序混亂、未能表達自己、連生理時鐘都會改變。
呢類資訊我唸大家都聽過好多次，連電影都出現過好幾次，有惠英紅嘅《幸運是我》、葉德嫻嘅《姚姐》，外國都有 Julianne Moore 嘅《Still Alice》，佢地都好精準咁樣演釋左一個患左阿茲海默症嘅人如何生活、生活如何變遷、身邊嘅人如何崩潰，但係觀眾依然都係以旁觀者角度去睇。
我剛剛睇嘅呢一套劇剛剛相反。
香港話劇團 Hong Kong Repertory Theatre 請黎香港舞台劇界嘅大大大前輩，人稱「毛sir」嘅 Fredric Mao 毛俊輝 去飾演法國新晉才子 Florian Zeller 《父親（le Père）》一劇中患有認知障礙症嘅 Andre。成套劇可以用一隻字形容，是為「亂」。故事被人斬得零零碎碎、東歪西倒，連 Andre 女兒嘅容貌都可以變黎變去，佢嘅伴侶究竟係男友 Pierre 定係老公 Antoine，觀眾睇少幾秒鐘都會跟唔上。時序更加係亂上之亂，係十年之間嘅時空穿來插去。
作為觀眾，會睇到好辛苦，但係就會活生生、赤裸裸地比觀眾知道病者嘅心情。點解我個女唔係到？點解個樣唔同左？點解無啦啦傢俬忽然唔同哂？夠竟而家係幾點？點解我而家連簡簡單單想知而家幾點都會唔知道？我媽咪係邊到？
隨著 Andre 屋企嘅傢俬慢慢改善，佢嘅世界都隨著慢慢崩壞。
身為未來嘅醫護人員，我睇完感到非常無助，因為我唸唔到我可以點幫佢地。
劇中，Andre 身邊所有人對佢病情嘅反應都極為寫實咁反映我地正常人嘅行為。女兒會唔知點樣照顧佢、搵看護、如何去開口要自己嘅父親入住老人院？女婿會覺得佢阻住地球轉、覺得病情好煩、覺得佢點解要咁？看護除左呵護、當佢嬰兒一樣餵藥行公園，其他一概都做唔到。我地用哂我地有嘅知識、耐性去對付，但係其實一切都根本唔係病者需要嘅野，因為佢根本唔知佢需要咩野。
想知道病者真真正正第一身嘅經歷，就趁佢地未完，買飛睇下。
===========
《父親》
19.10 – 5.11.2017
香港藝術中心壽臣劇院
門票現於城市售票網發售
票價：$400, $350, $300, $200
訂票：2111 5999 / www.urbtix.hk
節目查詢：3103 5900
節目詳情：www.hkrep.com/events/17-5/
粵語演出 附中英文字幕
入住老人院英文 在 英語指迷- 老人院的英文是什麼? 聽說今年DSE的 ... - Facebook 的推薦與評價
正統英文： Sanatorium 療養院英式。 Sanitarium療養院美式。 Rest home 老人院英美。 Elderly home care : 老人不入老人院， ... ... <看更多>