關於 傻笑 歌詞 意思 ，我們在網路上蒐集到這些相關的討論、資訊與評價

《分了手的人，能否再次像朋友一般，完成一年前的約定？》

一對戀人，約定一個「確實時間」，做一件「實在的事」…
其實…是很危險的。

例如在「一年後」，看一場「演唱會」。
而且，那時就付費預訂。

因為分分鐘，「一年後」來臨的那一刻…
這對戀人，早就在中途分了手，變回兩個普通人。

『分了手的人，能否再次像朋友一般，完成這個約定？』

Paula拿著演唱會的門票，等待著「答案」。

她與前度男友阿Tim，正正在一年前相約，看這個演唱會。
原因無他，
這樂隊太受歡迎，所以開啟了「一年前預訂」的概念。

「一年前」兩個人都沒有想過，兩個人會沒有「一年後」。

他們在半年前宣佈分手，
在IG中互相Unfollow，完成了21世紀的告別儀式。

分了手，門票在她手，她自己打算一個人去演唱會就算…
偏偏阿Tim卻在一星期前主動問：
「介唔介意，我照樣同你睇？」

當對方問你「介唔介意」，
就很難說「介意」的，
即使她其實介意。

回到演唱會的正門，
Paula心情依然是有點忐忑，畢竟市場上的戀愛書籍只有教導「如何約會」，但沒有教導「如何與前度約會」。

始終半年未見…對方不知改變了多少
開場白，應該是裝大方、扮Cool、還是保持距離比較好？

但未及想到對策，他的訊息已經殺到：
「喺對面。」

Paula將手…放在腹部之上，再橫眼掃向對面馬路，Tim呼著一口煙，對她微笑。

這個男人，衣著依然是全身Paul Smith，喜歡吸一口Pall Mall，雙眼的視線總是望著停泊的Porsche。

這個男仔一點也沒有點，依然對「Paul」的發音，有著一種執念。

Paula甚至懷疑…
他當初喜歡自己，只是因為她叫Paula。

Tim點熄了香煙，慢慢走過來，展出笑容，感覺很陽光，卻與晚空不搭。

Tim：「咁早嘅，仲有10分鐘喎。」

Paula：「吓，得返10分鐘算遲啦。」

Tim：「哈哈…都係嘅，咁入場先啦。」

Paula：「嗯，你張飛，自己拎返。」

不知為何，看見這男人很輕鬆，Paula心就有火。

但的確，
兩人的性格本來就不一樣，Tim很隨心，Paula很急躁。

Tim接過門票後，Paula一馬當先入場，
卻又無可奈何地…每隔10秒回頭，看看他…
有沒有跟著自己。

視線對上數次，每次Tim都是保持微笑。
終於，Paula不自覺地放出狠話：「望咩呀你？」
但明明…是她望他在先。

Tim有點不服：「無呀…唔好咁燥啦。你塊面黑晒啦。同埋…都唔知你燥啲咩？係咪。嚟得聽歌，放鬆下啦。」

『都唔知你燥咩。』

這一句基本上是當年他們「開片」的標準opening。
但既為前度，自己已經沒有任性的權利。
這一點，Paula還是明白的。

幸好，燈已經熄滅。
演唱會開始，掩蓋了二人的尷尬。

5位樂隊成員進場，其中主音的新髮型尤其突出，令她興奮得大叫起來。

她拍一拍Tim：「喂！你睇唔睇到呀！阿迅漂咗髮呀！」

Tim：「見到啦！之前你夠話漂！得個講字。」

突然間，
她意思到自己與對方在「正常對話」，這不正常！他可是前度呀！
於是她再沒回覆，讓對話再次沉默。

歌，一首又一首的奏起。
思緒，卻一浪又一浪的重疊。

『為甚麼與前度不能正常對話？』
『為甚麼對著前度，要保持攻擊態度？』
『為甚麼他執著要陪我看演唱會？』
『他是否與自己一樣，依然單身。』

一個又一個疑問，一次又一次沒有答案。
但這隊樂隊的情歌，已經奏起。

而原來情歌，是很恐怖的。
尤其是…旁邊是前度。

每一句，你的大腦都可以勾起回憶去對應。

傷心的歌詞讓你傷心；
甜蜜的歌詞…讓你更傷心。

眼紅；鼻酸；淚差點就悄悄地跑出來。

哭泣這回事，她不怕。
但她很怕，在前度面前哭泣。

她想走了，這個座位比地獄更痛苦。
就當是最後的任性。

只是她一拿起袋，旁邊的男人就發現。

「唔係好舒服。想走先。」她說。
「食支煙先走？」他輕聲問。
「唔啦。」她再說。
「食支煙先走？」他堅持。

對於兩個都會「食支煙」的人而言，「食支煙先走」彷彿是一個不明文規定。

她搖搖頭，唉唉氣，終於沒有阻止。
兩個人從演唱會中離開。

鋪一離開，Paula想分散一下自己的心思，就查看手機的Whatsapp。

阿Tim：「仲係咁？第一時間又係睇公司Wtsapp？」

Paula沒好氣，自故地走到場外的吸煙區：「又關你咩事呀？」

Tim沒有回覆。
她等了兩等，點起香煙。

「其實…你做咩要嚟啫。」

明明，這個問題，一早就想問。
但人類就是喜歡留到「最後的最後」，才願意問出口。

阿Tim頓一頓：
「因為我知道…你個人好有原則，張飛有個主人，你就唔會搵人攝，你會寧願自己睇。
咁一個人睇，唔會太慘咩？？所以，我咪想陪你睇囉。」

Paula眼神一狠：「可憐我？」

阿Tim：「頂…唔係可憐你呀。係……

係擔心你？關心你？…嗯，我搵唔到形容詞。總之…想你好過啲…或者，唔想你難受。

我淨係想畀你知…我其實喺度。
發生過嘅事，無改變過。我曾經關心嘅人，唔會唔關心。你喺我個心入面存在過，就係存在過。」

這個男人說了半天，表達的卻其實一句講晒。

『總之不是愛。』

這一刻，
所有幻像。就如雨水入河道，化為蒸氣。

原來…Paula一直想知道的問題是
『其實他是否仍愛著自己？』

她知道了答案，即使不如所願，卻依然…比「不知道」更好過。

她微笑，但再次將手…放在腹部之上。

阿Tim：「又胃痛？你嗰時都係咁，咩事都咁緊張。公司係咪好忙呀？定你畀太大壓力自己？」

這時，一輛車駛過。

阿Tim望望手中煙：「廣告都有講啦…停一停，轉換心情呀嘛。你自己都要學識呀。我唔想下次見你…係去醫院探你病呀。」

轉換心情嗎？

她深深地呼一口煙，將心事一同吐出：「哈哈…無咁易，放心啦。多謝你。我知…你嘅關心唔係假嘅。OK啦，我心情好返啲啦。」

阿Tim笑得真心：「總之…分手時講唔到太多嘢，但我都想話你知，至少我哋都係朋友。有心事想放底？我都可以做你個『停車場』㗎。」

Paula：「好呀。同埋…」

阿Tim停著。

Paula笑說：「支煙食完啦，我走啦。」

阿Tim這次，才懂傻笑一下。對呀。
『食支煙先走』就是「大家只有一支煙的時間。」

當然，這個結局，對雙方也不壞。

『是不是所有男人，都想在分手後，保持一個偉大的形象？』

Paula不知道為何他們喜歡這樣做，但依然是這一句：
『他的關心不是假的。』

又回到這一句：「但我都想話你知，至少我哋都係朋友。有心事想放底？我都可以做你個『停車場』㗎。」

不過…往後的生活，Paula即使依然有煩惱，會胃痛…
但…
她最後都沒有找過他。
因為她原來愛過他。

原來真正愛過，
就永遠是過去的戀人，而非現在的朋友。

鄧紫棋出新碟，思想真係成熟咗好多，對過去人生真係有反思，反觀林宥嘉反而繼續逃避現實，所以決定出返呢篇曾經因為林宥嘉有情緒不穩跡象而撤回嘅文章。愛情絕對係人生好重要一部分，所以愛情失利，志業好難唔受影響。擁有理解自己志業嘅伴侶，係必然會引發加乘效果，共同發光發熱，但前提係努力精進自己，諗清楚自己性格，同埋自己到底想要嘅係乜。鄧紫棋嘅真誠，令我大為改觀，但呢篇唔係講佢，而係想借公眾人物去講吓對待愛情嘅態度，希望精進自身嘅意思會更加易明，因為做好自己，至會做得好其他事，精進首先係為自己，之後至係為他人，為國家，為世界。

------

閒來無事中意睇選秀節目作消遣嘅一大原因，係可以直接睇到人點解進步，點解失敗，事關舞台將一切都放到最大，人格如何，面對目光，即刻無所遁形。而得意嘅係，聲林之王第二季值得睇，係因為有得睇林宥嘉嘅自我放棄同蕭敬騰嘅始終熱情形成強烈對照——就算已經有所作為，只要選擇退而求其次，人都可以即刻跌返落低位，林宥嘉就係最佳例子。

大多數做唔到明星嘅人，都會有各種理由去解釋佢地嘅失敗，但有自覺嘅人係從來唔會搵咁多藉口。莫名奇妙就走音了、我也不知道、我想是緊張吧，呢啲都係不知輕重嘅反應，佢地唔知有得踏上舞台呢個機會有幾難得，而導師嘅時間又有幾寶貴。你唔努力，係對人地唔尊重，更係對自己唔尊重。另外有類參賽者又係好有問題，就係導師畀意見，佢係即時就答知道或者明白，但如果真係有聽入耳，係唔應該秒覆。可以明得咁快，本身表演就理應唔會犯錯，而既然犯錯，就即係根本唔係真正知道嗰種錯誤係有幾致命。

不過今次最致命嘅唔係參賽者，而係林宥嘉，因為佢今季已經對唔住導師呢個身分。講評欠缺應有深度，揀人嘅理由九唔搭八，不停嘗試炒熱氣氛幫參賽者拉紅線，完全係無法集中精神去做好個節目。上季佢心理健康嘅時候，同蕭敬騰係合拍得好緊要，兩個多次有相視而笑嘅畫面，而蕭敬騰亦成日話林宥嘉講嘅就係佢嘅諗法，大家對參賽者嘅睇法都係一語中的。但係，今季佢係明顯失去咗靈魂，去到蕭敬騰都好錯愕，然後要加以修正嘅地步——第八集中有個參賽者叫陳瑽，係蕭敬騰間公司，林宥嘉話「如果我是老蕭的話，今天我會覺得很驕傲」但蕭敬騰不敢苟同，就以「但是你不是我啊」同埋「我不知道這個好是因為這是一首合唱作品還是妳以後也可以這麼好」去回應，亦即係話佢仍然未見到佢有可觀嘅獨唱能力，未值得以驕傲形容。呢種分歧，唔單單係意見分歧，而係因為其中有人連個人生活都未處理好，畀思緒影響工作，而呢啲觀眾都係有眼睇。兩位拍檔主持雖然有力獨自精進，但真正主持大局嘅只係蕭敬騰同Lulu。

我理解伴侶同家庭可以點樣透支一個人嘅能量，而愛情路上嘅不進則退，係絕對會驅散人嘅靈氣。林宥嘉靈氣消散，係因為佢唔夠勇敢，唔肯去面對禁忌——同鄧紫棋分開之後，佢未整理自己，就直接用婚姻去逃避現實。當年林宥嘉同鄧紫棋一齊，佢係激情洋溢，雖然最終搵唔到最佳磨合方式，但兩個人係有靈魂交流，有engagement，亦即係話又開朗又具音樂造詣嘅對象其實唔係唔適合佢。當一個人曾經達到某個高度，曾經滄海，係咪可以同返甘於平庸嘅丁文琪追求結婚生仔呢啲所謂愛情？我聽到〈少女〉之後，已經決定唔再聽佢以後嘅新歌。

我一直有聽佢嘅歌，IDOL演唱會嗰時，佢仍然有一定魅力，但同時我亦極之留意佢呢十年所有訪問嘅內容同反應，見證住佢嘅靈氣消散。youtube上面搵到嘅訪問，基本上我係睇曬，而我睇到嘅係佢對音樂嘅堅持，更係佢一提及舊事就無法自拔嘅空虛。鄧紫棋仍然係敏感人物，而林宥嘉亦仍然未從陰影之中完全成長，所以佢情緒總係會波動，而佢應對嘅方法就係後退，一如當年佢推曬全屋企人去應付過分主動嘅鄧紫棋。情緒波動，正係因為深受觸動，而觸動過後點樣維繫，或者錯失之後點樣理解同消化呢類型對象，然後思考自己有幾大程度上適合同呢類型對象交往，正係林宥嘉做得唔好嘅地方。

This is a life choice，而林宥嘉選擇咗退縮，鄧紫棋選擇咗進步。鄧紫棋喺分手之後，係不避嫌咁談及舊事，亦有主動講從中學到乜嘢，而林宥嘉係絕口不提，甚至喺上季聲林之王因為參賽者申力安唱〈光年之外〉而失神，完全畀唔到合理意見。前奏一響起，鏡頭掃到佢，明顯見到佢係深深吸一口氣，然後努力管理表情，而去到中段，就故作投入，實力一般嘅申力安可以引起佢如此反應並唔合理。反觀鄧紫棋喺某中國節目聽到有參賽者演唱〈說謊〉，佢嘅反應就係反白眼同尷尬傻笑，可見佢運作如常。就好似林夕喺〈綿綿〉寫過，「前塵就似輕於鴻毛／提及心底苦惱／如像自言自語說他人是非／多麼好」，有表情係代表自如，代表你承認同接受呢段感情確實存在，而克制表情，置身事外，嘗試撇清關係，就更顯避諱之意。

兩個都係以音樂為志業嘅人，當年年少氣盛，有意見有爭執自然會擦槍走火，不足為奇。分開之後，林宥嘉唔去思考嘅係，辛苦過後其實會有成果，而呢種痛心拉扯，丁文琪係完全刺激唔起，而具有一定力量嘅伴侶（就算唔係鄧紫棋都可以）至係佢理應去不斷追求嘅目標。丁文琪所提供到嘅都絕對係愛，但呢一種愛只係廉價支持，事關佢只係知道音樂人係林宥嘉最理想崗位，但佢係無法理解林宥嘉嘅音樂世界。亦即係話，就算而家林宥嘉話唔再唱歌，去做警察，去開餐廳，去做啲同音樂完全無關嘅事，丁文琪都絕對會全力支持，因為佢支持嘅係伴侶本人，而唔係因為理解而支持，而呢種支持永遠都係次一等——如果每日要我返到屋企對住只能提供廉價支持嘅伴侶，唔會明我有關中國解體同東亞秩序重整思考嘅伴侶，我寧願單身，因為我清楚知道自己要嘅生活係乜，然後先再選擇伴侶，而我深信處理好自己再去選擇伴侶，至係正確步驟。

所謂小清新嘅愛情，係咪真係適合自己？一個只可以用漂亮去形容嘅伴侶，係咪真係適合自己？一種唔會令自己情緒大起大落、感受生命嘅愛，係咪真係適合自己？如果最欣賞對方嘅只係先天條件同佢有幾努力去照顧家庭，咁到底自己嘅追求又係乜？其實鄧紫棋外貌都唔錯，但當年佢甚少提及鄧紫棋嘅外貌，而係講佢音樂才華，因為佢喺對方身上見到嘅係由內而外所散發嘅光芒，而唔係由外而內嘅所謂漂亮（林宥嘉對現時伴侶嘅形容十居其九都係漂亮）。〈兜圈〉有句歌詞係「有一種浪漫的愛／是浪費時間」，但人生苦短，目標遠大，金曲獎都未拎到過，浪費時間點解係好事？不進則退，正係如此。

事已至此，我大膽預言，一日同丁文琪一齊，一日林宥嘉都唔會拎到金曲獎。金曲獎唔係關乎榮耀，而係一個目標，係專業人士對歌手嘅肯定，而我從來欣賞嘅都係專心做音樂嘅林宥嘉，而唔係連導師本分都盡唔到嘅林宥嘉。記得IDOL演唱會香港場，林宥嘉又有講廣東話，而佢水平之高，係超越大多數台灣人。駕馭另一語言，從來唔係容易，但點解一個人曾經會咁努力去學廣東話？學廣東話，正正就因為愛情可以唔浪費時間，更理想嘅愛情毋須停留喺簡單愛，而係應該要有令人義無反顧去努力嘅勇氣。

我曾經以「一山當可藏二虎」去形容蕭敬騰同林宥嘉，因為佢地兩個都獨當一面，無分高低，值得推崇。然而，虎之所以可以一直威猛，係要自我鞭策，勤於捕獵，唔可以自困於動物園呢種唔適生嘅環境。雖然林宥嘉以樹自居，又係所謂迷幻王子，但認為自己係較為平靜陰柔，都應該要有平靜陰柔嘅精進路徑，呢個唔係原地踏步嘅藉口——如果失去奮鬥嘅心，失去做自己嘅堅持，咁就永遠唔會成為一棵令人仰望嘅老樹，而成為受寄生感染而腐爛空心嘅老樹，只能眼望其他生物發光發熱，成為各自界別領域中嘅偶像。

〈少女〉之中，歌詞提及「偶像的位置／一夜間／全都換成／你和巧克力」，我無法想像呢句說話出自林宥嘉之口。而「浪漫的愛情再定義／快樂回到三年級」所描寫嘅浪漫，要透過退化而得到，亦係令人失望。人嘅年紀唔會倒退，因此成年人永遠唔可能擁有三年級嘅純粹快樂，但問題係，點解成年人就唔可以有成年人嘅快樂？如果同對方相知相遇，可以將音樂貫穿生命所有細節就會快樂，咁點解唔去追求一個可以同自己一齊不停創造快樂嘅人？受過傷害，要稍事休息唔緊要，但休息之後，連偶像都放棄，連浪漫都扭曲，咁樣嘅人係唔會有成就自己嘅一日。只有提起前度都可以雲淡風輕，提起傷口都可以坦然面對，人至會有繼續成長嘅可能，而思想蛻變同事業突破，從來都係緊密相連，無法割裂——只有飽受風霜但仍然堅持復健治療嘅人，至有資格肩負導師之名，成為他人心中嘅偶像。

最後，如果你覺得周生生廣告係好sweet，以上分析你應該唔會消化得到，我只能希望你繼續精進，有日會睇得明。

https://gnimmm.com/2019/10/27/soul_lost/

鄧紫棋出新碟，思想真係成熟咗好多，對過去人生真係有反思，反觀林宥嘉反而繼續逃避現實，所以決定出返呢篇曾經因為林宥嘉有情緒不穩跡象而撤回嘅文章。愛情絕對係人生好重要一部分，所以愛情失利，志業好難唔受影響。擁有理解自己志業嘅伴侶，係必然會引發加乘效果，共同發光發熱，但前提係努力精進自己，諗清楚自己性格，同埋自己到底想要嘅係乜。鄧紫棋嘅真誠，令我大為改觀，但呢篇唔係講佢，而係想借公眾人物去講吓對待愛情嘅態度，希望精進自身嘅意思會更加易明，因為做好自己，至會做得好其他事，精進首先係為自己，之後至係為他人，為國家，為世界。

-\-\-\-\-\-\

閒來無事中意睇選秀節目作消遣嘅一大原因，係可以直接睇到人點解進步，點解失敗，事關舞台將一切都放到最大，人格如何，面對目光，即刻無所遁形。而得意嘅係，聲林之王第二季值得睇，係因為有得睇林宥嘉嘅自我放棄同蕭敬騰嘅始終熱情形成強烈對照——就算已經有所作為，只要選擇退而求其次，人都可以即刻跌返落低位，林宥嘉就係最佳例子。

大多數做唔到明星嘅人，都會有各種理由去解釋佢地嘅失敗，但有自覺嘅人係從來唔會搵咁多藉口。莫名奇妙就走音了、我也不知道、我想是緊張吧，呢啲都係不知輕重嘅反應，佢地唔知有得踏上舞台呢個機會有幾難得，而導師嘅時間又有幾寶貴。你唔努力，係對人地唔尊重，更係對自己唔尊重。另外有類參賽者又係好有問題，就係導師畀意見，佢係即時就答知道或者明白，但如果真係有聽入耳，係唔應該秒覆。可以明得咁快，本身表演就理應唔會犯錯，而既然犯錯，就即係根本唔係真正知道嗰種錯誤係有幾致命。

不過今次最致命嘅唔係參賽者，而係林宥嘉，因為佢今季已經對唔住導師呢個身分。講評欠缺應有深度，揀人嘅理由九唔搭八，不停嘗試炒熱氣氛幫參賽者拉紅線，完全係無法集中精神去做好個節目。上季佢心理健康嘅時候，同蕭敬騰係合拍得好緊要，兩個多次有相視而笑嘅畫面，而蕭敬騰亦成日話林宥嘉講嘅就係佢嘅諗法，大家對參賽者嘅睇法都係一語中的。但係，今季佢係明顯失去咗靈魂，去到蕭敬騰都好錯愕，然後要加以修正嘅地步——第八集中有個參賽者叫陳瑽，係蕭敬騰間公司，林宥嘉話「如果我是老蕭的話，今天我會覺得很驕傲」但蕭敬騰不敢苟同，就以「但是你不是我啊」同埋「我不知道這個好是因為這是一首合唱作品還是妳以後也可以這麼好」去回應，亦即係話佢仍然未見到佢有可觀嘅獨唱能力，未值得以驕傲形容。呢種分歧，唔單單係意見分歧，而係因為其中有人連個人生活都未處理好，畀思緒影響工作，而呢啲觀眾都係有眼睇。兩位拍檔主持雖然有力獨自精進，但真正主持大局嘅只係蕭敬騰同Lulu。

我理解伴侶同家庭可以點樣透支一個人嘅能量，而愛情路上嘅不進則退，係絕對會驅散人嘅靈氣。林宥嘉靈氣消散，係因為佢唔夠勇敢，唔肯去面對禁忌——同鄧紫棋分開之後，佢未整理自己，就直接用婚姻去逃避現實。當年林宥嘉同鄧紫棋一齊，佢係激情洋溢，雖然最終搵唔到最佳磨合方式，但兩個人係有靈魂交流，有engagement，亦即係話又開朗又具音樂造詣嘅對象其實唔係唔適合佢。當一個人曾經達到某個高度，曾經滄海，係咪可以同返甘於平庸嘅丁文琪追求結婚生仔呢啲所謂愛情？我聽到〈少女〉之後，已經決定唔再聽佢以後嘅新歌。

我一直有聽佢嘅歌，IDOL演唱會嗰時，佢仍然有一定魅力，但同時我亦極之留意佢呢十年所有訪問嘅內容同反應，見證住佢嘅靈氣消散。youtube上面搵到嘅訪問，基本上我係睇曬，而我睇到嘅係佢對音樂嘅堅持，更係佢一提及舊事就無法自拔嘅空虛。鄧紫棋仍然係敏感人物，而林宥嘉亦仍然未從陰影之中完全成長，所以佢情緒總係會波動，而佢應對嘅方法就係後退，一如當年佢推曬全屋企人去應付過分主動嘅鄧紫棋。情緒波動，正係因為深受觸動，而觸動過後點樣維繫，或者錯失之後點樣理解同消化呢類型對象，然後思考自己有幾大程度上適合同呢類型對象交往，正係林宥嘉做得唔好嘅地方。

This is a life choice，而林宥嘉選擇咗退縮，鄧紫棋選擇咗進步。鄧紫棋喺分手之後，係不避嫌咁談及舊事，亦有主動講從中學到乜嘢，而林宥嘉係絕口不提，甚至喺上季聲林之王因為參賽者申力安唱〈光年之外〉而失神，完全畀唔到合理意見。前奏一響起，鏡頭掃到佢，明顯見到佢係深深吸一口氣，然後努力管理表情，而去到中段，就故作投入，實力一般嘅申力安可以引起佢如此反應並唔合理。反觀鄧紫棋喺某中國節目聽到有參賽者演唱〈說謊〉，佢嘅反應就係反白眼同尷尬傻笑，可見佢運作如常。就好似林夕喺〈綿綿〉寫過，「前塵就似輕於鴻毛／提及心底苦惱／如像自言自語說他人是非／多麼好」，有表情係代表自如，代表你承認同接受呢段感情確實存在，而克制表情，置身事外，嘗試撇清關係，就更顯避諱之意。

兩個都係以音樂為志業嘅人，當年年少氣盛，有意見有爭執自然會擦槍走火，不足為奇。分開之後，林宥嘉唔去思考嘅係，辛苦過後其實會有成果，而呢種痛心拉扯，丁文琪係完全刺激唔起，而具有一定力量嘅伴侶（就算唔係鄧紫棋都可以）至係佢理應去不斷追求嘅目標。丁文琪所提供到嘅都絕對係愛，但呢一種愛只係廉價支持，事關佢只係知道音樂人係林宥嘉最理想崗位，但佢係無法理解林宥嘉嘅音樂世界。亦即係話，就算而家林宥嘉話唔再唱歌，去做警察，去開餐廳，去做啲同音樂完全無關嘅事，丁文琪都絕對會全力支持，因為佢支持嘅係伴侶本人，而唔係因為理解而支持，而呢種支持永遠都係次一等——如果每日要我返到屋企對住只能提供廉價支持嘅伴侶，唔會明我有關中國解體同東亞秩序重整思考嘅伴侶，我寧願單身，因為我清楚知道自己要嘅生活係乜，然後先再選擇伴侶，而我深信處理好自己再去選擇伴侶，至係正確步驟。

所謂小清新嘅愛情，係咪真係適合自己？一個只可以用漂亮去形容嘅伴侶，係咪真係適合自己？一種唔會令自己情緒大起大落、感受生命嘅愛，係咪真係適合自己？如果最欣賞對方嘅只係先天條件同佢有幾努力去照顧家庭，咁到底自己嘅追求又係乜？其實鄧紫棋外貌都唔錯，但當年佢甚少提及鄧紫棋嘅外貌，而係講佢音樂才華，因為佢喺對方身上見到嘅係由內而外所散發嘅光芒，而唔係由外而內嘅所謂漂亮（林宥嘉對現時伴侶嘅形容十居其九都係漂亮）。〈兜圈〉有句歌詞係「有一種浪漫的愛／是浪費時間」，但人生苦短，目標遠大，金曲獎都未拎到過，浪費時間點解係好事？不進則退，正係如此。

事已至此，我大膽預言，一日同丁文琪一齊，一日林宥嘉都唔會拎到金曲獎。金曲獎唔係關乎榮耀，而係一個目標，係專業人士對歌手嘅肯定，而我從來欣賞嘅都係專心做音樂嘅林宥嘉，而唔係連導師本分都盡唔到嘅林宥嘉。記得IDOL演唱會香港場，林宥嘉又有講廣東話，而佢水平之高，係超越大多數台灣人。駕馭另一語言，從來唔係容易，但點解一個人曾經會咁努力去學廣東話？學廣東話，正正就因為愛情可以唔浪費時間，更理想嘅愛情毋須停留喺簡單愛，而係應該要有令人義無反顧去努力嘅勇氣。

我曾經以「一山當可藏二虎」去形容蕭敬騰同林宥嘉，因為佢地兩個都獨當一面，無分高低，值得推崇。然而，虎之所以可以一直威猛，係要自我鞭策，勤於捕獵，唔可以自困於動物園呢種唔適生嘅環境。雖然林宥嘉以樹自居，又係所謂迷幻王子，但認為自己係較為平靜陰柔，都應該要有平靜陰柔嘅精進路徑，呢個唔係原地踏步嘅藉口——如果失去奮鬥嘅心，失去做自己嘅堅持，咁就永遠唔會成為一棵令人仰望嘅老樹，而成為受寄生感染而腐爛空心嘅老樹，只能眼望其他生物發光發熱，成為各自界別領域中嘅偶像。

〈少女〉之中，歌詞提及「偶像的位置／一夜間／全都換成／你和巧克力」，我無法想像呢句說話出自林宥嘉之口。而「浪漫的愛情再定義／快樂回到三年級」所描寫嘅浪漫，要透過退化而得到，亦係令人失望。人嘅年紀唔會倒退，因此成年人永遠唔可能擁有三年級嘅純粹快樂，但問題係，點解成年人就唔可以有成年人嘅快樂？如果同對方相知相遇，可以將音樂貫穿生命所有細節就會快樂，咁點解唔去追求一個可以同自己一齊不停創造快樂嘅人？受過傷害，要稍事休息唔緊要，但休息之後，連偶像都放棄，連浪漫都扭曲，咁樣嘅人係唔會有成就自己嘅一日。只有提起前度都可以雲淡風輕，提起傷口都可以坦然面對，人至會有繼續成長嘅可能，而思想蛻變同事業突破，從來都係緊密相連，無法割裂——只有飽受風霜但仍然堅持復健治療嘅人，至有資格肩負導師之名，成為他人心中嘅偶像。

最後，如果你覺得周生生廣告係好sweet，以上分析你應該唔會消化得到，我只能希望你繼續精進，有日會睇得明。

https://gnimmm.com/2019/10/27/soul_lost/