🌟充滿驚喜的黃金海岸2日1夜四代同堂慶生之旅🌟
（超長的標題…很配合以下超長的遊記）
阿娘上年生日都是來了黃金海岸酒店，今年除左帶住奶油仔，仲拉埋奶油婆婆同奶油太婆一齊去輕鬆渡假嘆一嘆🌴💦
係kkday訂到超優惠package💫$1650一間 #豪華海景房 ，有奶油仔最愛的 #大露台 ，仲包 #自助早餐 、海岸扒房 #高質晚市套餐 同免費享用房間mini bar六罐飲品！生日入住有送飲品（同行者都有）同一件蛋糕。訂購傳送門：https://bit.ly/3igIl79
本來計劃行程係沙灘、泳池、食、瞓、沙灘同泳池，但出發當日天氣不似預期☔️結果就奇妙事不斷有✨
當日1:30pm就到達酒店，打算放低行李去海邊走走等3:00pm check in，點知即刻有房喎🤩見未落雨，去 #泳池 book游水，每間房每日可以book一個時段。有水上滑梯的池未開，但主池都好大，加上人唔多，我地可以即刻落水。咁啱上水個刻3:00pm就開始落大雨。大雨到。。係黃雨再紅雨呀😱
對早有預備嘅阿娘，其實落雨又有咩好怕😏就算酒店個playroom關閉左成年半都難我唔到！因為只需5分鐘車程，就可以去到堪稱全港、九、新界最好玩嘅康民署兒童遊戲室---位於 #兆麟體育館 👏🏻有平時去倉鼠店會見到類似嘅大型繩網四通八達野，係咪唔知我講緊咩？我都詞窮，所以請睇圖🙈每節可以玩30分鐘。據屯門人線報，呢個咁唔簡單嘅免費playroom平時排滿人，不過當日係重開第二日，加上落大雨，成功玩到2節，好滿足☺️
晚餐方面package包的，個洋蔥湯好好飲呀！！😋不過無相睇，因為一坐埋位阿娘就餓到放左3個餐飽入口，灌左碗湯，電話都無攞過出來，阿娘完全不是foodie材料🤡一開始說好了的輕鬆渡假嘆一嘆只係口號，實際攰到hihi🤡🤡
第二朝自助早餐款式都多，質素都可接受。之後好驚喜😳關門大吉左一年半嘅酒店playroom無預警下突然開返🎊（一定係因為慶祝阿娘生日🤣🤣🤣🤣🤣🤣）酒店住客$150，兩大一細玩45分鐘，唔係好抵，但咁難得開返，我地就去做佢第一個客仔🥳又有一大座倉鼠迷宮野，玩到奶油仔唔捨得走。同的確一分錢一分貨，酒店playroom多野玩好多，彈床、攀石牆，全部係奶油仔的favorite🎉玩完一節，再出返去游水，呢刻望住精力十足嘅奶油仔不禁沉思一下，究竟係慶祝你生日定我生日🥲
臨走食埋個海南雞飯，又望住奶油婆婆同太婆容光煥發，嘆左兩日叉足電咁，又望下塊鏡同奶油爸，俾個仔放哂D電嘅殘樣，哈哈，都幾開心滿足嘅🥲🥲
奶油仔9月就讀書啦，之後無咩機會weekdays四圍玩，所以我地已經book好下次staycation啦！哈哈哈🦐🦐🦐!
有興趣去黃金海岸staycation，可以去kkday呢度睇下，頭先睇得已經返兩個日子😬:https://bit.ly/3igIl79
倉鼠迷宮 在 倉鼠の迷宮障礙賽！淡定過10關完美脫逃@東森新聞CH51 的推薦與評價
... <看更多>